Կիրակի նոյեմբերի 10-ի, երեկոյեան ժամը 7:30-ին կենտրոնական վարչութեան ընկերները հիւրնկալւեցին Հայ մշակութային Սիփան միութեան յարկի տակ:
Պաշտօնական հանդիպումից առաջ ընկերները միասնաբար այցելեցին միութեան բասկետբոլի մարզասրահը, որտեղ մարզիկ- մարզիկուհիները զբաղւած էին մարզական փորձերով, այնուհետև բոլորը միասին այցելեցին մարմանմարզութեան մարզասրահը, որտեղ անձնական և խմբերի մարմնամարզութեան փորձերը կատարւում էին մարզիչի միջոցով:
Նիստը բացեց Սիփան միութեան նախագահ՝ ընկ. Սարօ Մկրտիչեանը , նա ողջոյնի և բարի գալստեան խօսք ուղեց Հայ մշակութային «Արարատ» կազմակերպութեան կենտրոնական վարչութեանը, ու գնահատեց իրենց գեղեցիկ մտայղացումը ուր առիթ է ստեղծւել երկու վարչութիւնների միասնական հանդիպմանը Սիփան միութեան յարկի տակ:
Ապա կազմակերպութեանս նախագահ՝ ընկ. Համլետ խալոյեանը արտայատւեց՝ արդէն կենտրոնական վարչութեան մօտ ձև է դարձել շրջանի ընթացքին իր շարան ծրագրերի շարքում հանդիպում ունենալ քոյր միութիւնների վարչութիւնների հետ, որտեղ հնարաւոր է լինում միմեանց դժւարութիւնները, մտահոգութիւնները լսելու հնարաւորինս փարատելու, ինչու չէ նաև վարչութիւնների մօտ եղած առաջարկները միասնաբար քննելու և գործադրելու:
Այնուհետև երկու վարչական կազմերի անհատները աշխատանքային բնագաւառում փորձեցին մանրամասնօրէն փոխանցել իրենց անցեալ և ապագայ աշխատանքները, որտեղ բոլորը մօտկից ծանօթացան երկու միութիւնների դժւարութիւնների, մտահոգութիւնների, ինչու չէ նաև ձեռք բերւած փորձարութիւնների և յառաջիկայ գործադրւելիք առաջարկների հետ:
Հարկ է նշել որ Սիփան միութիւնը բոլորում է իր 50-ամեայ ծաւալուն գործունէութիւնը , Սասուն քաղաքամասում: Պատիւ բոլոր վարչական ընկերներին որ այս երկար տարիների ընթացքում աշխատել են կանգուն պահել միութեան հիմնասիւները հայապահպանման նպատակով :
Շնորհաւորում ենք Սիփան միութեան 50-ամեայ գործունէութեան կապակցութեամբ, յաջողութիւն ենք մաղթում ապագայ աշխատանքներում, և ցանկանում որ միութիւնը իր յոբելենական տօնակատարութիւնները մեծ շուքով տօնի :
Պաշտօնական բաժինը աւարտւելով բոլորը հիւրասիրւեցին ջերմ մթնոլորտում ուր տեղի ունեցաւ մտքերի փոխանակութիւն: