Մասնակիցները ստանում էին բրոշուրներ, բացիկներ և ազգային յեղափոխական երգերի ձայնասկաւառակ:
Երեկոն յագեցած էր ազգային և յեղափոխական երաժշտական կատարումներով, սկզբում բեմ բարձրացաւ Հայաստանից ժամանած Հայաստանի հանրային հեռուստառադիոյի էստրադային սիմֆոնիք նւագախմբի մեներգչուհի՝ Նայիրա Մանուչերեանը և Երևանի պետական կոնսեռւատորիայի փրոֆեսոր և «Գոհար» սիմֆոնիկ նւագախմբի մեներգիչ՝ Սամւէլ Գալստեանը:
Ծրագրի ընթացքում հնչում էր շնորհաւորական և ողջոյնի խօսքեր, ապա մէկը միւսի հետևից երգեցին՝ Անի Արզումանեանը, Ադէնա Քարամեանը, Մեղմիկ Մարտիրոսեանը և Քրիստ Աճեմեանը: Նւագիչներ՝ Ասպետ Նորաւեանը, Վեհանձն Միրզախանեանը, Արութին Մեհրաբեանը, Ամուր Պետրոսեանը:
Ծրագրին մաս էր կազմում կառաոկէն, որին ինքնակամ մասնակցեցին ներկաները :
Բանուկ էր Երէցների միջոցով կազմակերպւած ուտեստների տաղաւարը, աւանդական ուտեստներով:
Թէպետ սկզբում գարնանային անձրևը մի պահ յանկարծակի բերեց բոլորին, սակայն շատ չանցած, կապոյտ երկնքի ներքոյ շատ ուրախ մթնոլորտում տօնւեց օրը:
Միջոցառմանը իր ներկայութեամբ պատիւ էր տւել թեմի առաջնորդ Սրբազան Հայրը:
Ծրագիրը շարունակւեց մինչև ուշ գիշեր, ներկաները մեծ գոհունակութեամբ թողեցին մարզաւանը: