ՀԱՅ ԷՍՏՐԱԴԱՅԻՆ ԵՐԳԵՐԻ ԵՐԵԿՈՅ « ԿՈՄԻՏԱՍ » ՍՐԱՀՈՒՄ
Թւականիս 12 և 13 դեկտեմբերին տարիներ դադարից յետոյ Հ.Մ.Ա.Կ.-ի «Արւեստից» միութեան նախաձեռնութեամբ Կենտրոնատեղիի «Կոմիտաս» սրահում մի անգամ ևս հնչեց «Հայ էստրադային մեղեդիներ»: Ծրագրի հեղինակն էր միութենական ընկեր Արմէն Ասատրեանը, ում ջանքերի շնորհիւ շուրջ չորս ամսւայ ընթացքում կազմւեց էստրադային նւագախումբ իրանահայ լաւագոյն երաժիշտներից, որոնք իրենց օրինապահ և կարգապահ փորձերի հետևանքով կարողացան բեմ հանել Հայ էստրադային գեղեցիկ երգերի շարան:
Երգացանկը հիմնականում կազմւած էր Իրանահայ բանաստեղծների և երաժիշտների ստեղծագործութիւններից:
Աչքի էին ընկնում մանաւանդ երիտասարդ մասնակիցների ներկայութիւնը փորձառու և մասնագէտ երաժիշտների կողքին , որոնք մեծ յոյս ու եռանդ էին պարգևում հիացմունքով լցւած երաժշտասէր հանդիսատեսին:
Հարկ է նշել որ ծրագրի հաղորդավարն է եղել ընկեր Վահագն Ազիզեանը որը ծրագրի ընթացքին ներկայացրել է երգերի հեղինակը ու երգչին:
Ուժ ու կորով ենք ցանկանում« Արարատ » էստրադային նւագախմբին, դալար ճանապարհ մաղթելով նրանց յառաջիկայ ելոյթներում: