Հ.Մ.Ա.Կ.-ի Երէցների միութեան դեկտեմբեր ամսւայ ամսական հանդիպումը յատկացւած էր միութեան 51-րդ տարեդարձին:
Ծրագրի սկզբում միութեան վարչութեան նախագահ ընկ.Հարմիկ Զովելեանը ներկայացրեց միութեան պատմականը ,ապա հանդէս եկաւ կազմակերպութեան« Արարատ »երգչախումբը ղեկավարութեամբ Սևան Աբէդիի, որոնք կատարեցին Հայաստան,մեր անուշ հայրենիք և գալիս ես երգերը.
Յիշատակելով դեկտեմբեր-1-ի աղետալի երկրաշարժի 27-րդ տարելիցը,Դէլէ եաման ասմունքով հանդէս եկաւ ընկ.Մելանիա Աղանեանսը:
«Արարատ» պարախումբը ներկայացրեց «Սևան»ի պարը Արա Գէորգեանի երաժշտութեամբ և Գագիկ Կարապետեանի բեմադրութեամբ:Ծրագիրը շարունակւեց անցեալ մէկ տարւայ Երէցների ծրագրերի և ամսւայ հանդիպումների շարան սլայդներով.որոնք պատրաստւել էին Հանրային կապի գրասենեակում:
Բեմ հրաւիրւեց կազմակերպութեան կենտրոնական վարչութեան նախագահ՝ ընկ.Գէորգ Վարդանը օրւայ առիթով արտայայտւելու:
Ծրագիրը շարունակւեց խրախճանքով : Պարոնայք՝Հարմիկի և Փաթրիկի նւագակցութեամբ շարունակւեց ծրագիրը:
Ընկ.Թորգոմ Յակոբեանը ըստ հայկական աւանդական սովորութեան հանդէս եկաւ որպէս թամադա:
Ընկ.Յարութ Նազարեանը ծրագիրը ճոխացրեց մի քանի երգերով :
Ընթրիքից յետոյ կատարւեց կարկանդակի արարողութիւնը:
Արհեստից բաժանմունքը կազմակերպել էր գեղեցիկ կրպակ ուր սրահի անկիւնում հիւրերին հիւրասիրում էր թէյով:
Ծրագրին ներկայ էին շուրջ 200 ընկերներ:Ներկայ էին կենտրոնական վարչութեան ընկերները,քույր միութիւնների ներկայացուցիչները,Կենտրոնատեղի վարիչ մարմինը և Հանրութեան հետ կապի ընկերները:
Ծրագիրը ամփոփւեց միասնական նկարով:
Հարկ է նշել որ օրւայ հաղորդաւվարն էր միութեան փոխնախագահ՝ընկ.Արմինէ Գրիգորեանը:
Թւականիս 13 նոյեմբերին տեղի ունեցաւ Սկաուտական միութեան կրտսերների հատւածի ֆիզիքական աշխատանքը: Աստիճանաւորական կազմը սկաուտական կամուրջ պատրաստեց, որը անհատների խանդավառութեան պատճառ հանդիսացաւ:
Թւով 55 սկաուտներ անցան սկաուտական կամրջից: Աշխատանքի նպատակն էր զարգացնել կրտսերների ֆիզիքական կարողութիւնները, որը նաեւ նրանց մտերմութեան եւ յարաբերութիւնների սերտացման առիթ դարձաւ:
Թւականիս 4 դեկտեմբերի առաւօտեան Հ. Մ. Արարատ Կազմակերպութեան Սկաուտական միութեան կրտսերների հատւածը այցելութիւն է կատարել Սուրբ Սարգիս եկեղեցի եւ ներկայ գտնւել Ս. պատարագին նաեւ ստացել Ս. հաղորդութիւն:
Թեմիս առաջնորդ Գերշ. Տ. Սեպուհ Ս. Արք. Սարգսեան, ուրբաթ օրւայ իր քարոզի մէջ, ջերմօրէն ողջունել է սկաուտների ներկայութիւնը և գնահատել պատասխանատուներին:
Պատարագից յետոյ Սրբազան հայրը Առաջնորդարանի դահլիճ հրաւիրեց սկաուտներին և ուրախութիւն յայտնեց նրանց եկեղեցի եւ Ազգային Առաջնորդարան գտնւելու առիթով, ասելով որ՝ ինքն էլ ժամանակին սկաուտ է եղել եւ շատ բան է սովորել սկաուտական կեանքից. ապա Սրբազանը բոլորին մէկական «Աստւածաշունչը Ամենափոքրիկներին» գրքից եւ Յիսուսի կեանքից DVD նւիրեց:
Սրբազան հօր հայրական օրհնանքից յետոյ սկաուտները վերադարձան մարզաւան:
Մանկա-պատանեկան բասկետբոլ
Թեհրանի նահանգային մրցաշարում փայլուն են հանդէս եկել՝ Հ. Մ. «Արարատ» կազմակերպութեան մանկա-պատանեկան եւ մինիբասկետբոլի թիմերը:
«Արարատ»-ի պատանի բասկետբոլիստները 11 խաղում տարել են 9 յաղթանակ ու պարտւել միայն երկու խաղում: Նրանց յաջողւել է 37 թիմի միջից նւաճել կիսաեզրափակչի ուղեգիր՝ յայտնւելով Թեհրան նահանգի չորս ուժեղագոյն թիմերի շարքում:
Իսկ «Արարատ»-ի մինիբասկետբոլիստները եւս գրանցել են նմանատիպ արդիւնք:
Անցկացրած 12 խաղում տանելով 12 անընդմէջ յաղթանակ, նրանք եւս յայտնւել են 46 թիմի միջից չորս ուժեղագոյնների թւում՝ նւաճելով կիսաեզրափակչի ուղեգիր: