Ձեռներդ ծափ ես տալիս
Քաքուլդ թափ ես տալիս
Էսօր իմ եար չեմ տեսել
Ամէն օր խափ ես տալիս:
Ուռի ես, կռանալ մի
Մեր դռնից հեռանալ մի
Թէ Աստւածդ կը սիրես
Սիրածիդ մոռանալ մի:
Սիրած եարը քաղցր ա
Բարդի ծառը բարձր ա
Գնամ մօրից հարցնեմ
Թէ որ չտայ փախցնեմ:
Այ տղայ բաղի միջին
Ոտներդ շաղի միջին
Կանչի կանչելուդ մեռնեմ
Ես եմ քո խաղի միջին:
Խնձոր ունիմ կծածայ
Չորս կողմն էրծաթածայ
Ախպէրս ուզեց չտւի
Ասա եարի ղրկածա:
Արազը հեշտացելա
Ճամբէքը կոշտացելա
Խաբար արէք իմ նանին
Ուզողս շատացելա:
Սրտումս ցանել եմ գարի
Աստւած տայ նանաիս բարի
Ինձ տւեց ջահէլ եարի
Շուշան ու նունուֆար է իմ եարը:
Ռէհան ունիմ լէն տերև
Պաչեմ ունքերիդ վերև
Սրտիս ցաւին դեղ արա
Հէնց դու ըլիս ումր արև:
Հաց եմ թխել մշակին
Ետ եմ նստել դօշակին
Եարիս հէնց կարօտել եմ
Ոնց վարդը մանիշակին: