Հրատարակութիւն

PDF

Կենտրոնական Վարչութիւն

Երկուշաբթի ,մարտի 11 ,2019 թ.-ին ԻԻՀ հիւսիսային Իրանահայութեան պատգամաւոր՝ դկտ.Կարէն Խանլարեանը իր գրասենեակում ընդունեց Հ.Մ.Ա.Կ.-ի նորընտիր Կենտրոնական վարչութեան անդամներին :
Այցելութեան ընթացքին նա շեշտաւորեց այս պատասխանատու աշխատանքի կարևորութիւնը և ողջունելով կազմին մաղթեց ազգանպաստ վերելքներ :

ՀՀ Վարչապետ Նիկոլ Փաշինեանի այցը, Թեհրանահայ համայնքի հետ «Արարատ» մարզաւանում

Արդեն երկար ամիսներ է, ինչ «Արարատ» մարզաւանում մասնագէտ բնապահպանի և մարզաւանի վարիչ մարմնի հսկողութեամբ կատարւում է տարածքի կանաչապատման ու բնութեան պահպանման հսկայածաւալ աշխատանք, որին անդրադարձել ենք անգամներ։
Մի շարք պատկերներ վերջին շաբաթների աշխատանքներից

Նոր Տարին շնորհաւորելու նպատակով դկտ.Սալեհի Ամիրին Ազգային Օլիմպիադայի կոմիտէի պետ, պարոնայք՝ Քեյքաւուս Սաիիդին, Ասղար Րահիմին կոմիտէի մի քանի ընկերների ընկերակցութեամբ մարզաւան այցելեցին չորեքշաբթի, յունւարի 9, 2019թ.-ին:
Հիւրերին դիմաւորեցին Կենտրոնական վարչութեան ընկերները, մարզաւանի վարիչը և Մարզաւանի Վարիչ մարմնի նախագահը:
Այցելութեան ընթացքին տեղի ունեցաւ մտքերի փոխանակում և ջերմ զրոյց:

Նոր Տարին շնորհաւորելու նպատակով դկտ.Սալեհի Ամիրին Ազգային Օլիմպիադայի կոմիտէի պետ, պարոնայք՝ Քեյքաւուս Սաիիդին, Ասղար Րահիմին կոմիտէի մի քանի ընկերների ընկերակցութեամբ մարզաւան այցելեցին չորեքշաբթի, յունւարի 9, 2019թ.-ին:
Հիւրերին դիմաւորեցին Կենտրոնական վարչութեան ընկերները, մարզաւանի վարիչը և Մարզաւանի Վարիչ մարմնի նախագահը:
Այցելութեան ընթացքին տեղի ունեցաւ մտքերի փոխանակում և ջերմ զրոյց:

Քաղաքապետարանի բարձրաստիճան պաշտօնեայների այցը Մարզաւան՝
Ամանորի եւ Ս. Ծննդեան տօների առիթով
Երեքշաբթի դեկտեմբերի 25, 2018 թ.-ին Ամանորի եւ Ս. Ծննդեան տօների առիթով «Արարատ» մարզաւան այցելեցին՝ Թեհրանի քաղաքապետարանի շրջանների հարցերի տեղակալ՝ դոկտ. Ռոստամին, Թեհրանի երրորդ շրջանի քաղաքապետ՝ դոկտ. Մոստաֆա Սալիմին եւ նոյն շրջանի առաջին մասնաբաժնի քաղաքապետ՝ դոկտ. Մողադասին, նրանց տեղակալներն ու ընկերակցող պատւիրակութիւնը: Կազմակերպութեան կողմից նրանց դիմաւորեցին Կենտրոնական վարչութեան անդամներ՝ ընկերներ Ռաֆիկ Բաղումեանը եւ Հրաչ Ղարախանեանը, «Արարատ» մարզաւանի Վարիչ մարմնի նախագահ՝ ընկեր Գէորգ Ադամ Մկրտչեանը եւ կազմի անդամ՝ ընկեր Արմոնդ Կիրակոսեանը, Արւեստից միութեան նախագահ՝ ընկեր Ալէքս Կարապետեանը, Կենտրոնական վարչութեան գործավար Մարզաւանի վարիչ՝ ընկեր Սեւան Ծառուկեանը եւ Մարզաւանի վարիչ մարմնի գործավար՝ ընկեր Արման Մուրադեանը: Խումբը շրջագայեց մարզաւանը եւ Մարզաւանի վարիչ մարմնի նախագահը հանգամանօրէն բացատրութիւններ փոխանցեց Կազմակերպութեան ընթացիկ աշխատանքերից: Քաղաքապետները մանրամասնօրէն ծանօթացան կազմակերպութեան աշխատանքներին եւ խոստացան քաղաքապետարանի աշխատանքների ծիրում եւ կարողութիւնների սահմանում բազմակողմանի օժանդակութիւններ տրամադրել կազմակերպութեանը: Հանդիպման աւարտին քաղաքապետները իրենց շնորհաւորանքի խօսքը ուղղեցին Ամաորի եւ Ս. Ծննդեան տօնների կապակցութեամբ՝ ցանկանալով 2019 թւականը լինի յաջողութիւններով լի ու բեղմնաւոր գործունէութեան տարի «Արարատ»-ի ողջ ընտանիքի համար:

Հ.Մ.Ա.Կ.-ի Երէցների միութեան նախաձեռնած Նոր տարւայ վաճառքի ընթացքին ներկայ գտնւեցին Թեհրան քաղաքի երրորդ մասի քաղաքապետ՝ պրն. Սալիմին և Իրանի ֆուտբոլի ազգային հաւաքականի նախկին անդամ պրն. Համիդ Էսթիլին, որոնք հետաքրքրութեամբ շրջեցին տաղաւարները: