Հրատարակութիւն

PDF
Արւեստից Լուրեր
Արւեստից Լուրեր
Մարզական Լուրեր
Սկաուտական Լուրեր
Երէցների Լուրեր
Մասնաճիւղերի Լուրեր
Ընդհանուր Լուրեր

Ուրբաթ յուլիսի 26֊ի ժամը 12 ից 13
Արւեստից միութեան նախաձեռնութեամբ և յայտարարութեամբ տեղի ունեցաւ Զումբա֊ի ազատ դասարան։

 

 

 

Հինգշաբթի յուլիսի 25-ին, երկար տարիներ դադարից յետոյ, Թեհրանում աշխատող Սկաուտական միութիւնները կրկին միաւորւեցին ՝ Հ. Մ. «Արարատ» Կազմակերպութեան մէջ:

Աշխատանքի կազմակերպման նպատակը սկաուտների միասնութեան վերահաստատումն էր, որին մասնակցում էին Հ.Մ.Ա.Կ.-ի, Հ.Մ «Սիփան» Միութեան, Հ.Մ. «Նայիրի» Միութեան եւ Հ.Բ.Ը.Մ.-ի բոլոր աստիճանաւոր- սկաուտները:

Օրւայ սկզբում կատարւեց աշխատանքի բացման արարողութիւնը, որի ժամանակ սկաուտները երգեցին՝ Յառաջ նահատակ երգը, այնուհետեւ բոլոր միութիւնների սկաուտները միմեանց հետ ծանօթացան:

Օրւայ առիթով դասախօս էր  հրաւիրւել Իսլ. Խորհրդարանում հիւսիսային իրանահայութեան պատգամաւոր դոկտ.Կարէն Խանլարեանը

Դոկտ. Կարէն Խանլարեանն սկզբում համապարփակ ներկայացրեց Իրանի եւ Հայաստանի տարածաշրջանի շուրջ զարգացումները, որից յետոյ սկաուտներին առիթ տրւեց պատգամաւորին ուղղելու իրենց յուզող հարցերը:

Հանդիպումն ընթացաւ հարց ու պատասխանի ձեւաչափով, ինչի շնորհիւ, այն առաւել արդիւնաւէտ ստացւեց:

Սկաուտների հարցերը վերաբերւում էր Իրանի եւ Հայաստանի շուրջ զարգացումների, համալսարանական կրթութեան եւ իրանահայ համայնքին:

Օրւայ վերջում սկաուտները միասնաբար պատրաստեցին՝ օջախ եւ ընթրեցին, այնուհետեւ միասնաբար մասնակցեցին խարոյկին, ինչն էլ ոգեւորեց նրանց:

Միասնական աշխատանքը աւարտւեց ուրբաթ առաւօտեան, փակման արարողութեան ժամանակ միութեան Հ.Մ.Ա.Կ.-ի սկաուտապետի միջոցով, քոյր միութիւններին յանձնւեց Սկաուտական յուշանւէրներ:

Վերջում բոլոր սկաուտները միասնաբար մէկ օղակի շուրջ հաւաքւելով կանչեցին՝ «Միասնականութիւնը ուժ է» կանչը:

Հ.Մ.«Արարատ»Կ.

«Գրական Շրջանակ»-ի 2019-ի 10-րդ հանդիպումը, յուլիսի 20-ին, նւիրւած էր Կոմիտաս բանաստեղծին։ Նրա բանաստեղծութիւնները փոքրաթիւ են' բնութեան սիրով ու կեանքի տենչանքով լեցուն։
Ընկերներ Կարինէն ու Ժանեթը ներկայացրին Կոմիտասի կենսագրականը, ընկեր Էդիկը ընթերցեց «Անլռելի զանգակատուն» -ից հատւածներ, ներկաները ունկնդրեցին ձայնագրւած ասմունքներ, երգեր, Կոմիտասի սեփական ձայնով մի կատարում, նաեւ ընկեր Յարութի կատարմամբ կոմիտասեան երգեր։Ընթերցւեց Կոմիտասի բանաստեղծութիւններից նմոյշներ' իր երգերի նման պարզ ու վճիտ։
Յաջորդ հանդիպումը' օգոստ. 3-ին, կրկին Կոմիտասեան թեմայով։

Ուրախութեամբ տեղեկացանք,որ Մարզական միութեան անդամ՝
ընկեր Արէն Աւայեանսը յաջողութիւն է ունեցել մարզական աշխարհում:
Ընկեր Արէն Աւայեանսը ծնւել է 2004 թ.-ին:
Այս տարի մասնակցել է երկրի Ախոյեանական մրցումներին « Kick Jitsu MMA» պատանեկան տարիքային բաժնի ազատ քաշում:
Նա յաջողել է գրաւել 2 առաջնութիւն և ունեցել է 1 պարտութիւն, վնասւածքի պատճառով չի կարողացել շարունակել մրցումը:
Յաջողութիւն ենք մաղթում ընկերոջը յառաջիկայ մրցումներում:

Չորեքշաբթի մայիսի 22-ին Արենուշների հատւածի թիւ 3 խմբի միջոցով կազմակերպւեց հերթական՝ «Կինօ Ժամ» նախագիծը «Արարատ» կենտրոնատեղիում։ Այս անգամ ցուցադրւեց երկու ֆիլմեր՝ «Թևանիկ» և «Mission Impossible Fallout»-ը։

Մարզական միութեան հրաւէրով հինգշաբթի մայիսի 2 ի 2019 թ.-ի երեկոյեան   մարզաւանի «Այգեստան»-ում տեղի ունեցաւ ԳՆԱՀԱՏՄԱՆ ԵՐԵԿՈՅ ,որին մասնակցեցին մարզիկները ,մարզիչները ,օժանդակ մարմինները,յանձնախմբերը և Հանրութեան հետ կապի յանձնախումբը:

Գնահատման վայրում ներկայ էին Կենտրոնական վարչութեան նախագահ՝ ընկեր Հարմիկ Զովէլեանը  , և Մարզական միութեան նախագահ ՝ընկեր Հարմիկ Սարգսեանը,որոնց   ձեռամբ տրւեց գնահատականները:

Ներկայ էին նաև Մարզական միութեան և Կենտրոնական վարչութեան ընկերները :

Ծրագրի պաշտօնական բաժնում նախ արտայայտւեց Մարզական միութեան նախագահ՝ընկեր Հարմիկ Սարգսեանը ապա  հրաւիրւեց Կ.վ. նախագահ՝ ընկեր Հարմիկ Զովէլեանը ով օրւան պատշաճ արտայայտւեց:

Այնուհետև տեղի ունեցաւ գնահատագրերի բաշխումը:

Գնահատւեցին՝

 

•  Գարնանային խաղերի սեղանի թենիսի տղ. և օրդ. Խմբերը,դուբլ միքս և անհատական տղ.մասնակիցները:

•  Բասկետբոլի օրդ.երիտ. խումբը,որը Գարնանային խաղերում գրաւել է երկրորդ տեղը:

•  Բասկետբոլի օրդ.երէց խումբը,որը Գարնանային խաղերում գրաւել է երկրորդ տեղը:

•  Բասկետբոլի տղ.երիտ. խումբը, որը Գարնանային խաղերում գրաւել է երկրորդ տեղը:

•  Գարնանային խաղերի ընդհանուր պատասխանատուն:

•  Գնահատւեցին թենիսի մարզաձևում մէկ մարզիկ երկրի Ախոյեան և جام رمضان  -ում երկրորդ տեղը գրաւած մէկ մարզկուհի A+ և C+ խաղերում գրաւած առաջին և երկրորդ տեղերը :

•  Բասկետբոլի օրդ.երէց խումբը ,որը  Իրանի մարզական ակումբերի լիգայի երկրորդ կարգի  մրցումներին գրաւել է առաջին տեղը:

•  Բասկետբոլի տղ.երիտ. խումբը, որը Թեհրանի երկրորդ կարգի լիգայի խաղերին գրաւել է երկրորդ տեղը:

•  43-րդ Համադպրոցական խաղերի յանձնախումբը:

•Գնահատւեց Համադպրոցական խաղերի բացմանը՝ երգիչ և նւագախմբի պատասխանատու՝ Ալէն Սարգսեանը։

•Գնահատւեց երգչախումբի ղեկավար Գիտա Եասերի Փիազաքը:

•Գնահատւեց նւագարանի կատարող՝ Մերեդիթ Մովսիսեանը:

•Գնահատւեց Լօգօ-ի դիզայներ՝ Սելիա Ներսիսեանը:

•Գնահատւեց Համադպրոցական խաղերի բացման հանդիսութեանը մասնակցաց պարախմբերի ղակավարներ՝ Լորեթա Աւետիսեանը, Անահիտ Աւետեանը, Կարինէ Մանուչերեանը, Արուս Աւագեան-Սարգսեանը,Նարինէ Ազալբարը, Արտաւազդ Աւետիսեանը։

•գնահատւեց  քնար նւագող աշակերտուհի՝ Մելեդիթ Մովսիսեանը։

.  գնահատւեց Ջահակիր՝ Շանթ Իսաղուլեան և Մինէ Մարտիրոսեանը:

.  գնահատւեց ասմունքողներ՝ Նոյ Նազարեանը և Քաջունի Տէր-Առաքելեանը:

.  գնահատւեց մարզիկի երդման կատարող՝ Դայանա Յակոբեանը:

.  գնահատւեց իրաւարարի երդման կատարող՝ Գեղարդ Թահմասեանը:

.  գնահատւեց հեծանւավազքի կատարող՝ Նարեկ Ալլահեարեանը:

•  Գնահատւեցին Հանրութեան հետ կապի յանձնախումբը և օժանդակող լուսանկարիչները :

 

 

 

 

 

Պատրաստւել էր ճոխ ընթրիք, ծրագիրը ընթացաւ ջերմ մթնոլորտում երաժշտութեան ներքոյ, որը տևեց մինչև ուշ գիշեր:

Հ.Մ.Ա.Կ.-ի Սկաուտական միութեան Արենուշների հատւածը ապրիլի 26-ին կազմակերպել էր Թեւանիկ բարեսիրական խմբի գոյքերի վաճառք:

Արենուշների համար նաև կազմակերպւել էր graffiti աշխատանք, որը նւիրւած էր Հայոց Ցեղասպանութեան զոհերի յիշատակին,  սկաուտները նւիրւածութեամբ կատարեցին այս աշխատանքը: Սկաուտները ինքնաբուխ կերպով պատրաստել էին հեշթեգներ և լոզունգ` «Ճանաչում, Հատուցում, Դատապարտում» թեմայով:

 

Աշխատանքի նպատակը սկաուտների անմիջական մասնակցութիւնն էր հայրենասիրական գործին նաև նպատակ ունէր նրանց մօտ զարգացնել հայրենասիրական ոգին: