Նարէն մայիս ամսում նախ մասնակցելով Թաւրիզում կայացած նահանգային մրցութեանը առաջին է հանդիսացել, ապա մասնակցել է Թեհրանում միջնահանգային մրցութեանը, ուր և կանգնել է առաջին պատւանդանին:
Մրցութիւնը բաղկացած էր 200 հարցերից երկու բաժնում՝ գրաւոր և բանաւոր: Նշելի է որ մրցութիւնը տարիքային բաժանումով չէ այլ մակարդակի:
Գնահատման հանդիսութիւնը տեղի է ունեցել «Ռազի» դահլիճում, որտեղ ներկայ էին մրցութեան հիմնադիր՝ պրոֆէսոր Եունգը և երկրի կրթադաստիարակչական հաստատութեան պատասխանատու այրեր:
Նա առիթն ունի երկու ամսից մեկնի Հնդկաստան մասնակցելու նոյն ճիւղի համաշխարհային մրցումին:
Չորեքշաբթի սեպտեմբերի 30-ին Ատրպատականի Հայոց թեմի առաջնորդ Գրիգոր եպս. Չիֆթճեանը իր գրասենեակում Նարէյին և ծնողներին հրաւիրելով բարձր գնահատեց այս յաջողութիւնը և յանձնեց Քրիստոնէութեան խորհրդանիշ՝ ձկնակերպ լապտեով մի յոշանւէր, միշտ վառ պահելու համար գիտութեան լոյսը նրա հոգու մէջ:
«Արարատ»-ի մեծ ընտանիքը շնորհաւորելով սիրելի Նարէյին մաղթում է նրան նորանոր յաջողութիւններ: