Երէցների միութեան ԳՐԱԿԱՆ ՇՐՋԱՆԱԿԻ 2019-ի առաջին հանդիպումը տեղի ունեցաւ շաբաթ, յունւ. 26-ին։ Օրւայ նիւթն էր Վիլիամ Սարոյեանի գրականութիւնը։ Անդրադարձ եղաւ նրա պատմւածքների, անցած ուղու, քննադատների տեսակէտների եւ ստեղծագործական իւրայատկութիւնների մասին։
Յաջորդ հանդիպումը' շաբաթ, փետ. 16-ին, նիւթը'
Սիլւա Կապուտիկեան, նւիրւած բանաստեղծի ծննդեան100ամեակին։
Հ.Մ.«Արարատ»Կ.-ի Երէցների միութեան 2019-ի առաջին ամսական հանդիպումը տեղի ունեցաւ փետրւարի 4-ին, «Վ. Ղարաբէգեան » սրահում: Հրաւիրւած էր երիտասարդ երաժիշտ, համալսարանի դասախօս ու խմբավար՝ Սերժիկ Միրզայեանը: Նա «Արասբարան» մշակութային կենտրոնում (فرهنگ سرای ارسباران) կազմել է 70 հոգանոց երգչախումբ ու 50 հոգանոց նւագախումբ:
Ծանօթութեան համար, նախ ցուցադրւեցին զոյգ խմբերի կատարումներից կարճ տեսանիւթեր:
Միութեան նախագահ՝ընկեր Հարմիկ Զովէլեանը նախ բարիգալստեան խօսքից յետոյ շնորհաւորեց 22 Բահմանը Իրանի յեղափոխութեան հիմնադրման 40-ամեակը ապա ներկայացրեց խմբավար՝ Սերժիկ Միրզայեանին, ում ընկերակցում էին իր կազմած երգչախմբից 60-ի հասնող անդամներ:
Կարճ զրոյցից յետոյ, երգչախումբը կատարեց երկու պարսկերէն հայրենասիրական ու չորս հայերէն երգեր: Հայերէն երգերի երաժշտութիւնը պատկանում էր խմբավար Սերժիկին, իսկ խօսքերը՝ Ծաղկանուշ Ծատուրեանին:
Ներկաների համար միանգամայն անակնկալ էր այդ հանդիպումը՝ մի խոստումնալից երաժշտի հետ, ով շնորհիւ իր բնատուր տաղանդի ու տարիների անխոնջ աշխատանքի, հնչեցնում է հայ երգը պարսկալեզու երգիչների շուրթերից ու բարձր պահում հայ անունը:
Ծրագրի յաջորդ բաժինը յատկացւած էր ընդունելութեան եւ տարեդարձների նշմանը, որ ինչպէս միշտ հաճելի մթնոլորտ ու միմեանց հետ շփման առիթներ է ստեղծում: Միութենականների եւ հիւրերի հետ միասին, հիւրընկալւեցին նաեւ երգչախմբի բոլոր անդամները:
Հ.Մ.Ա.Կ.-ի բասկետբոլի Երեց խմբի տարեվերջի խնջոյքից պատկերներ՝
Շաբաթ, դեկ. 22-ին, «Գրական Շրջանակ»-ի 2018-ի վերջին հանդիպման նիւթը Վիլիամ Սարոյեանն էր, որը լաւագոյնս ներկայացրեց ընկեր Կարինէ Դրօրը։ Յաջորդ հապնդիպումը կը կայանայ Ամանորեայ տրամադրութեամբ յուն. 19-ին, նիւթը նոյնպէս Վ. Սարոյեանն Է լինելու։
ՅԱՋՈՂԱԿ ԸՆԿԵՐ
Ուրախութեամբ տեղեկացնում ենք ,որ Հ.Մ.Ա.Կ.-ի Մարզական և Արւեստից միութիւնների անդամ՝ Մելանի Աղանեանսը մասնակցելով «Ազադ համալսարանի» նահանգային լողի մրցումներին արժանացել է երեք ոսկէ և մէկ արծաթ մեդալի և այսպիսով իրաւունք է ստացել մասնակցելու երկրի Ախոյեանական մրցումներին:
Ուրբաթ նոյեմբերի 23-ին Հ.Մ.Ա.կ-ի Սկաուտական միութեան Արենուշների հատւածի թիւ 1 խումբը կազմակերպել էր դաշտային արշաւ անցեալի ու նոր սերնդի սկաուտների մասնակցութեամբ։
Բարձր մասնակցութեամբ և տրամադրութեամբ խումբը տօնեց իր տարեդարձը։
Պատկերներ՝
Հ.Մ.«Արարատ»Կ.-ի Երէցների միութեան նախաձեռնութեամբ ՝ «ՏԱՐԵԿԱՆ ՆՈՐՏԱՐՒԱՅ ՎԱՃԱՌՔ»-ից
Հ.Մ.«Արարատ» Կ.-ի Մարզական միութեան վարչութեան հաստատումով կեանքի կոչւեց 43-րդ Համադպրոցական խաղերի յանձնախումբը հետեւեալ անձնակազմով:
