Հրատարակութիւն

PDF
Արւեստից Լուրեր
Արւեստից Լուրեր
Մարզական Լուրեր
Սկաուտական Լուրեր
Երէցների Լուրեր
Մասնաճիւղերի Լուրեր
Ընդհանուր Լուրեր

Խեցեգործութեան և նկարչութեան երեք օրեայ դասընթաց

«Արմէն Մարտիրոսեանը Իրանի տեկւանդոյի սարքաւորումների առաջին նորարարն էր»

Մայրաքաղաքի տեկւանդոյի վաստակաւորների ջերմ և սրտագին յուշատօնը՝

վարպետ հանգուցեալ Արմէն Մարտիրոսեանի յիշատակին

           

    2013 թ.-ի ուրբաթ հոկտեմբերի 18-ին Հ.Մ.«Արարատ» մարզաւանում տեղի ունեցաւ Թեհրան նահանգի տեկւանդոյի վետերանների  համախմբումը՝ մեծարելու համար մայեստրօ Արմէն Մարտիրոսեանի յիշատակը:

   Միաժամանակ տեղի ունեցաւ ‏«Հանմադանգ»-ի ազատ մրցութիւնները, որին ներկայ էին տեկւանդոյի ֆեդերացիայի օգնական՝ պրն. Զոլղադրին, Թեհրան նահանգի տեկւանդոյի պատասխանատուները պարոնայք՝ Բիժան Խորասանին, Համիդ Քոլջին և Մոջթաբա Նազմդէհը:

    Ծրագրի սկզբում Թեհրանի նահանգի տեկւանդոյի օգնական՝ Բիժան Խորասանին, բարի գալստեան խօսք ուղելով բոլոր վետերանների, յայտնեց թէ այսօր իր համար շատ սիրելի և յիշարժան օր է, քանի որ այս ասպարէզի մեծ մարդկանց կողքին մեծարեցինք մեծ վարպետ՝ մայեստրօ Արմէն Մարտիրոսեանին և յիշեցինք տեկւանդոյի մեծ վարպետին:

    Այնուհետև մէկ րոպէ յոտնկայս լռութեամբ վարպետի յիշատակը յարգելուց յետոյ, տեկւանդոյի վետերանների կոմիտէի նախագահը բոլոր ներկաներից ուզեց՝ որ որևէ յուշ կամ խօսք արտայայտւեն Արմէն Մարտիրոսեանի մասին:

    Էսմայիլ Ազարփադն ասաց.- Արմէն Մարտիրոսեանը տեկւանդոյի մեծ ընտանիքի անդամներից էր, որ այս ռազմարւեստի զարգացման համար շատ նեղութիւններ է կրել: Նա Իրանում, տեկւանդոյի սարքաւորումերի առաջին արտադրող էր:

   Նա իր խօսքի շարունակութեան մէջ աւելացրեց.- 1372 թւականին, Սարի քաղաքում կայացող երկրի ախոյեանական մրցութիւնների ընթացքում, ես գնահատանքի արժանացայ և իմ վզին ծաղկէ օղակ կախեցին, իսկ ես այդ հանեցի և իմ վաղեմի ընկերոջ տարիների ջանքերը յարգելու համար իրեն նւիրեցի: Ես երբեք չեմ մոռանում Արմէնին և նրա գեղեցիկ ժպիտ: Յիշատակը թող մնայ առյաւէտ և հոգին լուսաւորւի:

    Սոլէյման Ալի Նասաբը, որ համախմբման յատուկ հիւրն էր ասաց.- ինձ համար պարծանք է ձեզ հետ և ձեր հաւաքում գտնւելը: Արմէնը սիրելի էր մեզ համար. Նրա անհատականութիւնը ապացուցւել է ինձ, և համոզւած եմ, որ նա մի կատարեալ մարդ էր նրա անարատութիւնը, անկեղծութիւնը և յարգանքը մեծերի նկատմամբ՝ անմոռանալի է, ինչպէս նաև գեղեցիկ ժպիտը, որ նրա իւրայատկութիւններից էր:

   Վերջինս տարիներ երկրից հեռու գտնւելուց յետոյ, Իրան էր վերադարձել և սա ամենայարմար առիթն էր իր ընկերներին հանդիպելու համար:

   Պրն. Քազէմ Ռէզային ևս խօսք առնելով ասաց.- Ես և Արմէնը ամբողջ մրցութիւններում միմեանց կողքին ենք եղել, և շատ ուրախ և յիշարժան օրեր ենք անց կացրել մարզիչ և իրաւարար լինելու ժամանակաշրջանում:

  Նա աւելացրեց.- Արմէնը շատ աշխատունակ և տոկուն մարդ էր, երբեք չէր գանգատւում ոչնչից և հաճոյք էր ստանում իր կեանքի իւրաքանչիւր վայրկեանից: Ես նրանից հեզութիւն և համեստութիւն սովորեցի:

    Ֆեդերացիայի օգնական՝ Ղոլամհոսէյն Զոլղադրին ևս ասաց.- տեկւանդոն և դրա գործածութիւնը միջազգային մրցութիւններում և աշխարհի բոլոր ծայրամասերում և որևէ ժամանակ, մէկ անհատի սեփականութիւնը չի եղել, այլ դա մի հաւաքական գործ է: Այսօրւայ տեկւանդոն պարտական է մեր մեծերին և վետերանների:

    Նա իր խօսքի շարունակութեամբ ասաց.- Պարծենում եմ, որ այսօր Իրանի տեկւանդոն աշխարհում իր իւրայատուկ վարկն ունի և գոյնզգոյն մեդալիոնների շնորհումը և ախոյեանական պատւանդանների վրայ կանգնելը, Ասիական, համաշխարհային և ողիմպիականի շրջանակներում, լաւագոյն կերպարով վկայում են դա:

   Վերջում գնահատւեցին երկրի վետերանների ըստ հետևեալի՝ Ազարփադ, Ալինասաբ, Ռէզայի, Ֆալլահ, Նազմդէհ, Ռուբէն Շահվերդեան, Աղիղի, Խոդամորադի, Ասբաղի, Արբաբի, Քոլջի, Ռէզայի և Մալէքին:

      Համլետը Հ.Մ.Ա.Կ.-ի տեկւանդոյի ներկայի մարզիչ և պատասխանատուն է:

      Յաջողութիւն և նորանոր վերելքներ ենք մաղթում մեր մարզիկներին:

Հայ Մշակութային Արարատ Կազմակերպութիւն

   Հ.Մ.Ա.Կ.-ի Մարզական միութեան օրիորդաց բասկետբոլի սուպեր լիգայի մրցութիւնների շարանում տեղի ունեցաւ մրցութիւն կիրակի յունւար 19-ին Արարատ մարզաւանի Սասունցի Դաւիթ սրահում որի արդիւնքն է հետևալը:

Արարատ 88 – Ռօնա 50

Յաջողութիւն ենք ցանկանում մեր բոլոր մարզիկներին:

 

 

Նախաձեռնութեամբ  Երէցների Միութեան, «քուքու-փլաւ»-ի ընթրիք երեկոյ

 

Նախաձեռնութեամբ  Երէցների Միութեան, երեկ յունւարի 13-ի 2014 թ.-ին «Վաչիկ Ղարաբէգեան» սրահում տեղի ունեցաւ «քուքու-փլաւ»-ի ընթրիք երեկոն:

Մթնոլորտը ջերմ էր ու ընկերական: Ձեռնարկի սկզբում Միութեան նախագահ՝ ընկ. Անդրէ Գալստեանը ողջունելով ընկերների և հիւրերի ներկայութիւնը, շնորհաւորեց Նոր Տարին և Սուրբ Ծնունդը և բոլորին ցանկացաւ ՝ առողջութիւն, յաջողութիւն և ուրախութիւն, իսկ համայն հայութեանը՝ խաղաղութիւն, յառաջադիմութիւն և իղձերի ու երազանքների իրագործում:

Ծրագիրը շարունակւեց ուրախ նւագներով ու երգերով որը կատարւում էր «Կարէն Մանսուրեան»-ի և իր նւագախմբի միջոցով:

Ընթրիքից յետոյ, Միութեան նախագահ՝ ընկ. Անդրէ Գալստեանը ըստ միութեան յարկի տակ աւանդոյթ դարձած սովորութեան՝ ընթերցեց պատկան ամսւայ ընթացքում ծնւած ընկերների անւանացանկը , որոնք հաւաքւեցին կարկանդակի շուրջ : Բոլոր հիւրերը հիւրասիրւեցին թէյով և տարեդարձի կարկանդակով:

Ձեռնարկին ներկայ էին բազմաթիվ հիւրեր որոնք ծրագրի վերջում մեծ գոհունակութեամբ թողեցին սրահը:

 

ՄԻՀՐ թատրոնը հիմնադրել են քոյր եւ եղբայր Մլքէ – Գալստեանները 2003 թւին: 

Թատրոնի առաքելութիւնն է բացայայտել իւրաքանչիւր շարժման փիլիսոփայական խորութիւնը` համատեղելով գեղանկարչութեան, հոգեբանութեան, պարի եւ դրամայի հետ:

Գեղ. ղեկավար՝ Ցոլակ Մլքէ-Գալստեան

 

Հ.Մ.Ա.Կ.-ի Արւեստից միութեան նախաձեռնութեամբ՝ 32-րդ «Ֆաջր» փառատօնի մասնակիցները ներկայացնելու են «Կոմիտաս»  եւ «Գոյներ» բեմադրութիւնները:

            Ուրբաթ 17 յունւարի 2014 թ. Ժամը 19:30-ին Կենտրոնատեղիի «Կոմիտաս» սրահում:

 

 

 

 

 

Ֆուտբոլի առաջին կարգի ակումբային մրցոյթների արդիւնքներ

 

 

խումբ

արդիւնք

արդիւնք

խումբ

թւական

1

ԱՐԱՐԱՏ

(պատանեկան)

4

3

Փարշան

(پرشان)

27.12.2013

2

ԱՐԱՐԱՏ

(երիտասարդական)

3

3

Վարդաւարդ Ամիրքաբիր

(وردآورد امیرکبیر)

27.12.2013

3

ԱՐԱՐԱՏ

(երիտասարդական)

3

0

Բէհէշթի

(بهشتی)

07.01.2014

4

ԱՐԱՐԱՏ

(երիտասարդական)

2

1

Ռահահան փայէթախթ

(راه آهن پایتخت)

10.01.2014

 

Մեր մարզիկներին ցանկանում ենք նորանոր յաջողութիւններ:

 

 

 

 

   Հ.Մ.Ա.Կ.-ի Մարզական միութեան օրիորդաց բասկետբոլի սուպեր լիգայի մրցութիւնների շարանում տեղի ունեցաւ երկու մրցութիւններ հինգշաբթի և ուրբաթ (Յունւար 9 և 10)-ին Արարատ մարզաւանի Սասունցի Դաւիթ սրահում որի արդիւնքներն են հետևալը:

Արարատ 88 – Հաւափէյմաի  մէրաջ Քէրմանսշահ 59

Արարատ 70 – Քէշաւարզ Ղազւին 58

Յաջողութիւն ենք ցանկանում մեր բոլոր մարզիկներին:

 

 

Արարատ Կազմակերպութեան պաշտօնեաների Ամանորեայճաշկերոյթ

 

 

Հ.Մ.Ա.Կ.-ի Վարիչ մարմնի Աւանդութեան համաձայն, չորեքշաբթի 25 դեկտեմբերի 2013 թ.-ի կէսօրին, «Արարատ» մարզաւանի վարիչ մարմնի հրաւէրով կազմակերպութեան յարկի տակ աշխատող  պաշտօնեաների, Վարիչ մարմնի եւ Կենտրոնական վարչութեան որոշ անդամների ներկայութեամբ տեղի ունեցաւ Ամանորեայ ճաշկերոյթ:

Անակնկալ կերպով ճաշկերոյթի բացումը կատարեց Ձմեռ պապիկը, որը Նոր Տարին շնորհաւորեց բոլոր աշխատակիցներին եւ մաղթեց նրանց յաջողութիւններով լի տարի: Ապա վարիչ մարմնի նախագահ՝ ընկեր Նորիկ Մանասերեանը, նոյնպէս շնորհաւորելով գալիք Նոր Տարին, իր խօսքերում ակնարկեց 2013 թւականին վարիչի բացակայութեան ժամանակաշրջանում մարզաւանում եղած որոշ դժւարութիւնները, որը միասնաբար յաղթահարեցինք՝ պաշտօնէութեան համագործակցութեամբ եւ մատնանշեց, որ 2014 թւականին նշելու ենք Կազմակերպութեան հիմնադրման 70- ամեակը, ուստի աւելի սեղմ եւ ակտիւ աշխատանք է պահանջւելու բոլորից, յոյս յայտնելով թէ 70-ամեայ յոբելենական աշխատանքները նոյնպէս միասնաբար ի մի կը բերենք ամենավայել կերպով: Կենտրոնական վարչութեան անդամ՝ ընկեր Ալէքս Կարապետեանը երկրորդելով ընկեր Նորիկին, բոլորին շնորհաւորեց գալիք Նոր Տարին եւ Ս. Ծննդեան տօները:

Այդ օրւայ յիշողութիւնը դրոշմւելու համար ճաշկերոյթի աւարտին ներկաները նկարւեցին Ձմեռ պապիկի հետ եւ միմեանց փոխանցեցին ամանորեայ բարեմաղթանքներ: