Ուրբաթ, ապրիլ 19-ին Արենուշների հատւածի թիւ 3 խումբը հաճոյական աշխատանք ունեցաւ چیتگر զբոսայգում։
Աշխատանքն սկսեց նախաճաշելով ապա ունեցան դասարանElectrinic-ի մասին որի դասատուն էր Արենուշ Լիվիա Բեհբուն։
Խումբը աշխատանքը շարունակեց հեծանւավարութեամբ և տօնելով խմբի սիրելի անհատի տարեդարձը։

2024 թ. ապրիլի 21-ի առաւօտեան «Արարատ» մարզաւանի «Սասունցի Դաւիթ» մարզադահլիճում տեղի ունեցաւ աշակերտական հաւաք յագեցած գեղարւեստական ծրագրով։
Ծրագրին ելոյթ ունեցաւ Հայ Մշակութային «Արարատ» Կազմակերպութեան Արւեստից միութեան «Մանկապատանեկան» «Երաժշտաթատերական» խումբը:
Ելոյթի ընթացքին թատերական բաժնի անդամների միջոցով հնչեց Պարոյր Սևակի «Անլռելի Զանգակատուն» գրքից «Ղօղանջ Եղեռնական» հատւածը, որին զուգահեռ նւագախմբի միջոցով կատարւեցին՝ «Գարուն ա», «Դլէ եաման», «Տէր ողորմեայ», «Զարթիր լաօ», «Զէյթունցիներ» և «Բարի արագիլ» կտորները:

ՀՄԱԿ-ի Արւեստից միութեան նախաձեռնութեամբ՝ հինգշաբթի, ապրիլի 18-ին տեղի ունեցաւ Արթուր Մանուկեան ստեղծագործութիւնների  ցուցահանդէսի բացման հանդիսութիւնը՝ նւիրւած Հայոց ցեղասպանութեան 109-ամեակին և «Արարատ» կազմակերպութեան հիմնադրման 80-ամեակին «Արարատ» մարզաւանի Խաժակ Արզումանեան ցուցասրահում։

Ծրագրի սկզբում ելոյթ ունեցաւ «Արարատ» երգչախումբը ապա բացման խօսքն ընթերցեց ընկեր Մինէ Նազարեանը ներկայացնելով հեղինակի կենսագրութիւնն ու մասնագիտական անցած ուղին։

Ամբիոնի մօտ հրաւիրւեցին օրւայ առիթով արտայայտւելու ստեղծագործ՝ Արթուր Մանուկեանն  ընկերակցութեամբ աշխատանքի համադրող՝ Միշէլ Ալլահվերդեանի, ով պարսկերէնի էր թարգմանում հեղինակի արտայայտութիւնները իսկ աւարտին վերջինս ևս հակիրճ արտայայտւեց օրւայ առիթով։

Այնուհետ ներկաները հրաւիրւեցին դիտելու ցուցահանդէսը։

Բացմանը ներկայ էին ԻԻԽ պատգամաւորներ պարոնայք Արա Շահվերդեանն ու Ռոբերտ Բէգլարեանը,

Թեմական և Պատգամաւորական խորհրդների ներկայացուցիչները, կրթական խորհրդի ներկայացուցիչը,

Հայոց ցեղասպանութեան 109-րդ տարելիցը ոգեկոչող յանձնախմբի նախագահը, Կենտրոնական վարչութեան նախագահ ընկեր Սոֆի Ջաղարբեգեանը և վարչութեան ընկերները, միութիւնների ու յանձնախմբերի ներկայացուցիչները, Արւեստագէտները, հրաւիրեալներն ու հիւրերն, որոնք մեծ հետաքրքրութեամբ և բարձր գնահատանքներով  դիտեցին պլակարդներ՝ նւիրւած Հայոց Ցեղասպանութեանը, Հայաստանին ու Արցախին։

Պատրաստւել էր համեստ հիւրընկալութիւն։

Ցուցահանդէսը տևելու է մինչև ապրիլի 26, ամէն օր ժամը 17։00-ից 20։00-ը

Հայ Սկաուտի նպատակն է զարգացնել իր գիտելիքները և ծառայել իր Հայրենիքին ու Միութեանը, նաև իրենց փորձառութիւնով  ու գիտելիքների տիրապետումով իրենց տրւում է Դ.Ա./ Ա./ Վ.Ա./ Դ.Խ.-ի աստիճաններ այդ իսկ պատճառով ՝ Ուրբաթ 2024 թւականի՝  Մարտի 8-ին եղան մի շարք Կրտսեր հատւածից սկաուտների փոխանցումներ դէպի Արի և Արենուշ հատւածների խմբեր, 3-րդ կարգի տիտղոսներ ու տրւեց մի շարք աստիճաններ, սկաուտները օրը աւարտեցին հաճելի յուշերով:

Լիայոյս ենք, որ ինչպէս անցեալում, այսուհետ եւս սկաուտները նոյն կարգապահութեամբ , պարտականութեան գիտակցութեամբ և յաջողութեամբ պիտի կատարեն իրենց յանձնարարած պարտականութիւնը։

Ուրբաթ, մարտի 8 ին Արենուշների Հատւածի թիւ 1 խումբը  ունեցաւ շատ հաճելի ծրագիր և զւարճալի խաղեր։

Սկաուտները տօնեցին Մարտի 8-ը, պատրաստեցին ձեռքի աշխատանք, սնւեցին և խաղացին twister։ Օրւայ վերջում փակման արարողութեանը կատարւեց մի շարք փոխանցումներ, որի արդիւնքում Կրտսերների հատւածի թիւ 1 խմբից 2 սկաուտ փոխանցւեցին Արենուշների հատւածի թիւ 1 խումբ:

Մարտի 8-ը կանանց և գեղեցկութեան տօնը Սկաուտական միութիւնում :

Օրւայ կանչ՝

Մեր Գեղեցկութեամբ Գեղեցկացնում ենք Միութիւնը

Արենուշների հատւածի թիւ 2 խումբը մարտի 8 -ին աշխատանքը սկսեց մարզանքով և մրցախաղով։

Ապա աշխատանքը շարունակւեց ինքնաշարժի անիւների փոփոխութեան գործնական դասարանով, որի դասատուն էր՝ ոչ շարքային սկաուտ Քրիստ Յակոբեանը:

Դասարանից յետոյ արենուշները նշեցին Միջինքը և անցկացրին օրւայ երկրորդ դասարանը Կողմնորոշման նիւթով որի դասատուն էր՝ Վ.Ա. Վաչէ Թորոսեանը :

 Օրւայ վերջում փակման արարողութեանը կատարւեց մի շարք փոխանցումներ, որի արդիւնքում Կրտսերների հատւածի թիւ 1 խմբից 2 սկաուտ փոխանցւեցին Արենուշների հատւածի թիւ 2 խումբ:

Արենուշների հատւածի թիւ 2 խումբը մարտի 1-ի աշխատանքը սկսեց զանազան դասարաններով :
Նախ երգի դասարանով  յետոյ Արիների հատւածի թիւ 4 խմբի հետ միասնաբար՝ Էլեկտրական գիթառի դասարան, Նաև տօնեցին խմբի աստիճանաւորի տարեդարձն ու աշխատանքը շարունակեցին հաճելի խաղերով:
Օրւայ վերջում եւս ունեցան դասարան, որի նիւթն էր՝ Ինչպէս գտնել ջուրը,  դասատուն՝  Խ. Անի Զաքարեանը։

Ուրբաթ, մարտի 1-ին Արենուշների հատւածի թիւ 3 խումբը եւս մէկ անգամ, ունեցաւ <<street art>>-ի աշխատանքը։
Անհատները գծելով սկզբնական պատկերը, սկսեցին միմեանց օգնութեամբ զարդարել և գունաւորել։
Այդ ընթացքում, անակնկալ մատուցեցին շատ սիրելի պատասխանատուին և միասնաբար տօնեցին նրա ծննդեան տարեդարձը։
Աշխատանքն աւարտւեց Արենուշների հատւածի թիւ 4 խմբի հետ սկաուտական խաղով։

ՀՄԱԿ․-ի Մարզական միութեան նախաձեռնութեամբ կազմակերպւած 46-րդ Համադպրոցական խաղերին մասնակից խմբերի մեդալաբաշխումներից պատկերներ։
22 և 25 փետրւարի 2024 թ․