Կազմակերպութեանս նախագահ ընկ. Համլետ Խալոյեանը ողջունեց եւ բարիգալստեան խօսք ուղեց ընկերներին, նշելով որ, Հայ մշակութային «Արարատ» կազմակերպութեան Կենտրոնական վարչութիւնը արդէն երկու շրջան է, որ կանոնաւոր կերպով ծրագրում եւ հերթական հանդիպումներ է ունենում համայնքիս քոյր միութիւնների հետ, կարեւորելով այն հիմնական մօտեցումը, որ հանդիպումների եւ շփումների միջոցով հնարաւորութիւն է ստեղծւում ծանօթանալու միմեանց յուզող հարցերի հետ, նաեւ տրւում է առաջարկներ, որի արդիւնքում մշակւում է ապագայ համագործակցութիւնների ծրագրերը:
Ապա առիթ տրւեց երկու մարմինների աշխատանքի բնագաւառները ներկայացնելու, Հայ Դատի յանձնախմբի նախագահ՝ ընկ. Յովսէփ Աւետեանը ներկայացրեց Հայ Դատի ուղղութեամբ անցեալ և ապագայ աշխատանքները ու նաեւ տեղեկացրեց, որ «Պայման» եռամսեայ պարբերականի հրատարակման համար խիստ եւ հետեւողական աշխատանք է տարւում, որի խմբագրական կազմը գլխաւորում է ընկ. Արմինէ Առաքելեանը:
Սոյն հանդիպման կարեւորագոյն մտահոգութիւններից էր ներկայ երիտասարդութեան ներգրաւելու հարցը միութիւններում եւ իրենց հաղորդակից դարձնելու համայնքում Հայ Դատի ուղղութեամբ տարւող աշխատանքներին:
Հանդիպումը դրական աւարտւեց, եղան մի շարք առաջարկութիւններ համագործակցելու համար, իսկ վերջում ջերմ մթնոլորդում տեղի ունեցաւ ընդունելութիւն:
