«Շանթ» և «Շանթիկ» թատերախմբերը բեմադրեցին մանկական հեքիաթային «Կարմիր Գլխարկ» ներկայացումը

«Շանթ» և «Շանթիկ» թատերախմբերը հիմնադրւել են 1988 թ.-ին Հ.Մ.«Արարատ»Կ.-ի Արւեստից միութեան մանուկների և պատանիների մասնակցութեամբ և ի սկզբանէ ղեկավարւել է սիրւած բեմադրիչ՝ Ռուբեն Մկրտիչ Պէտրոսեանի միջոցով: Եւ այսօր երբ անցել է 25 երկար տարիներ «Շանթ» և «Շանթիկ» թատերախմբերի ստեղծման թւականից, մի քանի տասնեակ բեմադրութիւնների շնորհիւ կարողացել է այս երկար ու ձիգ տարիների ընթացքում ձեռք բերել բազմաթիւ յաջողութիւններ և ուսուցանել ու ծանօթացնել հայկական մշակոյթն ու թատերական արւեստը համայնքիս պատանիներին ու երիտասարդ սերնդին: Այս տարի թատերախմբերի 25-ամեայ յոբելենականը համընկնում է Կազմակերպութեան 70-ամեակին:

Հ.Մ.«Արարատ»Կ.-ի Արւեստից միութեան նախաձեռնութեամբ երէկ Նոյ.-ի 12-ին երեկոյեան ժամը 19:30-ին Հ.Մ.Ա.Կ.-ի Կենտրոնատեղի-ի «Կոմիտաս» սրահում տեղի ունեցաւ սոյն թատերախմբերի ներկայացումը անւանի բանաստեղծ Յ.Թումանեանի միջոցով թարգմանւած ժողովրդական «Կարմիր Գլխարկ» հեքիաթը:

Ծրագրին ներկայ էին մեծ թւով մանուկներ և պատանիներ ինչուչէ նաև «Ակունք» կենտրոնի սաները:

Բացման խօսքով հանդէս եկաւ «Շանթ» երիտասարդական թատերախմբի անդամ Էրւին Գալստեանը: Նա Հ.Մ.«Արարատ»Կ.-ի Արւեստից միութեան վարչութեան անունից խորին շնորհակալութիւն յայտնեց յարգելի ընկ. Ռուբէն Մ. Պետրոսեանին, որ այս տարիների ընթացքում շարունակ անշահախնդիր և անձուրաց ղեկավարում է «Շանթ» և «Շանթիկ» թատերախմբերը և ծնողներին ու բոլոր նրանց ովքեր ոչ մի ճիգ ու ջանք չեն խնայում սոյն խմբերը կանգուն պահելու համար:

Այնուհետև օրւայ հաղորդավարներից Ալենուշ Իսաղոլեանը կարևորեց հեքիաթների դերը մանուկների ու պատանիների հոգեկան աշխարհի զարգացման մէջ և իր խօսքը ուղղելով ծնողներին խնդրեց, որ իրենց քաջալերանքով պատճառ դառնան երեխաները, ծանօթանան մեր հայ մշակոյթին ու գրականութեանը, ինչը կը նպաստի մեր ազգութեան և ինքնութեան պահպանմանը:

Աւանդական «Կարմիր գլխարկ» թատերգութիւնը բաղկացած էր չորս բաժնից: Համապատասխան տեսարանի ներկայացման համար բեմում տեղադրւում էր գեղեցիկ ու գունաւոր մանկական երանգներով  պատկերներ, ինչը բարձր խանդավառութիւն էր առաջացնում ներկայ կրտսեր հանդիսատեսի մօտ:

Հարկ է նշել, որ ծրագրի ընթացքում օրւայ հաղորդավարներ Յովիկ և Ալենուշ Իսաղոլեանները բեմ դուրս գալով յորդորանքներով ու խրատներով գունաւորում էին բեմը:

Ծրագրի աւարտին հանդիսատեսի բուռն ծափողջոյնների ներկքոյ գնահատւեցին դերասանները, Բեմադրիչ՝ Ռուբէն Մ. Պետրոսեանը, «Շանթ» երիտասարդական թատերախմբի անդամները, բեմի ձևաւորման բեմայարդարման և դիմայարդարման աշխատակազմը:

Մանուկները խանդավառութեամբ և ծնողները բարձր գոհունակութեամբ թողեցին սրահը:

«Կարմիր Գլխարկ» թատերական ներկայացումը բեմադրւելու է նաև Նոյեմբերի 13-ին և 14-ին: 

Դերերում էին՝

Լուսինէ Յովհաննիսեանը՝ Տատիկ

Արւին Բոնեադեան՝ Գայլ

Սելին Ղևոնդեան՝ Կարմիր գլխարկ

Նազելի Շիրւանեան՝ Մայր

Էդւին Սէթխանեան՝ Միքի

Հայբերդ Շիրւանեան՝ Անդրէ

Թենի Աւագեան՝ Հարևանուհի

Քևին Օրդուբէգեան՝ Ալէքս

Ալեքսանդր Աւանէսեան և Քրիստ Փիրջանեան՝ Միշել

Սէրլի Ղևոնդեան՝ Լիլիաննա

Էդւին Մարտիրոսեան՝ Հիւր

Արմէն Իսաղոլեան և Վարուժան Ֆարհադեան՝ Որսորդներ

Հ.Մ.«Արարատ»Կ.

  Հ.Մ.Ա.Կ.-ի մարզական միութեան անդամ, լեռնագնաց՝ Ալֆրէդ Կարապետեանը 2014 թւականի սեպտեմբերի 16-ին բարձրացաւ «Քիլիմանջառօ» գագաթը՝ 5895 մ., որ Աֆրիկայ ցամաքամասի ամենա բարձր կէտն է:

  Ալֆրէդ Կարապետեանը գագաթին տեղադրեց հայոց ցեղասպանութեան 100-ամեակի առիթով պաստառ, եռագոյն դրօշ և Հ.Մ.«Արարատ»Կ.-ի հիմնադրման ու գործունեութեան 70-ամեակի առիթով հուշադրօշ:

   Նա այս նւաճումը մւիրել է 1915 թւականի ցեղասպանութեան նահատակների ընտանիքներին:

   Մանրամասնութիւնը շուտով

«Արարատ»՝ 70 - «Մանիզան»՝ 66

«Ալիք» - Ուրբաթ, հոկտ. 31-ին, «Արարատ»-ի բասկետբոլիստ տղաներին յաջողւեց Իրանի Ա կարգի լիգայի մրցաշարում առաւելութեան հասնել Քերմանշահի «Մանիզան» թիմի նկատմամբ:
Խաղն աւարտւել է 70-66 հաշւով՝ յօգուտ արարատցիների:

Հ.Մ.«Արարատ»Կ.

Հ.Մ.Ա.Կ.-ի «Արարատ» ֆուտբոլի խմբի յաղթանակը

«Արարատ»՝ 4 – «ՇահինԷքրամի»՝ 0

      Հոկտեմբերի 31-ին «Արարատ»-ը Թեհրանի ֆուտբոլի Ա կարգի լիգայի մրցութիւնների ընթացքում 4-0 հաշւով յաղթեց «<ՇահինԷքրամի» թիմին :

25-րդ րոպէ՝ Մոնթէ Աբրահամեան

55-րդ րոպէ՝ Արին Արագոլի

70 և 77-րդ րոպէ՝ Արին Աւանեսեան

Շնորհաւորում ենք մեր Մարզիկներին

Պիտի տեղեկացնենք, որ յաջորդ մրցութիւնը տեղի է ունենալու նոյեմբերի 14-ին «Հադաֆ» թիմի դեմ ժամը 14:00-ին Մարզաւանում:

Հ.Մ.«Արարատ»Կ.

        Կիրակի նոյ. 26-ին Վաչիկ Ղարաբէգեան սրահում մարզաւանի Վարիչ մարմնի հրաւերով տեղի ունեցաւ միութիւնների, մարմինների և յանձնախմբերի վարչականների և պաշտօնեաների հանդիպում-ընթրիք երեկոյն:

            Երեկոյի ընթացքին երախտագիտութեան և շնորհակալական խօսքեր արտահայտեցին ընկ. Նորիկ Մանասերեանը՝ մարզաւանի Վարիչ մարմնի նախագահ, ընկ. Ալէքս Կարապետեանը՝ Կենտրոնական վարչութեան անդամ և Վարիչ մարմնի կապ, պրն. Լևոն Առաքելեանը՝ մարզաւանի երեկոյեան վարիչ, ընկ. Արբի Զոհրաբեանը՝ մարզաւանի ընդհանուր վարիչը:

            Ընթրիքի ընթացքին հնչեցին երգեր ու երեկոյն շարունակւեց ընկերական ու ջերմ մթնոլորդում:

Հ.Մ.«Արարատ»Կ.

Մեներգչուհի Աննա Մայիլեանի համերգը «Կոմիտաս» սրահում

        Սոյն թւականի Հոկտեմբերի 24-ին Հ.Մ.«Արարատ».Կ.-ի կենտրոնատեղիի «Կոմիտաս» սրահում տեղի ունեցաւ Հ.Հ. վաստակաւոր արտիստուհի, Հայաստանի Կոմիտասի անւան երաժշտանոցի վոկալ ամբիոնի դասական երգի դասախօս, Հ.Հ. մշակոյթի նախարարութեան և սփիւռքի նախարարութեան մեդալակիր, բազմաթիւ միջազգային մրցանակների դափնէկիր՝ Աննա Մայիլեանի Ելոյթը: Երգչուհուն ընկերակցում էր դաշնակահարուհի Էլէն կիրակոսեանը:

            Ելոյթի երգացանկը կազմւած էր Իրանահայ կոմպոզիտորներ՝ Նիկոլ Գալանդարեանի, Համբարձում Գրիգորեանի և Վարուժ Պարթևի ստեղծագործութիւններից: Ձեռնարկը նւիրւած էր Հ.Մ.«Արարատ».Կ.-ի հիմնադրութեան և գործունէութեան 70-ամեակին և ցեղասպանութեան 100-րդ տարելիցին:

            Երգչուհու անզուգական կատարումները մեծ յաճոյք  և բաւարարութիւն պատճառեց ներկաներին:

Հ.Մ.«Արարատ»Կ.

     Վերջերս Հ.Մ.Ա.Կ.-ը նախաձեռնել է լեռնագնացութիւն Թոչալի բարձունքներ: Կազմակերպութեան 70-ամեակի առիթով կազմակերպւած մէկօրեայ արշաւի հետաքրքիր նախաձեռնութիւնն էր յանձնախմբի կողմից տարածքը աղբահանել: Պէտք է գնահատանքի խօսք ասել կազմակերպիչ յանձնախմբին, ինչպէս Արա Ջահանեանին եւ ուրիշներին նման հանրօգուտ, հաճելի եւ մտերմիկ զբօսանք նախաձեռնելու համար:

Ա. ԱԲՐԱՀԱՄԵԱՆ

        Թւականիս Հոկ. 16 և 17-ին Հ.Մ.«Արարատ».Կ.-ի Արւեստից միութեան նախաձեռնութեամբ Կազմկաերպութեան «Նոբահար» կենտրոնատեղի-ի «Կոմիտաս » սրահում տեղի ուեեցաւ «Մշակոյթի օր»-ւայ առիթով մանուկներին նւիրւած ձեռնարկներ:

Հինգշաբթի Հոկ. 16-ի ելոյթը կատարւեց Հ.Մ.Ա.Կ.-ի Արւեստից միութեան «Արւեստի Դպրոց»-ի սաների միջոցով: Ծրագրի առաջին բաժնում դպրոցի պարախմբի սաները ներկայացրեցին 5 պար: Երկրորդ բաժնում դպրոցի թատերական բաժնի սաները Պարոյր Սևակի «Իմ ընկերները» մանկական գրքոյկից  ներկայացրեցին յատւածներ, իսկ վերջին բաժնում երգչախումբը  կատարեց 5 խմբերգային կատարում:

            Ուրբաթ Հոկ. 17-ին Ծրագրին մասնակցում էին Կրթական խորհրդի ասմունքի և նւագարանների  փառատօնների լաւագոյն մասնակիցները և Կրթական խորհրդի «Նոր Ձայներ» երգչախումբը տկն. Արփի Սիմրոջեանի ղեկավարութեամբ:

Իսկ 2 օրերի ամենահետաքրքիր բաժիններից էր նաև բակում կազմակերպւած նկարչութեան, խեցեգործութեան և տիկնիկների պատրաստման կրպակները :

Հ.Մ.«Արարատ»Կ.