Հանդիպման սկզբին Երէցների միութեան նախագահ ընկ. Հարմիկ Զովելեանը հրաւիրեց ներկաներին մէկ րոպէ ոտնկայս լռութեամբ յարգեն նորոգ հանգուցեալ ընկ. Պարգև Եդգարեանի յիշատակը: Այնուհետև ողջունելով հիւրերին ներկայացրեց օրւայ բանախօս՝ ընկ. Անահիտ Գրիգորեանին ընթերցելով նրա կենսագրական գծերն ու գործունէութիւնը: Բանախօսի նիւթն էր «Առողջ սննդակարգ»-ը տարւայ որպէս կարգախօս՝ از مزرعه تا سفره:Ներկաները նիւթը հետևում էին էկռանի վրայ: Ընկ. Գրիգորեանը վերջում պատասխանեց հարցերին և բրուշուրներ բաժանեց:
Ինչպէս միշտ տօնւեց ամսւայ տարեդարձները:
Երկուշաբթի Սեպտեմբերի 7-ի առաւօտեան ժամը 11:00-ին Իրանի 47-րդ Համահայկական խաղերի ջահը օրհնւեց և բոցավառւեց Ս. Սարգիս եկեղեցում Տէր Մակար Սրբազան Աշգարեանի ձեռամբ, այնուհետև ջահը տեղափոխւեց «Արարատ» մարզաւան և տեղադրւեց Ս. Խաչ մատուռում մինչև Համահայկականի բացման հանդիսութեան օրը , որը ջահակիր ընկեր՝ Մարտիկ Սեֆեանի միջոցով կը բոցավառւի դաշտում:
Իւրաքանչիւր տարւայ նման, այս տարի եւս Հ.Մ.Ա.Կ.-ի Մարզական միութեան վարչութեան կողմից կեանքի կոչւեց Համահայկական խաղերի կազմակերպիչ յանձնախումբ, սոյն յանձնախումբը իր աշխատանքները աւելի սահուն կատարելու համար խորհրդակցական հանդիպում կազմակերպեց համայնքի միութիւնների ներկայացուցիչների հետ, տեղեկութիւններ փոխանցելու, ընդհանուր եւ մարզական կանոնագրութիւններից նաեւ մասնակցող միութիւններին լսելու համար: