Հրատարակութիւն

PDF
Արւեստից Լուրեր
Արւեստից Լուրեր
Մարզական Լուրեր
Սկաուտական Լուրեր
Երէցների Լուրեր
Մասնաճիւղերի Լուրեր
Ընդհանուր Լուրեր

            Հինգշաբթի 2014թ. յուլիսի 3-ին Հ.Մ.«Արարատ»Կ.-ի Սկաուտական միութեան Արենուշների հատւածի թիւ 2 և 4 և Արիների հատւածի թիւ 4 խմբերը և երեք խմբերի Աստիճանաւորական կազմերի, կազմակերպել էին «Գիշերային» միասնական աշխատանք: Նպատակ ունենալով երեք խմբերի միջև ստեղծել մտերմութիւն յառաջիկայ միասնական բանակումի համար:

        Ծրագրում կար շարքային աշխատանք, վազքայլի փորձ և խաղ՝ Քոնսէ, որոնք նպաստելու է յառաջիկայ երդմանը և Ողեպիական մրցումներին, նաև տեղի ունեցաւ ժայռամագլցման տեսական ու փորձնական դասարան և Սկաուտները «Սասունցի Դաւիթ» սրահի մագլցման պատի վրայ միաժամանակ փորձեր կատարեցին:

         Ծրագրում էր նաև աղիւսախաղ, գիտելիքների մրցութիւն և թոկի խաղ:

Միասնական աշխատանքը շարունակւեց միւս օրը ուրբաթ միասնաբար նախաճաշելով: Աշխատանքը աւարտւեց օրւայ փակման արարողութեամբ:

                                                                                                                                                                                               Հ.Մ.«Արարատ»Կ.

Կրտսեր հատւածի թիւ 2 խմբի բանակումը տեղի ունեցաւ Թեհրանի «Արարատ» Կազմակերպութեան յարկի տակ

      Թւականիս յունիսի 3-ից  մինչեւ յունիսի 5-ը 2014թ. տեղի ունեցաւ Հ.Մ.Ա.կ.-ի Սկաուտական  Միութեան Կրտսեր հատւածի թիւ 2 խմբի բանակումը,  պատասխանատւութեամբ՝ Վ.Ա Արգինէ Միրզախանեանի եւ երկու աստիճանաւորական կազմով յանձինս Դ.Ա Սերինէ Ղազարեանի և Գայլիկ Արբի Մուրադեանի:

Մեր Խմբին աջակից եղան նաեւ արենուշ թիւ 2 խմբի պատասխանատուն , Կրտսեր հատւածի խորհրդատու կազմը , Կրտսեր 2 խմբի նախկին պատասխանատուն և Կրտսեր հատւածի պատասխանատուները :

Բանակումի նպատակն էր պահպանել բնութիւնը և  բանակումի աշխատանքները ծրագրւել էին ըստ նպատակի օրինակ  Երեխաները մասնակցեցին բնութեան և կենդանիների  մասին դասարանների և ինչուչէ նաև ցանեցին ծաղիկներ :

Երեխաների համար նկատի էր առնւել հետաքրքիր խաղեր օրինակ՝ Հետախուզական խաղ  նաև ձեռքի աշխատանքի, ցեխագործութեան և սկաուտական գիտելիքների դասարաններ :

      Վերջին գիշերը ըստ աւանդոյթի  ունեցել ենք Խարոյկ որին Ներկայ էին Գերագոյն կազը , Սկաուտապետ Խ.Նայրի Յարութիւնեանը և բոլոր այն անձինք որոնք օժանդակել էին մեզ բանակումի ընթացքում  :                             

 

 

 

 

     ՀՀ. Մշակոյթի վաստակաւոր գործիչ ՝ Գագիկ Կարապետեանը այսօր յունիսի 12-ին հրաւիրւել է Շանթ հեռուստաընկերութիւն ՝ «Առաւօտը Շանթում» նախագծին: Նա իր տպաւորութիւնը յայտնեց Թեհրան ժամանած իր այցի մասին և ամփոփ ներկայացրեց «Արարատ» կազմակերպութիւնը և ինչու չէ նաև պատկերացումներ փոխանցեց «Արարատ» Մարզաւանից, նշելով որ Իրանում հայերը ունէն մեծ առաւելութիւն և սիրւում են ժողովրդի կողմից: Նա շնորհակալութիւն յայտնեց իր նկատմամբ եղած ջերմ վերաբերմունքի և ուշադրութեան համար :

      Նշելի որ Գագիկ Կարապետեանը թւականիս ապրիլի 28-ից մայիսի 10-ը եղել է Թեհրանում և հիւրընկալւել է Հ.Մ.«Արարատ»Կ.-ի Արւեստից միութեան «Արարատ» պարի դպրոցի կողմից և պարապմունքներ է անցկացրել պարախմբի սաների հետ:

 

 

 

 

 

 

  Թւականիս ապրիլի 7-ի երեկոյեան ժամը 8:00-ին Հ.Մ.Ա.Կ.-ի Երէցների միութեան նախաձեռնութեամբ նշւեց Մայրութեան տօնը եւ Հայոց Ցեղասպանութեան 99-րդ տարելիցը՝ «Արարատ» մարզաւանի «Վաչիկ Ղարաբէգեան» սրահում:
   Հանդիպմանը հրաւիրւած էր՝ Իրանի Իսլամական խորհրդարանի հիւսիսային իրանահայութեան պատգամաւոր դոկտ. Կարէն Խանլարեանը: Ներկայ էին՝ հրաւիրեալներ, կազմակերպութեանս Կենտրոնական եւ Երէցների միութեան վարչական անդամ-անդամուհիները, նաեւ Հայաստանից Թեհրան ժամանած Հ. Հ. ԳԱԱ հնագիտութեան եւ ազգագրութեան ինստիտուտի Սփիւռքի հետազօտութիւնների բաժնից երեք հետազօտողներ, որոնք հարցաթերթեր բաժանեցին ներկաներին հետեւեալ թեմայով՝ «Սեփական եւ այլազգի միջավայրում հայերի համեմատական հետազօտութիւն» ծրագրի կապակցութեամբ:

   Ողջոյնի խօսքով հանդէս եկաւ Երէցների միութեան նախագահ Ժանետ Թարվերդեանը, նա անդրադարձ ունեցաւ մարտի 21-ին Սիրիայի Քեսաբ հայաբնակ աւանում տեղի ունեցած ծաւալւող իրադարձութիւններին, որը ցնցեց ողջ հայութեանը եւ արդիւնքում՝ քեսաբահայութիւնը ստիպւած եղաւ լքել աւանը՝ տեղափոխւելով Լաթաքիա եւ մօտակայ շրջաններ: Քեսաբահայութեան ճակատագիրը ողջ հայութեան ճակատագիրն է: Նա շարունակեց, որ ապրիլ ամիսը լի է ազգային եւ կրօնական տօներով եւ համայն հայութիւնը ոգեկոչում է Մեծ Եղեռնի 99-րդ տարելիցը:

   Հանդիպման օրը զուգադիպելով Ապրիլի 7-ին՝ Հայ կանանց, Մայրութեան եւ գեղեցկութեան օրւան, Ժ. Թարվերդեանը ջերմօրէն շնորհաւորեց բոլոր հայ կանանց այս հրաշք տօնի առիթով եւ աւելացրեց՝ թող բոլոր հայ կանանց եւ մայրերին վիճակւի վայելելու մայրական կատարեալ երջանկութիւն:

   Նոյն առիթով Սիլւա Կապուտիկեանի «Մայրիկիս» բանաստեղծութիւնն ընթերցեց Երէցների միութեան անդամ Էդւարդ Յարութիւնեանը, ջութակի կատարմամբ ելոյթ ունեցաւ Պատրիկ Հախնազարեանը եւ «Հայոց մայրեր» բանաստեղծութիւնն ասմունքեց միութեան անդամ Քլար Աբուլեանը:

   Այնուհետեւ հրաւիրւեց դոկտ. Կարէն Խանլարեանը՝ օրւայ առիթով արտայայտւելու: Յիշեալը խօսքն ուղղեց Հայոց Մեծ Եղեռնի 99-րդ տարելիցին եւ ցուցադրւեց օրւան պատշաճ «Թաքուն հայեր» ֆիլմը: Բանախօսի միջոցով լայն բացատրութիւններ տրւեցին ֆիլմի կապակցութեամբ, եղան հարցեր, որոնց մասին սիրելի բանախօսի միջոցով տրւեցին բացատրութիւններ:

Հ. Մ. «Արարատ» կազմակերպութիւն

 

 

 

 

   Կիրակի, թւականիս մայիսի 12-ին, առիթ ունեցանք հարցազրոյց ունենալ Մարզական միութեան տղայոց բասկետբոլի խմբի գլխաւոր մարզիչ պրն. Ղանբարիի հետ: Յիշեալը բացատրեց, որ «Արարատ»-ի տղայոց բասկետբոլի խումբը այս տարի ամիսներ շարունակաբար մասնակցեց Թեհրանի բասկետբոլի առաջին կարգի ակումբային մրցութիւններին՝ 16 տարբեր թիմերի հետ, որը բաժանւած էր երկու խմբերի: Իւրաքանչիւր խմբին մասնակցում էին ութ թիմեր:

   «Արարատ»-ի տղայոց խումբը առաջին խմբի մէջ էր ներառւում: Նախնական մրցոյթներում «Արարատ»-ի տղայոց խումբը կարողացաւ գրաւել երրորդ տեղը եւ անցաւ առաջին փլէյ աֆ փուլին: Այս փուլը յաղթահարելու համար՝ թիմը պիտի ունենար առնւազն երկու յաղթանակ: «Արարատ»-ը երեք անգամ խաղացել է «Գազ» խմբի հետ, առաջին ու երրորդ խաղերը յաղթել է իսկ երկրորդը պարտւել է:

   Կիսաեզրափակիչ փուլի առաջին խաղում «Արարատ»-ը մրցեց «Շիմի դոռ Սալաֆ»-ի հետ: Ըստ մարզչի՝ այս թիմը պատրաստւած ու ուժեղ թիմ է, որը խաղում է Իրանի առաջին լիգայում: Նաեւ այն, որ այս ընթացքում որոշ խնդիրների պատճառով՝ չենք յաջողել կանոնաւոր պարբերական փորձեր ունենալ ու նաեւ մի քանի մարզիկների վնասւածքների պատճառով՝ չենք կարողացել ամբողջական կազմով հանդէս գալ:

   Ցաւօք՝ «Արարատ»-ը պարտւեց ու այսպիսով՝ չկարողացաւ անցնել եզրափակիչ փուլ ու չընդգրկւեց չորս թիմերի կազմում:


   Մարզիչը իր խօսքերում մատնանշեց, որ՝ «Արարատ»-ը բաւական դժւար խմբում էր յայտնւել: Բացի այդ՝ թիմը որոշ խնդիրներ ունի՝ տղաների կարճահասակ լինելու պատճառով: Կարելի է «Արարատ»-ի թիմի անդամներին բաժանել երկու բաժնի՝ առաջին խմբում ունենք երիտասարդ մարզիկներ, որոնք չունեն բաւարար փորձառութիւն, իսկ երկրորդ խմբում՝ աւելի բարձր տարիքով մարզիկներ, որոնց պատրաստակամութիւնն է նւազում:

   Դա լուրջ խնդիր է, որ պիտի քննարկել «Արարատ»-ի բասկետբոլի կազմի հետ եւ ելքեր գտնել: Հարկաւոր է սկսել նոր փորձեր, որպէսզի «Արարատ»-ը հասնի իր բարձունքին: Անշուշտ, թիմի մարզիկները ոչ մի ջանք չեն խնայել լաւագոյն խաղեր ներկայացնելու առումով: Յուսանք՝ կանոնաւոր փորձերի շնորհիւ՝ առաջիկայ մրցոյթներին տեսնենք թիմի նւաճումը՝ բարձրագոյն լիգաներ:

   Ինչպէս տեղեակ է մեր ընթերցողը, Հայ մշակութային «Արարատ» կազմակերպութեան՝ հերթական Կենտրոնական վարչութիւնների հանդիպումների համար գերխնդիր են ճիշտ գնահատւել համայնքում: Նոյն նպատակով են աշխատող քոյր միութիւնների հետ պարբերական հանդիպումները, մտահոգութիւնների եւ խնդիրների արծարծումը, լուծումների համար համագործակցութիւնների ուղիների ճշտումը եւ որդեգրումը:


   Առ այդ՝ երկուշաբթի, մայիսի 12-ին, «Արարատ» մարզաւանի լողաւազանների շրջափակում տեղի ունեցաւ արդէն աւանդոյթ դարձած համայնքիս քոյր միութիւնների վարչութիւնների հետ հանդիպումը: Հանդիպմանը ներկայ էին՝ Հ. Ուս. «Չհարմահալ», Հ. Մ. «Սիփան», Հ. Մ. Մ. «Նայիրի» եւ Հ. Մ. «Սարդարապատ» միութիւնների վարչական կազմերը, նաեւ հիւրաբար ներկայ էին Թեհրանի Հայ Դատի յանձնախմբի անդամները:


   Ողջոյնի խօսքով հանդէս եկաւ Կենտրոնական վարչութեան նախագահ Համլետ Խալոյեանը, որը հակիրճ ներկայացրեց կազմակերպութեանս միութիւնների եւ 70-ամեակի սեմին կատարւող աշխատանքներն ու ծրագրերը, ապա առիթ ընձեռեց քոյր միութիւնների վարչական անդամներին՝ ներկայացնելու իրենց աշխատանքները:

   Պատասխանատւական ոգով յագեցած մթնոլորտում արծարծւեցին եւ քննարկւեցին մեր համայնքին եւ միութիւններին յուզող հարցեր, որոնք բոլոր ներկաների սեփականութիւնը դարձան:


   Նման հանդիպումներ հնարաւորութիւն են ընձեռում ազգային նոյն նպատակին ծառայող համայնքիս միութիւններին՝ միասնաբար ելքեր փնտրելու եւ յաղթահարելու ցանկացած խոչընդոտ եւ նպաստում են աշխատանքների առաւել սահուն ընթացքին, որը, անշուշտ, ողջունելի է թէ՛ կազմակերպութեան, եւ թէ՛ անկասկած, միւս միութիւնների վարչութիւնների կողմից:


    Յուսանք՝ այս հանդիպումները շարունակական դառնալով՝ հարթ ուղիով ընթանան հայապահպանման եւ սերունդների հայեցի դաստիարակութեան աշխատանքները, որ տարւում է մեր միութիւններում:


  Վերջում համեստ հիւրասիրութեան ընթացքում ընկերական մթնոլորտում շարունակւեց խօսակցութիւնը եւ իր արդիւնաւէտ աւարտին հասաւ:

Հ. Մ. «Արարատ» կազմակերպութիւն

 

   Ուրբաթ Մայիսի 30-ին Հ.Մ.Ա.Կ.-ի Երէցների միութեան նախաձեռնութեամբ, տեղի ունեցաւ Մայիս 28-ի՝ Հայաստանի առաջին հանրապետութեան կերտման  տօնակատարութիւնը և Համբարձման տօնը: Միջոցառումը սկսել էր առաւօտեան ժամը 11-ից Արարատ մարզաւանի լողաւազանի շրջափակում և մինչև երեկոյեան ժամը 23-ը շարունակւեց: Միջոցառմանը մասնակցել էին մեծ թւով հայրենակիցներ:

   Երեկոյեան ողջոյնի և բացման խօսքով հանդես եկաւ երէցների միութեան նախագահ՝ ընկ. Ժանետ Թարվերդեանը: Նա նշեց. «Այսօր միատեղւել է համայն մարդկութեան փրկութեան և հայ ժողովրդի պետականութեան վերածննդի երկու առիթները: Մայիսը յաղթանակների ամիս է, քանի որ մեր ժողովուրդը հէնց 1918 թ. Իր անկիւնադարձային յաղթանակները ձեռք է բերել Մայիս ամսւայ ընթացքին»: Նա ողջունեց բոլորին և մաղթեց բարձր տրամադրութիւն և ազգային հպարտութեամբ լի ժամանց:

   Դրանից յետոյ ելոյթ ունեցան Արցախից «Մենք ենք մեր սարերը» խումբը՝ ազգային և հայրենասիրական երգերով: Ներկաները  բարձր տրամադրութեամբ, իրենց պարերով  և ծափողջոյններով մասնակից եղան տօնական մթնոլորտին: Միջոցառման ընթացքին բանուկ էր ճոխ բիւֆէն, խոհանոցը, թէյատունը և իհարկէ՝ «Ջանգիւլումի» տաղաւարը: Երէցների միութեան ընկերների շնորհիւ ամբողջ 12 ժամերի ընթացքին իմի բերւեց ճոխ միջոցառումը: Ուշ գիշերում հայրենակիցները մեծ գոհունակութեամբ թողեցին մարզաւանը:

 

 

       Համազգային Կենտրոնական Վարչութեան հրաւերով Հ.Մ.«Արարատ»Կ.-ի Կենտրոնական Վարչութեան նախագահ ՝ ընկ. Համլետ Խալոյեանը մասնակցել է Համազգային հայ կրթական և մշակութային միութեան 7-րդ Պատկամաւորական ժողովին: Ժողովի բացումը տեղի է ունեցել մայիսի 29-ին՝ Անի հիւրանոցում: Ժողովը շարունակւելու է մինչև յունիսի 1/2014թ. :

                                                                                                                                                                    Մանրամասնութիւնները շուտով:

 

 

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՍՓՅՈՒՌՔԻ ՆԱԽԱՐԱՐՈՒԹՅՈՒՆ

ՄԱՄՈՒԼԻ ԵՎ ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ՎԱՐՉՈՒԹՅՈՒՆ
0010, Երեւան, Վազգեն Սարգսյան 26/1, 5-րդ հարկ
Հեռ.: (+374.10) 58-56-01, ներքին 108, հեռապատճեն (ֆաքս) (+37410) 58-91-57
էլ. փոստ. Այս էլ. փոստի հասցեն պաշտպանված է սպամ-բոթերից: Այն տեսնելու համար անհրաժեշտ է միացնել JavaScript

 

 

 

ՀՀ սփյուռքի նախարար Հրանուշ Հակոբյանը մասնակցեց Համազգային հայ կրթական և մշակութային միության 7-րդ Պատգամավորական ժողովին, ստորագրեց համագործակցության հուշագիր

 

    Մայիսի 29-ին տեղի ունեցավ Համազգային հայ կրթական և մշակութային միության 7-րդ Պատգամավորական ժողովը, որին մասնակցում էին աշխարհի 15 երկրներից ժամանած 80 պատվիրակ:  Միջոցառմանը մասնակցում էին ՀՀ սփյուռքի նախարար Հրանուշ Հակոբյանը, ՀՀ մշակույթի նախարար Հասմիկ Պողոսյանը, Լիբանանում ՀՀ դեսպան Աշոտ Քոչարյանը, ԵՊՀ ռեկտոր Արամ Սիմոնյանը, պաշտոնատար այլ անձինք, հայտնի արվեստագետներ, մտավորականներ:

Բացման խոսքով հանդես եկավ  «Համազգային» հիմնադրամի նախագահ Լիլիթ Գալստյանը: Ցուցադրվեց Համազգայինի հիմնադրման 80 ամյակին նվիրված տեսաֆիլմ:

  Ողջունելով ներկաներին՝ ՀՀ սփյուռքի նախարարը նշեց. «Համազգային հայ կրթական և մշակութային միության պատգամավորական ժողովը 2-րդ անգամ հայրենիքում անցկացնելու  գաղափարն ինքնանպատակ չէ. Համազգայինը, հաստատվելով Հայրենիքում, իր ներկայությամբ նոր մշակույթ ձևավորեց Հայրենիք-Սփյուռք կապերի սերտացման գործում` նոր որակներ ու երանգներ բերելով ազգային մշակութային քաղաքականության մեջ: Համազգայինը միշտ էլ հզոր զենք է եղել Սփյուռքում հայ ինքնությունը պահպանելու, հայ մշակույթը տարածելու և քարոզելու գործում»: Նախարարն իր ելույթն ավարտեց Ներսես Շնորհալու խոսքերով. « Միասնություն՝ գլխավորում, ազատություն՝ երկրորդականում, սեր՝ ամեն ինչում»:

    Հ. Հակոբյանը ՀՀ սփյուռքի նախարարության հուշամեդալով պարգևատրեց Համազգային հայ կրթական և մշակութային միությանը:

   ՀՀ Սփյուռքի նախարար Հրանուշ Հակոբյանը և միության կենտրոնական վարչության ատենապետ Վաչե Փափազյանը ստորագրեցին Հայաստան-Սփյուռք գործակցության ոլորտում գիտական, կրթական, հրատարակչական և մշակութային կապերի ամրապնդմանն ու զարգացմանն ուղղված  Համագործակցության հուշագիր:

 

 

 

 

 

 

 

(مسابقات بسکتبال دسته یک باشگاه های استان تهران (بانوان
Թեհրանի օրիորդաց առաջին կարգի բասկետբոլի ակումբային մրցութիւններ
Էսթիլ Ալբօրզ 44– 66 Արարատ آرارات-استیل البرز  (խորդադ 5)
Քիա գալէրի 62– 78 Արարատ آرارات-کیا گالری    (խորդադ 8)