Ընդհանուր

Լուրեր

Հրատարակութիւն

PDF
Չորեքշաբթի, 10 Մայիս 2017 18:24
Rate this item
(0 votes)

ՇՈՒՇԻԻ  ԱԶԱՏԱԳՐՄԱՆ  25-ԱՄԵԱԿԸ

Երկուշաբթի, մայիսի 8-ին տեղի ունեցաւ Երէցների միութեան ամսական հանդիպումը՝ նւիրւած Շուշիի ազատագրման 25-ամեակին: Սկզբում միութեան նախագահ ընկեր Հարմիկ Զովէլեանը խօսելով մայիս ամսւայ տօների ու յաղթանակների մասին, յիշատակեց ու շնորհաւորեց Աշխատաւորութեան տօնը՝ մայիս 1-ին, Շուշիի ազատագրումը՝ Մայիսի 9-ին եւ տօների տօն Մայիս 28-ը, որով հիմնադրւեց Հայաստանի Հանրապետութիւնը:

 

Ապա հրաւիրւեց Արցախի ազատագրմանը մասնակից ընկեր Բորիս Յովհաննիսեանին օրւայ առիթով արտայայտւելու:  Ընկեր Բորիսն իր բովանդակալից ելոյթում նախ տւեալներ ներկայացրեց Արցախի հայկական պատկանելիութեան մասին: Անդրադարձաւ  Շուշիի ազատագրման մարտական սխրալի գործողութեան, որը հպարտութեան առիթ է հանդիսանում ամէն մի հայի համար: Վերջում նաեւ յուշեր պատմեց Արցախեան մարտերի իր մասնակցութեան տարիներից:

Օրւայ առիթով ցուցադրւեցին Շուշիի վերաբերեալ վաւերագրական  երկու տեսանիւթ:  Ելոյթ ունեցան Հ.Մ. «Նայիրի» միութեան  եւ Հ.Մ.Ա.Կ.-ի Արւեստից միութեան պարախմբերը՝ գեղեցիկ ու հոգեհարազատ կատարումներով:

Այնուհետ ներկաները – շուրջ 120 հոգի -  հիւրասիրւեցին բաժանմունքների պատրաստած ուտեստներով, նաեւ նշւեցին մայիս ամսւայ տարեդարձներն ու տօները: 

Նիւթը ստացել ենք ընկ. Էդւարդ Յարութիւնեանից

Հ.Մ.Ա.Կ.-ի Հանրութեան հետ կապ