Շաբաթ, փետրւարի 17-ի երեկոյեան, Ի Իսլ. խորհրդարանում Թեհրանի եւ հիւսիսային իրանահայութեան պատգամաւոր պրն. Արա Շահվերդեանը այցելութեան կարգով երգչախմբերի հերթական փորձից յետոյ հանդիպեց Հ.Մ.Ա.Կ.-ի Արւեստից միութեան «Արարատ» եւ Հայ համալսարանականների ընդհ. միութեան «Տաւիղ» երգչախմբի անդամներին ու խմբի ղեկավար տկն. Արփի Սիմրոջեանին եւ իր երախտագիտութեան խօսքը յայտնեց խմբին տարեկան համերգի եւ Իրանի Իսլամական հանրապետութեան տարեդարձի առիթով մի քանի շարան ձեռնարկներին իրենց մասնակցութեան եւ անվերապահ համագործակցութեան համար։
Հանդիպմանը ներկայ էին Հ.Մ.Ա.Կ.-ի Արւեստից միութեան եւ Հ.Հ.Ը.Մ.-ի Նախագահները եւ վարչութեան մի քանի անդամներ, որոնք նաեւ իրենց շնորհակալական խօսքն ուղղեցին պրն. Շահվերդեանին։
Մտերմիկ ու հարազատ մթնոլորտում ընթացաւ զրոյց-հանդիպումը, անդամները ինքնաբուխ արտայայտեցին իրենց գոհունակութիւնն այս մտերմիկ հանդիպման համար։
Արենուշների հատւածի թիւ 4 խումբը փետրւարի 16-ին նշեց իր 64-ամեակը։
Այս յիշատակելի օրը միշտ մնայուն կը մնայ խմբի անդամների յուշերում։
Արիների հատւածի թիւ 1 խումբը Արենուշների հատւածի թիւ 1 խմբի հետ փետրւարի 16-ին միասնական աշխատանք ունեցան:
Սկաուտները ունեցել են վայրէջք-ի դասարան, որի դասատուն էր Ա. Ռենէ Ալլահվերդեանը, իսկ հետոյ սովորեցին թէ ինչպէս հրաձգել, դ․խ․ Վահագն Շահվերդեանի ուսուցմամբ ։
Արենուշների հատւածի թիւ 2 խումբը Արիների հատւածի թիւ 4 խմբի հետ փետրւարի 16-ին անցկացրին միասնական աշխատանք:
Սկաուտները խարոյկով պատրաստեցին նախաճաշ և ունեցան սկաուտական 3-րդ կարգի ՍԿԱՈՒՏԱԿԱՆ ՇԱՐԺՄԱՆ ՊԱՏՄՈՒԹԻԵԱՆ մասին դասարան, Նաև միութեան հետ տօնեցին ներքին Տեառնընդառաջի խնջոյքը:
ՀՄԱԿ․-ի Մարզական միութեան նախաձեռնութեամբ և music FANTASIA-ի մասնակցութեամբ «ՍԻՐՈՅ ՕՐ»ուրախ երեկոյ։
15 փետրւարի 2024 թ․
Երեքշաբթի, փետրւարի 13-ին, Հ.Մ.Ա.Կ.-ի Սկաուտական միութիւնը մեծ շուքով նշեց Տեառնընդառաջը «Արարատ» մարզաւանում:
Ծրագիրը նւիրւած էր Հ.Մ.Արարատ.Կ.-ի 80-Ամեակին, այդ առիթով ցուցադրւեց մի շարք պատկերներ ու տեսաերիզներ անցած 80-տարիների կազմակերպութեան գործունէութիւնից։
Ծրագրին մասնակից էին Հ.Մ.Ա.Կ-ի Երէցների միութիւնը նաև ներկայ էին բազմաթիւ, հայրենակիցներ և նախքինի և շարքային սկաուտներ, որոնք ուրախ երաժշտութեան ներքոյ և ստեղծւած տօնային մթնոլորտում վայելեցին խնջոյքը։
Օրհնւած կրակը բերւել էր Ս.Սարգիս եկեղեցուց, որը հետևելով կրակավառութեան հին աւանդութեանը, բոցավառւեց խարոյկը։
Մասնակիցները վայելեցին նաև աւանդական տնային ուտելիքներ։
Բոլորը բարձր տրամադրութեամբ և խանդավառութեամբ մինչ ուշ գիշեր նշեցին Տեառնընդառաջը՝ Տիրոջ ընծայումը սուրբ տաճարին։
Կիրակի, 2024 թ.ի փետրւարի 11-ին Բուն Բարեկենդանի առիթով տեղի ունեցաւ ընթրիք երեկոյ մարզաւանի Տնակում։ ներկաները նաև վայելեցին Երէցների միութեան միջոցով պատրաստւած աւանդական թէյատունը։
2024 թ.-ի փետրւարի 9-ին տեղի ունեցաւ Հ.Մ.«Արարատ»Կ.-ի Սկաուտական միութեան ներքին Բուն Բարեկենդանի խնջոյքը «Վաչիկ Ղարաբէգեան» սրահում։
Ծրագիրը սկսեց զանազան զբաղմունքներով, ընթացքում սկաուտները ներկայացան իրենց տարազներով եւ ունեցան ուրախ ժամանց հաճելի խաղերով ինչպիսին էին՝ Կառաոկէ երգի մրցոյթ, թիմային խաղեր եւ այլ հաճոյական աշխատանքներ, որը սկաուտները մասնակցեցին իրենց խմբերով։ Այնուհետ բարձր տրամադրութեամբ աւարտեցին օրը:
Հ.Մ. «Արարատ» Կ.-ի Արւեստից միութեան վարչութեան նախձեռնութեամբ, կիրակի, 2024 թւականի փետրւարի 4-ին ընկեր Քրիստինէ Արզումանեանը հանդիպել է «Արարատ» պարախմբի Երեւանում գտնւող անդամների հետ եւ նրանց յանձնել 2023 թւականի օգոստոսի 5-ին Գիւմրիում կազմակերպւած Հայաստանի 8-րդ համահայկական խաղերի բացման արարողութեանը մասնակցութեան գնահատագրերը։
2024 թւականի յունւարի 31-ին, տեղի ունեցաւ Սկաուտական միութեան Աստիճանաւորական դասընթացների շարանի 6-րդ դասարանները:
Սկաուտները սկզբում ունեցան դասարան «Սկաուտական Միութեան ներքին կանոնագիր»-ի թեմայով , որի դասատուն էր՝ ընկեր Արա Ջահանեանը:
Դասարանի ընթացքում խօսւեց ընդհանուր կանոնագրութեան և կանոնների վերծանման մասին ու եղան մտքերի փոխանակումներ նաև սկաուտները ուղեցին իրենց հարցերը ու ստացան համապատասխան պատասխաններ:
Սկաուտները գիտելիքներ ստանալուց յետոյ, ուրախ ժամանց վայելեցին և իրար շուրջ ընթրելով օրը աւարտեցին լաւ յուշերով:
