Արենուշներերի հատւածի թիւ 2 խմբի ապրիլի 7ի աշխատանքը սկսւեց հաւկիթ ներկելով Ձատկւայ տօնի առիթով, ապա հաւկիթ խաղալ և նախաճաշել։
Աշխատանքը շարունակւեց Ֆորուդով, (فرود) որի դասատուն էր Դ.Խ Մհեր Աբդալեանը։

Հ.Մ.Ա.Կ. ի Սկաուտական միութեան Մասնագիտական գիտելիքների որակաւորման նշաններից արժանացել են՝«Աստղագիտութիւն» բաժնի մասնագիտական մակարդակի Գիտութիւնների թեկնածու խմբապետ, ժամանակի Սկաուտապետ՝ Դոկտոր Շանթ Բաղրամեանը, և «Կապ» բաժնի մասնագիտական մակարդակին, դեր խմբապետ, ժամանակի Արիների հատւածի պատասխանատուի օգնական՝ ընկ․ Արգին Օհանեանը ։
Սոյն անձիք նշանակւել են որպէս պատւոյ նշանակիրներ և այս ճիւղերի մասնագիտական քննութեան դատաւոր տիտղոսակիր։

Թւականիս մարտի 21-ին Թեհրանի Հ.Մ.Ա.Կ-ի Սկաուտական միութեան սկաուտապետ խմբապետ Արգին Պօղոսեանը, գերագոյն կազմի անդամներ Խմբապետ Անի Զաքարեանը , խմբապետ Ամասիա Ղարիբեանը և Դէր խմբապետ Մհեր Աբդալեանը հանդիպում ունեցան Նոր Ջուղայի Սկաուտականի նախագահի և կազմի հետ Սպահանի Նոր Ջուղայում։
Հանդիպման ընթացքում խօսւեց ապագայ աշխատանքների մասին , փոխյարաբերութիւնները աւելի ամրացնելու նպատակով և միասնական աշխատանքները աւելի եռանդով շարունակւելու առթիւ։
Գնահատւեց Նոր ջուղայի և Հ.Մ.Ա.Կ-ի Սկաուտական միութեան յարաբերութիւնը, որը սկսւել է ամռանը Արարատ Կազմակերպութեան Սկաուտական միութեան ընդհանուր համագաղութային բանակումից։
Մարտի 25-ին գերագոյն կազմի անդամները այցելեցին Շիրազի Սուրբ Մարիամ եկեղեցի։
Տեսնելով և լսելով ծանօթացան եկեղեցու պատմութեանը։
Կազմը Շիրազի «Հայ տուն»-ում ,ականատես եղաւ հայ տուն-ի հնարաւորութիւններին, Նաև քննարկելով իրավիճակը, ապագայ աշխատանքների և բանակումների համար կազմը նկատի կունենայ Շիրազի մասնաճիւղը։

Ուրբաթ, մարտի 17-ին Արենուշների հատւածի թիւ 4 խումբը արշաւ ունեցաւ։
Քայլագնացութիւնից յետոյ սկաուտները կրակ վառեցին և կրակը օգտւեցին նախաճաշ պատրաստելու համար այնուհետև անհատները նախնական օգնութիւնների դասարան ունեցան։

մարտի 16-ին Արենուշների հատւածի թիւ 4 խումբը մարզաւանում ունեցաւ հաճելի Գիշերային աշխատանք։
Սկաուտները Գիշերայինը սկսեցին թուփ արաբի խաղով, յետոյ խումբը ունեցաւ գետնային ֆիզիքական դասարան և սկաուտները գիշերայինը աւարտեցին դասարանով, որի դասատուն էր՝ առաջնորդ Արինէ Մարկոսեանը նաև (به دنبال طناب)
հաճելի խաղով։

Ուրախութեամբ յայտնում ենք, որ ՀՄԱԿ-ի Մարզական միութեան՝ թւով 35 ընկերներ՝ բասկետբոլ  և սեղանի թենիս մարզաճիւղերից, այսօր մարտի 20-ի առաւօտեան, ժամը 1։00-ին մեկնեցին Նոր Ջուղա մասնակցելու 35-րդ Գարնանային խաղերին։
Մարզիկներին ճանապարհելու էր եկել՝ Կենտրոնական վարչութեան փոխ նախագահ ընկեր Արա Գալստեանը, ով բարի մաղթանքներով ողջունեց սոյն սիրւած  խաղերի մասնակիցներին։

Ներկայ էր Մարզական միութեան նախագահ ընկեր Արբի Սարգսեանը, ով արդեն միացել է խմբին ու ներկայ է լինելու հանդիսաւոր բացման արարողութեանն ու մրցումներին։
Նշենք որ խմբերի ընդհանուր պատասխանատուն է ընկեր Արթին Հաթամզադէն։
խաղերին նաև  իր մասնակցութիւնն է բերել ՀՄԱԿ-ի Ուրմիայի մասնաճիւղը։
Յաջողութիւն ենք մաղթում  մարզիկներին  ցանկանում ենք ընկերական մթնոլորտում ուրախ օրերի բարի վայելում։

Չորեքշաբթի, 8 մարտի 2023թ.-ին, Թեհրնաի ազգային առաջնորդարանում ատենապետութեամբ ճրտպ. Նորայր Արամեանի եւ ներկայութեամբ Հայաստանի Համահայկական խաղերի Համաշխարհային կոմիտէի Իրանի ներկայացուցիչ՝ պրն. Հենրիկ Խալոյեանի հանդիպում կայացաւ համայանքիս մարզամշակութային միութիւնների ներկայացուցիչների հետ:
Հանդիպման հիմնական օրակարգում էր Համահայկական 8-րդ ամառային խաղերը, որի բացման արարողութիւնը կը կայանայ Գիւմրիում իսկ խաղերը կանցկացւեն 2023 թւականի օգոստոսի 5-19-ը ընկած ժամանակահատւածում:
Հանդիպման սկզբին Թ.Հ.Թ. Թեմական խորհրդի ատենապետ ճրտպ. Նորայր Արամեանը անդրադառնալով Համահայկական խաղերին մասնակից լինելու կարեւորութեանը յայտնեց, որ Համահայկական խաղերը հայութեանը միաւորում եւ երիտասարդների միջեւ միասնութիւն է ձեւաւորում: Հետեւաբար, ֆինանսական բոլոր դժւարութիւններով հանդերձ, պէտք է աշխատել առանձնայատուկ ոգեւորութեամբ եւ ընդգրկուն կազմով մասնակից լինել Համահայկական խաղերին:
Հանդիպման ընթացքում պրն. Հենրիկ Խալոյեանի կողմից ընդհանուր բացատրութիւններ ներկայացւեցին Հայաստանի Համահայկական խաղերի՝ նախապատրաստական, կազմակերպչական եւ խաղերի ծրագրում ներառւած մարզաձեւերի կապակցութեամբ: Պրն. Խալոյեանը նաեւ յայտնեց, որ Հայաստանի Համաշխարհային Համահայկական խաղերի մարզախմբերի մասնակցութեան կանոնագրութեան 2-րդ գլխի համաձայն Թեմական խորհրդի կողմից կեանքի կը կոչւի Գործադիր յանձնախումբ՝ համայնքիս մարզամշակութային միութիւնների ներկայացուցիչների մասնակցութեամբ:
Հանդիպման աւարտին ճրտպ. Նորայր Արամեանը գնահատեց համայնքում աշխատող բոլոր միութիւնների գործունէութիւնը եւ յաջողութիւն մաղթեց ապագայ աշխատանքներում:

23 փետրւարի 2023թ.-ին Հ.Մ.«Արարատ»Կ.-ի Մարզական միութեան նախաձեռնութեամբ՝ տեղի ունեցաւ Մինի բասկետբոլ մարզաձևի երկսեռ փառատօնը:
Փառատօնին մասնակցում էին 9 խմբեր,խմբերից 3-ը Արարատ Կազմակերպութեան Մարզական միութեան մինի բասկետբոլի մարզիկներն էին իսկ հրաւիրւած 6 բասկետբոլի ակադեմիաներն էին՝
Միհան
Շահին թաբ
Համեռս
Բարան
Ջամշիդի
Քալէ
Բոլոր խմբերը պարբերաբար ընկերական մրցումներ անցկացրին։
Փառատօնի աւարտին Մարզական միութեան վարչութեան անդամներ՝ ընկերներ Արբի Սարգսեանի և Արթին Մինասեանի և վետերան ընկերներ՝ Մելիք Սարգսեանի ու Գևիկ Աւասափեանի միջոցով մարզիկներին յանձնւեց գնահատագիր ու մեդալ: Բոլոր մարզիկները բարձր տրամադրութեամբ թողեցին մարզաւանը նպատակ ունենալով պատրաստւելու ապագայ մրցումների համար:
Նշելի է, որ սոյն մրցումների կազմակերպչական և իրաւարարական աշխատանքներում իրենց սիրայօժար օժանդակութիւնն են ունեցել Արարատի տղայոց բասկետբոլի ընկերները։

Ուրբաթ, մարտի 10֊ին տեղի ունեցաւ ROBOLAND ժայռամագլցման մրցոյթը։
Հ.Մ.Արարատ Կ.֊ից, պատանեկան D տարիքային բաժնում, մասնակցում էր Մելանի Ծատուրեանը։
Նշւած տարիքային բաժնում մասնակցել էին 11 հոգի, Թեհրանից ու Իրանի այլ նահանգներից, որտեղ Մելանին գրաւեց 7֊րդ տեղը և անցաւ եզրափակիչ փուլ։
Մրցոյթում ներկայ էր Արարատի մարզիչ՝ տկն Զահրա ֆարաջին և խմբի պատասխանատու՝ ընկեր Արա Ջահանեանը։
Հարկ է նշել, որ սոյն մրցումները Մելանիի համար, երկրի մակարդակում առաջին մրցումն էր։