Մարտի 16-ին տեղի ունեցաւ Արենուշների հատւածի թիւ 4 խմբի Սկաուտական աշխոյժ աշխատանքը: Սկաուտները բարձր տրամադրութեամբ աշխատանքները մեկնարկեցին կապի դասարանով եւ սովորեցին սկաուտական  տարբեր  կապեր, որի միջոցով փորձեցին աշտարակներ կառուցեն: Իսկ յետոյ նախաճաշեցին, այնուհետեւ միանալով միւս սկաուտներին մասնակցեցին Հայաստանի հանրապետութեան 100- ամեակին նւիրւած ծառատնկութեանը:

Մարտի 15-ին տեղի ունեցաւ Արիների հատւածի թիւ 3 խմբի , խմբակ 1-ի եւ Արենուշների հատւածի թիւ 4 խմբի խմբակ 2-ի միասնական Գիշերային աշխատանքը: Սկաուտները իրենց աշխատանքը մեկնարկեցին առողջ սնունդ թեմա ունեցող դասարանով, այնուհետեւ օջախի վրայ պատրաստեցին ընթրիք: Սկաուտները ընթրելուց, յետոյ մասնակցեցին զումբայի դասարանին, ինչն էլ ոգեւորեց նրանց:
Ռւրբաթ արիները ունեցան աշխոյժ աշխատանքներ նրանք խաղացին հետաքրքիր խաղեր եւ վերջում միացան Հայաստանի հանրապետութեան 100-ամեակին նւիրւած ծառատնկութեանը:

Մարտի 16-ին Արենուշների հատւածի թիւ 3 խումբը ունեցաւ հերթական «STREET ART» աշխատանքը: Այս անգամ արենուշները մրցեցին միմեանց հետ, որի արդիւնքում կատարեցին երկու գեղեցիկ աշխատանք։ Նոյն օրը արենուշները ամբողջ միութեան հետ մասնակցեցին Հայաստանի Հանրապետութեան անկախացման 100 -ամեակին նւիրւած ծառատնկութեան միջոցառմանը եւ իրենց ձեռքերով տնկեցին մի ծառ յիշեալ առիթով։

Ուրբաթ մարտի 16-ին տեղի ունեցաւ Կրտսերների հատւածի թիւ 1 խմբի բացառիկ աշխատանքը, որում կրտսերները այցելեցին «Կինոթատրոնի քաղաքը»։ Կրտսերները ծանօթացան Թեհրան քաղաքի ներկայ և հին տարիների թաղամասերի հետ, որոնց թւում՝ Լալեզար պողոտան, հայկական խանութները, պատերազմի վայրերը և մի քանի տրանսպորտային հանրակառքերի հետ ,որոնք օգտագործւում են ներկայ ֆիլմերում։ Այս այցելութիւնը կրտսերներին նաև փոխանցեց հետաքրքիր գիտելիքներ և աշխոյժութիւն։
Վերադառնալուց անմիջապէս յետոյ կրտսերները մասնակցեցին Հայաստանի հանրապետութեան 100 –րդ ամեակին նւիրւած ծառատնկութեան արարողութեանը։

Մարտի 16-ին տեղի ունեցաւ Արենուշների հատւածի թիւ 1 խմբի աշխատանքը։
Օրը սկսւեց մարզանքով Դ.Խ. Մանաշիտ Մեհրաբեանի միջոցով ,որը պատճառ դարձաւ խումբը ծանօթանայ «Բադի փամփ»մարզանքի հետ և բարձր տրամադրութիւն փոխանցւեց անհատներին:
Տօնւեց մի ծննդեան տարեդարձ այնուհետև խումբը մասնակցեց կազմակերպւած ծառատնկութեան ,որը նւիրւած էր Հայաստանի հանրապետութեան 100- ամեակին:

Գարնանային արձակուրդներին յաջորդիւ «Արարատ»երգչախումբը իր փորձերը վերսկսեց Ս. Զատիկի աւանդական ծէսերով։

2018 թւականի փետրւարի  13-19ին   Զանջան Քաղաքում տեղի ունեցաւ Ֆաջր Գաւաթի , ժայռամագլցման երկրի ախոյեանական մրցումները Արագութեան (سرعت) ,  լիդ (سرطناب)  և Բոլդեր (بولدر)  Ճիւղերում:

Հինգշաբթի փետրւարի 15 –ին կայացաւ լիդ (سرطناب) ճիւղի մրցումները ,որտեղ մասնակցում էին 86 մարզիկներ, առանց տարիքային բաժանումի , մասնակցութեամբ Իրանի բոլոր քաղաքներից , ազատ մասնակցողների , որոնց մէջ նաև ներկայ էին Իրանի լաւագոյն  ախոյեանները :

Հ.Մ.Ա.Կ.-ի մարզական միութեան ժայռամագլցման խմբից մասնակցում էր խմբի մարզիկ Էրիկ Սադէղին, խմբի մարզիչներ Զահրա Ֆարաջիի  և Ալի Միրզայիի և պատասխանատու  Արա Ջահանեանի ընկերակցութեամբ:

Էրիկ Սադէղին մրցումներին մասնակցեց որպէս Հ.Մ.Արարատ .Կ.-ի մարզիկ , իր հագուստի վրայ կրելուվ մարզական միութեան վահան գերբը:

Ընդհանուր արդիւնքներում Էրիկ Սադէղին ձեռք բերեց  55-րդ տեղը որը աչքառու յաջողութիւն և յառաջադիմութիւն էր համարւում , մայիս ամսւայ Քէրման քաղաքում ձեռք բերած իր արդիւնքների համեմատ:

Մրցումներին նաև մասնակցում էր Հ.Մ. Սիփան միութեան  մարզիկ Շանթ Իսաղուլեանը ,որը ներկայանում էր որպէս تربیت بدنی խմբի անդամ:

Հինգշաբթի մարտի  8-ին տեղի ունեցաւ Արենուշների հատւածի թիւ 1 խմբի խմբակի Գիշերային աշխատանքը ,ո րտեղ միմեանց օգնութեամբ և համագործակցութեամբ պատրաստեցին օդային սարքաւորում այնուհետև մարտի 9-ին խումբը այցելեց Նիաւարան պալատ: Սկաուտները շրջեցին միջավայրում և ծանօթացան հնագոյն գոյքերի և թագաւորական կեանքի և պատմութեան հետ:

2018 թ. մարտի  9-ին տեղի ունեցաւ Արենուշների հատւածի թիւ 4 խմբի միասնական աշխատանքը Արիների հատւածի թիւ 4 խմբի հետ։ Սկաուտները բարձր տրամադրութեամբ մեկնեցին դէպի «Դարբանդ » սար ու բարձրացան սարի գագաթ, որտեղ էլ նախաճաշեցին այնուհետեւ ունեցան հետաքրքիր դասարան:

Արենուշների հատւածի թիւ 2 խմբի Խմբակ 1 եւ 2-ը մարտի 2-ին խմբակի աշխատանք ունեցան Արիների հատւածի թիւ 2 խմբի հետ , որի ժամանակ նախաճաշեցին եւ շինեցին սկաուտական սարքաւորում:
Իսկ խմբակ 4-ի անհատներն էլ իրենց հերթին, կանանց եւ աղջիկների միջազգային օրւայ առիթով ձեռքի աշխատանք պատրաստեցին։