Ուրբաթ հոկ. 12-ին Հ. Մ. «Արարատ» Կ.-ի «Սասունցի Դաւիթ» լեցուն սրահում տեղի ունեցաւ «Մանկապատանեկան Պարի Փառատօն» նւիրւած՝ Հայաստանի Անկախութեան 100- ամեակին և Մշակոյթի օրւան:
Ուրբաթ, սեպտեմբերի, 28-ին Կրտսերների հատւածի թիւ 1 խումբը հրշեջ փրկարարկների շաբաթւայ առիթով այցելեց շրջանի հրշէջկայան: Նրանք նախ եւ առաջ շնորհակալութիւն յայտնեցին կայանի աշխատակիցներին եւ փրկարարներին իրենց անձնանւէր գործունէութեան համար: Այնուհետեւ ծանօթացան հրդեհի մարման նախնական մեթոդների հետ:
Կրտսերների խմբին ուղեկցում էին նաեւ մի քանի ծնողներ: Նրանք էլ կրտսերներին ներկայացրին խուճապի ժամանակ հանգիստ մնալու կանոնները:
Նշենք որ, կայանի փրկարարները կրտսերներին ներկայացրին կենտրոնի գոյքերը եւ սարքաւորումներից օգտւելու մեթոդները:
Երեքշաբթի 18 սեպտեմբերին,տեղի ունեցաւ Կրտսեր հատւածի թիւ 1 խմբի բանակումը, -«Արաք» քաղաքում։
Կրտսերները բանակումի ժամանակ անցկացրին հիանալի ժամանց: Նրանց աշխատանքների մաս էր կազմում եւ դաստիարակչական եւ հաճոյական աշխատանքներ, այդ թւում՝ խաղեր, ազգային երգերի եւ ամենատարբեր գիտութիւնների մասին դասարաններ:
Հետաքրքիր աշխատանքներից էր հոգեբանական դասարանը, որի ժամանակ կրտսերներին սովորեցին, թէ ինչպէս հնարաւոր է թողնել իրենց վատ սովորութիւնները հէնց թղթի վրայ բերելով դրանք: Դրօշակների թեմայով դասարանն էլ կրտսերների մօտ զարգացրեց սկաուտական գիտելիքները:
Աշխատանքների մաս էր կազմում նաեւ խաղեր, որոնց ժամանակ կրտսերներն զւարճացան եւ զարգացրին իրենց խմբային մտածողութեան ունակութիւնները:
Վերջին օրը, սկաուտները մասնակցեցին խարուկահանդէսին, որի ժամանակ երգեցին եւ հրաշալի ժամանակ անցկացրին: Նոյն ժամանակ փոքրիկները ներկայացան թատրոնով, որն ի դէպ հէնց իրանք էին բեմադրել:
Նշենք որ, փոքրիկներն մասնակցելով բանակումին վաստակեցին մեծ փորձ: Այսպիսով նրանք հաստատուն քայլ արեցին սկաուտական միութեան շարքերում:
Բանակումը աւարտւեց ուրբաթ 21 սեպտեմբերին։
Սեպտեմբերի 19-ից 21-ը կայացաւ Կրտսերների թիւ 2 խմբի 2018 թ.-ի բանակումը Արարատ մարզաւանում:
Կրտսերները բանակումի ընթացքում գիտելիքներ ստացան տիեզերքի մասին դասարանների և տեսաֆիլմի միջոցով աստղագիտութեան «Մասնագիտական նշան» ստանալու նպատակով: Կրտսերները բանակումի ընթացքում նաև այցելեցին Իրանի բուսաբանական այգի և մօտիկից շփւելով բնութեան և հազւագիւտ բոյսերի հետ հիանալի ժամանակ անց կացրին: Ինչպէս միշտ մեր կողքին էին նաև կրտսեր հատւածի նախկին պատասխանատուները: Իսկ բանակումի աւարտին փոքրիկ խնջոյք ունեցան իրենց սիրելի ծնողների կողքին և որպէս բանակումի եզրափակում հրաշալի խարուկահանդէս կազմակերպեցին:
Ուրախութեամբ յայտնում ենք ,որ երկրի "Ալբորզ" նահանգի Թենիսի ախոյեանական կենտրոնի կազմակերպած մրցումներում, առաջին է հանդիսացել Հ.Մ.Ա.Կ.֊ի Մարզական Միութեան անդամ ՝ Մինէ Մարտիրոսեսնը։
Մրցումները սկսւել են սեպտեմբերի 8֊ին և աւարտւել սեպտեմբերի 13֊ին, 7 նահանգներից 24 թենիսորների մասնակցութեամբ։
Շնորհաւորում ենք սիրելի Մինէին և նորանոր վերելքներ մաղթում։
Աւարտւեց Իրանի 50-րդ Համահայկական խաղերը
Բարի գիշեր սիրելիներ
Բարի երթ մարզիկ-ուհիներ
Իրանի 51-րդ Համահայկական խաղերը առջևում է...
Ուրախութեամբ յայտնում ենք, որ 50-րդ Համահայկական խաղերի առիթով վիճակահանութեան դրւած կայծէ մոտորցիկլետի վիճակահանութիւնը տեղի ունեցաւ, ուրբաթ 7 սեպտեմբերի ժամը 22:15-ին «Սասունցի Դաւիթ» սրահում՝ «Հ.Մ.Ա.Կ.» — «Րաֆֆի» բասկետբոլի խաղի ընդմիջման ընթացքին:
Շնորհաւորում ենք շահող՝ Հրայր Աբդալեանին:
Նւէրը սրահում յանձնւեց Առնօ Աբդալեանին:
