Վառւեց Համահայկականձմեռայինառաջինխաղերի ջահը

Երեկ երեկոյեան ժամը 8:00-ին Ծաղկաձորում տեղի ունեցաւ Համահայկական ձմեռային առաջին խաղերի հանդիսաւոր բացումը:

Կազմակերպութեանս Մարզական միութեան նախաձեռնութեամբ, Դահուկավազքի խումբը՝ 13 մարզիկներով մասնակցում է սոյն խաղերին:

Մրցութիւնների կազմակերպման նպատակն է՝ համայն աշխարհից իրար շուրջ հաւաքել մարզիկ մարզուհիներին մայր հայրենիքում :

Յաջողութիւն ենք մաղթում մեր սիրելի մարզիկներին ցանկանալով յաղթանակով տուն կը վերադառնան :

Տեառնընդառաջ

2014 թւականի փետրվար 14-ին սկաուտական միութիւնը տօնեց Տեառնընդառաջը , որի ընթացքում վառեց մեծ խարոյկ և բոլորը երգեցին սկաուտական երգեր և ուրախացան:

Նաև խմբերի համար պատրաստւել էր օրւան յատուկ ուտելիքներ, օրինակ՝ փոխինդ և աղանձ: վերջում խմբերը բարձրացրին իրընց երազանքի օդապարիկները գունեղ դարձնելով երկինքը իրենց խմբային երազանքներով: Տօնը կազմակերպել  էր Արենուշների հատւածի թիւ 1 խումբը:

Թւականիս փետրւար 7-ին  Արենուշների հատւածի  թիւ 2 խումբը իր շաբաթական աշխատանքի ընթացքին ձմեռային մթնոլորտը վայելեց  ածուխի վրայ նախաճաշ պատրաստելով և սովորելով դաշտաին աշխատանքների կրակ վառելու բաժինը, օրը շարունակւեց  ձնեմարդ սարքելով, ձիւնախաղով  և 3 կարգի դասարանով իսկ  աւարտւեց լաւ յուշերով ու նոր գիտելիքներով:   

Արիների հատւածի թիւ 4 խումբը  մեկնեցին ջամշիդիէի զբօսայգին

2013 թւականի դեկտեմբեր 20-ին Արիների հատւածի թիւ 4 խումբը թւով 8 արիներով մեկնեցին ջամշիդիէի զբօսայգի: Այնտեղ անհատները պարանից օգտագործելու նոր ձևերով մագլցեցին ջամշիդիէի բարցրունքը:

Արենուշների  թիւ 1 եւ Արիների  թիւ 2 խմբերը այցելեցին Գոլեստան ամրոցը

2013 թւականի տեկտեմբեր 10-ին Արենուշների  թիւ 1 եւ Արիների  թիւ 2 խմբերը այցելեցին Գոլեստան ամրոցը պատասխանատւութեամբ Վ.Ա.Թամիկ Խաչիկեանի, Ա.Սերլի Սարդարեանի եւ Ա.Արութին Աղայեանի:

Այցելութեան նպատակն էր անհատներին ծանօթացնել պատմական վայրերի հետ:

Այս պատմական ամրոցը կառուցւել է Սեֆեանների Շահ Թահմասբի հրամանով  Ղաջար թագաորութեան ժամանակ: Ամրոցը լայնածաւալ  Ղաջարների  թագաորների նստավայրն է եղել :

Խումբը այցելեց تالار اینه  որը յայտնի է իր ներսում գտնող յայտնի նկարիչ՝ کمل ال ملک -ի ստեղծագործութեան պատճառով:

Նաեւ այցելել է تالار سلام –ը  որը ի սկզբանէ կառուցւել է ناصرالدین‌شاه ի հրամանով՝ որպէս թանգարան եւ Փահլաւի թագաւորութեան ժամանակ օգտագործւելէ կարեոր առիթները նշելու համար:

Արենուշների  Հատւածի Արենուշ թիւ 4-ի խմբակ 3 և 4-ի անհատները 2013 սեպտեմբեր 26-ին գիշերային են ունեցել Արարատ Մարզաւանում

Հայ Մշակութային Արարատ Կազմակերպութեան Սկաուտական բաժանմունքի Արենուշների  Հատւածի Արենուշ թիւ 4-ի խմբակ 3 և 4-ի անհատները 2013 սեպտեմբեր 26-ին գիշերային են ունեցել Արարատ Մարզաւանում: Գիշերային աշխատանքի ընթացկում անհատները ունեցելեն տարբեր խաղեր,գետնային ֆիզիքական և ընդհանուր գիտելիքների դասարաններ: Սոյն աշխատանքի և  խմբակների պատասխանատուներն  էին՝ Դ.Ա. Նինէլ Մանուկեան և Դ.Ա. Մեղեդի Նազարեան:

Արենուշների հատւածի թիւ 4 խմբի եռօրեայ բանակում

2013 թւականի յուլիսի 25-ին Արենուշների հատւածի թիւ 4 խումբը 20 անհատներով եռօրեայ բանակում են ունեցել «Արարատ» Մարզաւանում :

Բանակումի նպատակն էր անհատների մէջ  ստեղծել առաւել մտերմութիւն եւ բարձրացնել նրանց գիտելիքները՝ դասարանների միջոցով: Բանակումի ընթացկում նաև  կատարւել են ֆիզիկական աշխատանքներ: 

   Հ.Մ.Ա.Կ.-ի Արարատ երգչախումբը ղեկավարութեամբ Արաքս Խաչատրեանի, Իրանի 29-րդ երաժշտական «Ֆաջր» փառատօնի մրցոյթում գրաւել է երրորդ տեղը:

մանրամասնութիւնը շուտով

   Փետր. 16-ին ներկայ գտնւեցի «Վահդաթ» մշակութային համալիրի «Ռուդաքի» սրահում «Ֆաջր» երաժշտական 29-րդ միջազգային փառատօնին, որին մասնակցել էր Հ. Մ. «Արարատ» կազմակերպութեան «Արարատ» երգչախումբը: Ինչպէս միշտ, բարձրորակ էր խմբի ելոյթը եւ հաճելի հնչեղութեամբ: Մեծ հպարտութիւն ապրեցի որպէս հայ՝ տեսնելով այդ երգչախմբին՝ որպէս թեհրանահայութեան ներկայացուցիչ:

   Երգչախմբի եզրափակիչ հայրենասիրական «Իրան» երգը, որը դոկտ. Մոհամմադ Սարիրի մշակածն է, աննկարագրելի հիացմունք պատճառեց բոլոր ներկաներին եւ սրահը բուռն արձագանգեց յոտնկայս ծափահարութիւններով:
   Սրտանց շնորհաւորում եւ ողջունում ենք երգչախմբին՝ յաջողութիւն մաղթելով, յատուկ շնորհաւորանք երգչախմբի խմբավար Արաքս Խաչատրեանին, յաջողութիւն եմ մաղթում դաշնակահար Արին Աւանէսեանին՝ ողջունելով կազմակերպութեան 70-ամեակը եւ երգչախմբի 10-ամեակը, առաւել բեղուն ամեակներ մաղթելով:
   Անշուշտ, սա հաւաքական աշխատանքի արգասիքն էր, որ վայելեցինք բոլորս:
Վարձքներդ ի կատար:

Սիրով՝
ԱՐՈՒՍ ԱՒԱԳԵԱՆ