1954 թւականից, 70 տարի է ինչ Արենուշների հատւածի թիւ 3 խումբն իր վերելքն է ապրել  և իր աշխուժութեամբ աչքի ընկել մտային և ֆիզիքական մրցութիւններում, ու խորհրդանիշ ունենալով՝ «Բարձրացիր Բարձացրու»-ն շարունակում է իր յառաջադէմ ընթացքը։
Մենք նախքին և ներկայ սկաուտների հետ տօնեցինք 70 տարիների մեր անցած ճանապարհը։

Արենուշների հատւածի թիւ 2 խումբն ուրբաթ, յուլիսի 12-ին աշխատանքն սկսեց սարքաւորումով և գերաններով պատրաստեց սեղան որի վրայ վայելեց օրւայ սնունդը, աշխատանքի ընթացքում իրենց օժանդակեց Դ.Խ Թալին Աշուղեանը և Դ.Խ. Էմին Միրզախանեանը:
Աշխատանքը շարունակւեց միասնական սկաուտական խաղով Արիների հատւածի թիւ 1 և Արենուշների հատւածի թիւ 4 խմբերի հետ:

Սոյն թւականի յուլիսի 12-ի ժամը 10։00-ին տեղի ունեցաւ Հ․Մ․Արարաատ
Կազմակերպութեան հիմնադրութեան 80-ամեակին նւիրւած «Մանկական նկարչութեան
Փառատօն»-ը թւով 54 երեխաների մասնակցութեանբ, որոնց մաս էին կազմում Հ․Մ․Ա․Կ-ի Սկաուտական միութեան Կրտսերները։
Աշխատանքը տեղի ունեցաւ «Վաչիկ Ղարաբէգեան» սրահում։Նախ յանձնախմբի անունից ընկ․
Քաթրին Քարիմեանը ողջոյնի խօսք ուղղեց սիրելի ներկաներին։ Ապա երեխաները
յանձնախմբի և Սկաուտական միութեան Կրտսերների հատւածի պատասխանատուի և
Աստիճանաւորական կազմի ուղեկցութեամբ շրջեցին մարզաւանի շուրջ բոլորը ,
ընթացքին ընկ․ Ալենուշ Թորիկեանի միջոցով բացատրութիւն տրւեց 80-ամեայ Արարատի
պատմութիւնը մանկական լեզւով ,երեխաները մօտկից ծանօթացան Սկաուտական
մասնաբաժնի, Սուրբ Խաչ Մատուռի, Թենիսի դաշտի, ֆուտբոլի դաշտի, Սասունցի Դաւիթ
սրահի, ժայռամագլցման պատի, նախասրահում տեղադրւած մարզաւանի մանրակերտի և
գրասենեակների հետ, ապա երեխաները կրկին մուտք գործեցին «Վաչիկ Ղարաբէգեան»
սրահ նախ հիւրասիրւեցին օշարակով և խմորեղէնով այնուհետև իրենց տրամադրւեց
սպիտակ ստւարաթերթիկ, գունաւոր մատիտ, ջրաներկ, գոհաշ և սկսւեց ամենասպասւած
և հաճելի պահը աւելի քան 1։30 ժամ տևողութեամբ երեխաները իրենց
պատկերացումները թղթին յանձնեցին 80 - ամեայ «Արարատ»ից ։
Վերջում բոլորը ստացան յուշանւէրներ և գնահատագրեր ։Գնահատագրերը բաշխւեց Կենտրոնական Վարչութեան նախագահ՝ ընկ․ Սոֆի Ջաղարբէգեանի, ընկերներ Ալենուշ Թորիկեանի և Թիէդրա Զոհրաբեանի միջոցով , ծրագրին ներկայ էին 80-ամեակի հիմնադրութեան կենտրոնական յանձնախմբի փոխ նախագահ ընկ․ Լիդա Վարդանեանը և յանձնախմբի հետ կապ ընկ․ Դիանա Տէր Յովսէփեանը։
Միջոցառման ընթացքում տիրում էր աշխուժութիւն և մանկական անհոգ ու քաղցր մթնոլորտ ։
Այս գունագեղնկարչութիւնները պահպանւելու է և պատեհ առիթով ցուցադրութեան է դրւելու։

Ուրախութեամբ  յայտնում ենք, որ երկար դադարից յետոյ կազմւել է Արարատի կրտսեր-պատանեկան բասկետբոլի օրդ խումբը, մարզիչն է Նարէ Արտաշեանը,
խոումբը յառաջիկայում մասնակցելու է Թեհրանի երկրորդ կսրգի լիգայի մրցաշարին։

Ուրբաթ Յունիսի 21 ին, ՀՄԱԿ ի Երէցների միութեան վարչութեան և օժանդակ ընկերների  նախաաձեռնութեամբ տեղի ունեցաւ Սալադ Բար և ընթրիք երեկոյ նւիրւած 80 ամեակին։ ներկաները վայելեցին զով երեկոյ և 80-ականների հաճելի երաժշտութիւն։

Շաբաթ յունիսի 22-ին Հ.Մ.«Արարատ»Կ.-ի Արւեստից միութեան վարչութիւնը, Կենտրոնական Վարչութեան ընկերները, «Արարատ» պարախմբի ուսուցիչները եւ աշակերտները փորձից յետոյ հրաժեշտ տւեցին փորձավար՝ ընկեր Էլին Դանիէլեանին եւ մի յուշանւէր յանձնեցին իրեն մաղթելով բարի երթ եւ յաջողութիւն սիրելի Էլինին իր ապագայ ծրագրերում։

Հ.Մ.«Արարատ»Կ.-ի Արւեստից միութեան վարչութիւնը եւ պարի յանձնախումբը երեքշաբթի, յունիսի 18-ի երեկոյեան Արարատ մարզաւանի Ս. խաչ մատուռի շրջափակում հիւրընկալեց սիրելի պարուսոյցներին, ծնողներին եւ աշակերտներին շնորհակալութիւն յայտնելով իրենց մշտական օժանդակութեան համար։

Երեկոյի ընթացքին ծնողները տեղեկացւեցին պարի յառաջիկայ ծրագրերի մասին եւ ծափողջոյնների ներքոյ ուսուցչական կազմին յանձնւեց «Հայկական ժողովրդական պար» վերապատրաստման վարպետութեան դասընթացներին մասնակցած իրենց հաւաստագրերը։

Ներկաները առիթը պատեհ համարելով բարի երթ եւ յաջողութիւն մաղթեցին պարուսոյցի օգնական՝ ընկեր Էլին Դանիէլեանին իր ապագայ ծրագրերում։

Երեկոն աւարտւեց ուրախ մթնոլորտում եւ ներկաները դրական լիցքերով հրաժեշտ տւեցին միմեանց։

Արենուշ հատւածի թիւ 2 խումբն ուրբաթ յունիսի 14-ին  օրն սկսեց ձեռքի աշխատանք պատրաստելով և սկաուտներն աշխատանքը   շարունակեցին ջրախաղով  ու յետոյ պատրաստեցին ձմերուկի ջուր  ու վայելեցին իրենց սկաուտական առաւօտը, ապա  աշխատանքն աւարտեցին հաճելի սկաուտական խաղով:

Յունիսի 10 ին տեղի ունեցաւ Երէցների միութեան միջվարչական հանդիպումը, որտեղ նախ վարչութեան նախագահ ' ընկեր Գէորգ Թամրազեանը բովանդակալից զեկոյց ներկայացրեց։
Ապա վարչութեան նիւթականի պատասխանատու ընկեր՝ Սեդա Մելիք Վարդանեանը ներկայացրեց միութեան նիւթականի զեկոյցը։ 3 բաժանմունքները պարբերաբար ընթերցեցին իրենց բարոյական զեկոյցները և վերջում ներկաները ներկայացրին մտքեր, առաջարկներ և եղան հարց ու պատասխաններ։

ՀՄԱԿ-ի Արւեստից միութեան նախաձեռնութեամբ՝ ուրբաթ, 7 յունիսի 2024 թ.-ի երեկոյեան 7։00-ին «Արարատ» կենտրոնատեղիի «Կոմիտաս» սրահում տեղի ունեցաւ՝
ՀՄԱԿ-ի հիմնադրման 80-ամեակին նւիրւած՝
Երեկոյ Արամ Խաչատրեանի ծննդեան 120-ամեակի առիթով։

Միջոցառման Գեղարւեստական ղեկավարն էր Արփի Սիմրոջեան (Նազարեան)-ը։

Միջոցառումը յագեցած էր հետևեալ ծրագրով՝
ներկայացւեց Արամ Խաչատրեանի ամբողջական կենսագրութիւնը զանազան տեսաերիզներով,
Ներկայացւեց մի շարք ստեղծագործութիւններ,
հանդէս եկան «Արարատ» և «Տաւիղ» երգչախմբերը
Ելոյթ ունեցաւ «Արարատ» պարախմբի Անսամբլը աւագ ուսուցիչ՝ Լինեթ Սարգսեանի և Ալմարա շահմիրեանի ղեկավարութեամբ։
եղաւ դաշնամուրային կատարումներ
և Մեներգ։

«Արարատ» կենտրոնատեղիի բակում, պարախմբի կրտսեր անդամները գեղեցիկ տարազներով մինչ սրահի դռների բացումը հիւրընկալում էին ներս մտնողին, ստեղծւել էր մտերմիկ հաւաք արւեստագէտների ու արւեստասէրների միջև։
Նախասրահը զարդարւած էր Խաչատրեանի ծննդեան թւականին համապատասխան հետաքրքիր գոյքերով և էկրանով սփռւում էր կենսագրութիւնն ու կեանքից հատւածներ։

հաղորդավար ընկեր Անի Յովհաննիսեանը Արւեստից միութեան վարչութեան կողմից բացման խօսքի ընթերցմամբ մեկնարկեց երեկոն
ապա հերթաբար ներկայացրեց տեսաերիզով ցրւած բացատրականները, որոնց բոլորի հեղինակը Արամ Խաչատրեանն էր։
Սկզբում երգչախմբերը կատարեցին ՀՀ հիմներգը
ապա դաշնամուրային կատարումով ելոյթ ունեցան

Լուսիա Մուրադեանը
Սոնատինօ դօ մաժոռում

Ռենէ Ոսկանեանը
Վալս Դիմակահանդէս սուիտից (Masquerade)

Պոէմ դաշնամուրի համար
ելոյթ ունեցաւ Ալին Թաշճեանը

Տեսանիւթով ցուցադրւեց
«Լեզգինկա»-ն

Այնուհետև «Արարատ» պարախումբը ներկայացրեց՝
Այշէ, հատւածներ Գայիանէ բալետից

միւս տեսանիւթը պատկանում էր
Արամ Խաչատրեանի և Չարլի Չապլինի հետաքրքիր հանդիպմանը։

պարախումբը ներկայացրեց
«Վարդագոյն աղջիկներ»-ը,

ինքը հեղինակի ձայնով ցրւեց «Հայաստանի կարմիր գինին» երգը։

Մեներգիչ՝ Նանոր Նազարեանը գեղեցիկ հոլովակի ներքոյ Ալին Թաշճեանի դաշնամուրի ընկերակցութեամբ երգեց Խաչատրեանի
«Երջանկութեան գորգը»

Ապա «Արարատ» պարախումբը
ներկայացրեց «Սուրերով պար»-ը,

և աւարտին «Գարուն երևան»ը ներկայացւեց «Արարատ» պարախմբի և «Արարատ» ու «Տաւիղ» երգչախմբերի միջոցով։
Սրահում անդադար ծափողջիւնները վկայեցին ծրագրի յաջող ներկայացմանը
իսկ ամենավերջում էկրանի վրայ ցրւեց Արամ Խաչատրեանի Տուն թանգարանի տնօրէն Արմինէ Գրիգորեանի պատգամը օրւայ մասին, ինչը կազմակերպել էր Հանրութեան հետ կապը, որը մեծ ոգևորութիւն առաջացրեց դերակատարների ու հանդիսատեսի մօտ։
Բեմ հրաւիրւեցին՝ Նիւթերի բաժնում օժանդակող ընկեր Անահիտ Աբրահամեանը, Տեսաերիզների պատրաստող և համադրող ընկեր Կարէն Մնացականեանը, Օրւայ հաղորդավար ընկեր Անի Յովհաննիսեանը։
Դերակատարները վարչութեան կողմից ստացան ծաղկեկողովներ, բեմում ամենուր հնչում էր քաջալերանքի, շնորհաւորանքի ու գովասանքի խօսքեր։
Երեկոյին ներկայ էին Հոգևոր հայրը, ԻԻԽ Թեհրանի և հիւսիսային իրանահայութեան պատգամաւոր Արա Շահվերդեանը, Ալիք հաստատութեան ներկայացուցիչը,
Թեմի Պատգամաւորական ժողովի ներկայացուցիչը,
Քոյր միութիւնների ներկայացուցիչները,
Արարատ կազմակերպութեան Կենտրոնական վարչութեան ընկերներն ու վարչականները։