Հրատարակութիւն

PDF
Արւեստից Լուրեր
Արւեստից Լուրեր
Մարզական Լուրեր
Սկաուտական Լուրեր
Երէցների Լուրեր
Մասնաճիւղերի Լուրեր
Ընդհանուր Լուրեր

«Գրական Շրջանակ»-ի 2019-ի 10-րդ հանդիպումը, յուլիսի 20-ին, նւիրւած էր Կոմիտաս բանաստեղծին։ Նրա բանաստեղծութիւնները փոքրաթիւ են' բնութեան սիրով ու կեանքի տենչանքով լեցուն։
Ընկերներ Կարինէն ու Ժանեթը ներկայացրին Կոմիտասի կենսագրականը, ընկեր Էդիկը ընթերցեց «Անլռելի զանգակատուն» -ից հատւածներ, ներկաները ունկնդրեցին ձայնագրւած ասմունքներ, երգեր, Կոմիտասի սեփական ձայնով մի կատարում, նաեւ ընկեր Յարութի կատարմամբ կոմիտասեան երգեր։Ընթերցւեց Կոմիտասի բանաստեղծութիւններից նմոյշներ' իր երգերի նման պարզ ու վճիտ։
Յաջորդ հանդիպումը' օգոստ. 3-ին, կրկին Կոմիտասեան թեմայով։

Ուրախութեամբ տեղեկացանք,որ Մարզական միութեան անդամ՝
ընկեր Արէն Աւայեանսը յաջողութիւն է ունեցել մարզական աշխարհում:
Ընկեր Արէն Աւայեանսը ծնւել է 2004 թ.-ին:
Այս տարի մասնակցել է երկրի Ախոյեանական մրցումներին « Kick Jitsu MMA» պատանեկան տարիքային բաժնի ազատ քաշում:
Նա յաջողել է գրաւել 2 առաջնութիւն և ունեցել է 1 պարտութիւն, վնասւածքի պատճառով չի կարողացել շարունակել մրցումը:
Յաջողութիւն ենք մաղթում ընկերոջը յառաջիկայ մրցումներում:

Չորեքշաբթի մայիսի 22-ին Արենուշների հատւածի թիւ 3 խմբի միջոցով կազմակերպւեց հերթական՝ «Կինօ Ժամ» նախագիծը «Արարատ» կենտրոնատեղիում։ Այս անգամ ցուցադրւեց երկու ֆիլմեր՝ «Թևանիկ» և «Mission Impossible Fallout»-ը։

Մարզական միութեան հրաւէրով հինգշաբթի մայիսի 2 ի 2019 թ.-ի երեկոյեան   մարզաւանի «Այգեստան»-ում տեղի ունեցաւ ԳՆԱՀԱՏՄԱՆ ԵՐԵԿՈՅ ,որին մասնակցեցին մարզիկները ,մարզիչները ,օժանդակ մարմինները,յանձնախմբերը և Հանրութեան հետ կապի յանձնախումբը:

Գնահատման վայրում ներկայ էին Կենտրոնական վարչութեան նախագահ՝ ընկեր Հարմիկ Զովէլեանը  , և Մարզական միութեան նախագահ ՝ընկեր Հարմիկ Սարգսեանը,որոնց   ձեռամբ տրւեց գնահատականները:

Ներկայ էին նաև Մարզական միութեան և Կենտրոնական վարչութեան ընկերները :

Ծրագրի պաշտօնական բաժնում նախ արտայայտւեց Մարզական միութեան նախագահ՝ընկեր Հարմիկ Սարգսեանը ապա  հրաւիրւեց Կ.վ. նախագահ՝ ընկեր Հարմիկ Զովէլեանը ով օրւան պատշաճ արտայայտւեց:

Այնուհետև տեղի ունեցաւ գնահատագրերի բաշխումը:

Գնահատւեցին՝

 

•  Գարնանային խաղերի սեղանի թենիսի տղ. և օրդ. Խմբերը,դուբլ միքս և անհատական տղ.մասնակիցները:

•  Բասկետբոլի օրդ.երիտ. խումբը,որը Գարնանային խաղերում գրաւել է երկրորդ տեղը:

•  Բասկետբոլի օրդ.երէց խումբը,որը Գարնանային խաղերում գրաւել է երկրորդ տեղը:

•  Բասկետբոլի տղ.երիտ. խումբը, որը Գարնանային խաղերում գրաւել է երկրորդ տեղը:

•  Գարնանային խաղերի ընդհանուր պատասխանատուն:

•  Գնահատւեցին թենիսի մարզաձևում մէկ մարզիկ երկրի Ախոյեան և جام رمضان  -ում երկրորդ տեղը գրաւած մէկ մարզկուհի A+ և C+ խաղերում գրաւած առաջին և երկրորդ տեղերը :

•  Բասկետբոլի օրդ.երէց խումբը ,որը  Իրանի մարզական ակումբերի լիգայի երկրորդ կարգի  մրցումներին գրաւել է առաջին տեղը:

•  Բասկետբոլի տղ.երիտ. խումբը, որը Թեհրանի երկրորդ կարգի լիգայի խաղերին գրաւել է երկրորդ տեղը:

•  43-րդ Համադպրոցական խաղերի յանձնախումբը:

•Գնահատւեց Համադպրոցական խաղերի բացմանը՝ երգիչ և նւագախմբի պատասխանատու՝ Ալէն Սարգսեանը։

•Գնահատւեց երգչախումբի ղեկավար Գիտա Եասերի Փիազաքը:

•Գնահատւեց նւագարանի կատարող՝ Մերեդիթ Մովսիսեանը:

•Գնահատւեց Լօգօ-ի դիզայներ՝ Սելիա Ներսիսեանը:

•Գնահատւեց Համադպրոցական խաղերի բացման հանդիսութեանը մասնակցաց պարախմբերի ղակավարներ՝ Լորեթա Աւետիսեանը, Անահիտ Աւետեանը, Կարինէ Մանուչերեանը, Արուս Աւագեան-Սարգսեանը,Նարինէ Ազալբարը, Արտաւազդ Աւետիսեանը։

•գնահատւեց  քնար նւագող աշակերտուհի՝ Մելեդիթ Մովսիսեանը։

.  գնահատւեց Ջահակիր՝ Շանթ Իսաղուլեան և Մինէ Մարտիրոսեանը:

.  գնահատւեց ասմունքողներ՝ Նոյ Նազարեանը և Քաջունի Տէր-Առաքելեանը:

.  գնահատւեց մարզիկի երդման կատարող՝ Դայանա Յակոբեանը:

.  գնահատւեց իրաւարարի երդման կատարող՝ Գեղարդ Թահմասեանը:

.  գնահատւեց հեծանւավազքի կատարող՝ Նարեկ Ալլահեարեանը:

•  Գնահատւեցին Հանրութեան հետ կապի յանձնախումբը և օժանդակող լուսանկարիչները :

 

 

 

 

 

Պատրաստւել էր ճոխ ընթրիք, ծրագիրը ընթացաւ ջերմ մթնոլորտում երաժշտութեան ներքոյ, որը տևեց մինչև ուշ գիշեր:

Հ.Մ.Ա.Կ.-ի Սկաուտական միութեան Արենուշների հատւածը ապրիլի 26-ին կազմակերպել էր Թեւանիկ բարեսիրական խմբի գոյքերի վաճառք:

Արենուշների համար նաև կազմակերպւել էր graffiti աշխատանք, որը նւիրւած էր Հայոց Ցեղասպանութեան զոհերի յիշատակին,  սկաուտները նւիրւածութեամբ կատարեցին այս աշխատանքը: Սկաուտները ինքնաբուխ կերպով պատրաստել էին հեշթեգներ և լոզունգ` «Ճանաչում, Հատուցում, Դատապարտում» թեմայով:

 

Աշխատանքի նպատակը սկաուտների անմիջական մասնակցութիւնն էր հայրենասիրական գործին նաև նպատակ ունէր նրանց մօտ զարգացնել հայրենասիրական ոգին:

Երէցների միութեան մայիս ամսի հանդիպումը

 

Երկուշաբթի մայիսի 6-ին տեղի ունեցաւ Երէցների միութեան ամսական հանդիպումը:

Միութեան նախագահ ընկ. Նորիկ Մանասերեանը,  իր բացման  խօսքում, մի շարք յայտարարութիւններից յետոյ, շնորհաւորեց ընկ. Ռաֆիկ Բաղումեանին՝ «Բեհեշթի» համալսարանում ստացած բարձրագոյն դասախօսի տիտղոսին արժանանալու առթիւ:

Հանդիպմանը հիւրաբար ներկայ էր Հ.Մ.Ա.Կ-ի հիմնադիր անդամ ընկ. Աշոտ Ստեփանեանը, ով նւիրատւութիւն կատարւեց Երէցների միութեանը:

Օրւայ ծրագիրը նւիրւած էր Մայիսեան յաղթանակներին, որոնց անդրադառնալու համար, որպէս դասախօս, հրաւիրւել էր ընկեր Արա Աւետեանը:

Միութեան փոխնախագահ՝ ընկ. Ժանետ Թարւերդեանը ամփոփ ներկայացրեց   յարգարժան ընկերոջ կենսագրականը:

Ընկեր Արան Մայիսեան յաղթանակների շարանից նախընտրեց անդրադառնալ միայն Շուշիի ազատագրումին, որի 27 ամեակն է լրանում մայիսի 9-ին: Նա շեշտեց, որ այդ սխրագործութեան մասին, ցաւօք, քիչ է խօսւել ու քչերն են ծանօթ այդ հոյակապ գործողութեան կարեւորութեանը:

Ընկերը մանրակրկիտ բացատրութիւն տւեց նիւթի վերաբերեալ, իսկ վերջում  առիթ տրւեց  հարցումների:

Ծրագրի երկրորդ բաժնում ելոյթ ունեցաւ  Հ.Մ.Ա.Կ-ի «Արարատ» երգչախումբը, ղեկավարութեամբ ընկ. Արփի Սիմրոջեանի: Կատարւեցին «Կամաւոր բանակ», «Հայաստան» եւ «Հայկական բանակ» երգերը՝ արժանանալով ներկաների ջերմ ծափողջոյններին: 

Վերջում տեղի ունեցաւ ընդունելութիւն:  Օրւայ սեղանապետ առաջարկւեց ընկ. Թորգոմ Տ. Յակոբեանը,  ում առաջարկով հնչեցին ու իրար յաջորդեցին օրւան պատշաճ գեղեցիկ երգեր՝ երգչախմբի անդամների ու անհատ կատարողների միջոցով:  Նշւեցին նաեւ մայիս ամսւայ տարեդարձները:

Յունիսի 30-ին Հ.Մ.Ա.Կ.-ի բանակավայրում տեղի ունեցաւ Հ.Մ.Ա.Կ.-ի Սկաուտական միութեան եւ Թ.Հ.Թ. Կրթական խորհրդին կից աշակերտական խորհուրդների համակարգող յանձնախմբի, միջոցով  կազմակերպւած ազգային յաղթանակների տօնակատարութեան միջոցառումը:

Ծրագիրը յագեցած էր սկաուտների եւ աշակերտների գեղարւեստական կատարումներով, ազգային փաստա-վաւերագրական ֆիլմերի եւ գիտելիքների փոխացումներով:

Ծրագիրը նպատակ ունէր նոր սերնդի մօտ զարգացնել ազգային գիտելիքները եւ տօնել ազգային յաղթանակաները, ինչն էլ մեծ ոգեւորութեան առիթ դարձաւ:

Միջոցառման վերջում նախատեսւած էր մտերմիկ ընդունելութիւն եւ խրախճանք:

Անցեալ մէկ ամսւայ ընթացքին  Հ. Մ. «Արարատ» Կ.-ի Արւեստից միութեան հրաւէրով հիւրաբար Թեհրան եղաւ Հ.Հ. վաստակաւոր արտիստ, մենապարուհի, «Արարատ» պարախմբի տարիների գեղարւեստական ղեկավար և ներկայիս Հ.Հ.  Բարեկամութիւն անսամբլի աւագ փորձավար տկն. Կարինէ Ղազարեանը, պարախմբիս կողքին կանգնելու , օժանդակելու ինչու չէ նաև խմբի հին արխիւը թարմացնելու նպատակով:

Վերջերս տկն. Կարինէն, Արւեստից միութեան վարչութեան ընկերակցութեամբ ներկայ եղաւ Կենտրոնական վարչութեան հանդիպմանը որտեղ տեղի ունեցաւ մտերմիկ զրոյց:

Էջ 1, 80-ից