Print this page

«Երբ յոբելենական աշխատանքներն ու տրամադրութիւնը աւարտւեցին, հասկացանք որ ուզում ենք այդ փոքրիկ բարեգործական ծրագրերը շարունակել...»

Rate this item
(0 votes)
«Երբ յոբելենական աշխատանքներն ու տրամադրութիւնը աւարտւեցին, հասկացանք որ ուզում ենք այդ փոքրիկ բարեգործական ծրագրերը շարունակել...»

     Հայաստանում բնակւող մի խումբ իրանահայեր շաբաթ՝ յունիսի 13-ին, մեկնեցին Տաւուշի մարզի սահմանամերձ Պառաւաքար գիւղ, տեղի մանկապարտէզի փոքրիկների տարեվերջի հանդէսին մասնակցելու համար:

     Պառաւաքարը գտնւում է Ադրբեջանի սահմանին: Գեղեցիկ բնութեամբ հարուստ այս գիւղը ունի 1700 բնակիչ: Գիւղացիների հիմնական զբաղմունքը խաղողագործութիւնն ու անասնապահութիւնն է: Գիւղի դպրոցը ունի 215 աշակերտ, իսկ մանկապարտէզը՝ 35 սան, որոնցից 21-ը այս տարի արդէն առաջին դասարան պիտի գնան:
     Սահմանամերձ այս գիւղը, ինչպէս միւս սահմանամերձ գիւղերը, երբեմն յայտնւում է թշնամու կրակոցների թիրախում: Ուսուցչուհիներից մէկը նշեց, որ իրենք զգուշանում են մանկապարտէզի փոքրիկներին սահմանի կողմի բակը հանել, որովհետեւ կրակոցներ կան:

     Դժւարութիւններով հանդերձ՝ կեանքը Պառաւաքարում շարունակւում է: Մանկապարտէզի հանդէսին ուրախ մթնոլորտ էր տիրում: Ծնողների եւ հիւրերի ներկայութեամբ փոքրիկները ոգեւորւած ներկայացրեցին հանդէսի համար յանձնարարւած իրենց դերերը: Ներկաները ուրախ էին՝ վայելում էին փոքրիկների արտասանութիւնը, պարն ու երգը:

     Սփիւռքահայերի այս խումբը որոշել էր իր անձնական միջոցներով օգտակար հանդիսանալ սահմանամերձ այս գիւղին: Ծրագրի կազմակերպիչներից Արմինէ Մանուկեանը նշեց. «Մեր նպատակն էր, օգնութիւն ցուցաբերել, ոչ թէ մէկ կամ երկու հոգու, այլ դա լինէր ընդհանուր կամ գոնէ մի խմբի: Այդ պատճառով էլ ընտրեցինք Պառաւաքարը եւ տեղի մանկապարտէզը: Մեր երկու այցելութիւնների ընթացքում տեղեկացանք, որ մանկապարտէզը ինչի կարիքներ ունի եւ ըստ դրան՝ որոշեցինք մեր անելիքը: Մանկապարտէզի համար գնեցինք գրքեր, խաղալիքներ, ուսուցողական խաղեր, ինչպէս նաեւ տեղեկացանք, որ միւս տարի երեխաների մի նոր խումբ էլ պիտի դպրոց յաճախի եւ կարիք ունեն 18 մահճակալի»: Արմինէն նշեց, որ իրենք ընտրել են յատկապէս այս գիւղը, որովհետեւ սահմանամերձ գիւղերը աւելի շատ ուշադրութեան կարիք ունեն: «Ցանկացանք այստեղի փոքրիկներին մի քիչ ոգեւորութիւն ներշնչել եւ ուրախացնել»,- աւելացրեց նա:

     Նրանք նաեւ իրենց անձնական միջոցներով, կիսաքանդ տանը ապրող մի բազմազաւակ ընտանիքի նւիրել են նոր եւ աւելի բարեկարգ մի տուն՝ նոյն գիւղում:

Լուսանկարներ

View the embedded image gallery online at:
http://araratorg.org/index.php?option=com_k2&view=item&id=1424:%C2%AB%D5%A5%D6%80%D5%A2-%D5%B5%D5%B8%D5%A2%D5%A5%D5%AC%D5%A5%D5%B6%D5%A1%D5%AF%D5%A1%D5%B6-%D5%A1%D5%B7%D5%AD%D5%A1%D5%BF%D5%A1%D5%B6%D6%84%D5%B6%D5%A5%D6%80%D5%B6-%D5%B8%D6%82-%D5%BF%D6%80%D5%A1%D5%B4%D5%A1%D5%A4%D6%80%D5%B8%D6%82%D5%A9%D5%AB%D6%82%D5%B6%D5%A8-%D5%A1%D6%82%D5%A1%D6%80%D5%BF%D6%82%D5%A5%D6%81%D5%AB%D5%B6,-%D5%B0%D5%A1%D5%BD%D5%AF%D5%A1%D6%81%D5%A1%D5%B6%D6%84-%D5%B8%D6%80-%D5%B8%D6%82%D5%A6%D5%B8%D6%82%D5%B4-%D5%A5%D5%B6%D6%84-%D5%A1%D5%B5%D5%A4-%D6%83%D5%B8%D6%84%D6%80%D5%AB%D5%AF-%D5%A2%D5%A1%D6%80%D5%A5%D5%A3%D5%B8%D6%80%D5%AE%D5%A1%D5%AF%D5%A1%D5%B6-%D5%AE%D6%80%D5%A1%D5%A3%D6%80%D5%A5%D6%80%D5%A8-%D5%B7%D5%A1%D6%80%D5%B8%D6%82%D5%B6%D5%A1%D5%AF%D5%A5%D5%AC-%C2%BB&Itemid=639&tmpl=component&print=1&lang=hy#sigProGalleria45f2c9df51