Կենտրոնական Վարչութիւն
Երեքշաբթի, 2020 թւականի դեկտեմբերի 29-ի առաւօտեան«Արարատ» մարզաւան այցելեցին Թհերանի երրորդ բաժնի քաղաքապետ դկտ.Թաւահոնը,պարոնայք՝ Թեհրանի քաղխորհրդի պետ Հոջաթ Նազարին, առաջին բաժնի երրորդ թաղամասի քաղաքապետ պրն. Միրզափուրը և քաղաքապետարանի մի խումբ պաշտօնեաներ:
Այցելուներից էր Քաղխորհրդի օժանդակող մարմնի անդամ՝ ընկեր Դարւին Աւագեանը:
Հիւրերին դիմաւորեց Կենտրոնական վարչութեան նախագահ՝ ընկեր Հարմիկ Զովելեանը. ներկայ էին Կենտրոնական վարչութեան ընկերները, վարիչը և Վարիչ մարմնի ներկայացուցիչը:
Հիւրերը շրջագայեցին մարզաւան և այցելեցին "Ս.Խաչ" մատուռը:
Կազմակերպութեան նախագահը քաղաքապետին յանձնեց կազմակերպութեան գերբ֊ յուշանւէրը և պրն. հոջաթ Նազարիին Արարատի գերբով նամականիշ։
Քաղաքապետի կողմից մարզաւանին նւիրւեց սիմւոլիք մշտադալար եղևնի:
Համեստ ընդունելութեան ընթացքին եղան մտքերի փոխանակումներ, խօսւեց ապագայ համագործակցութեան եզրերի շուրջ։ Երկու կողմերը դարձեալ հանդիպման յոյսով հրաժեշտ տւեցին միմեանց։
Ըստ նախապէս ժամադրութեան, պատկան օրակարգով, Կենտրոնական վարչութեան 19 սեպտեմբերի 2020 թ.-ի նիստին ներկայ գտնւեցին Թեհրանի «Արարատ» թաղամասի Քաղխորհրդի աջակից մարմնի անդամներ՝ Դարւին Աւագեանը և Ասպետ Նազարեանը (ընկեր Արէն Պօղոսեանը ճամբորդութեան պատճառով բացակայ էր): Ողջոյնի երկկողմ խօսքերից յետոյ, ընկեր Դարւին Աւագեանը հակիրճ զեկուցեց մարմնի ընթացիկ աշխատանքներից, որոնցից կազմակերպութեան համար արդիւնաւէտերից նկատեց «Արարատ» մարզաւանի և շրջագայ երկու աւաններին յատկացւելիք ջրի մեծ բաքի համար Թեհրանի խորհրդի հաստատած բիւդջէն, որի գործադրումով դիւրութիւններ կը ստեղծւի: Աշխատանքի վարչական գործընթացը և նամակագրութիւնները արդէն կատարւել է և վերջնական հաստատումից յետոյ կարելի է գործադրել: Ընկերը նշեց, որ սոյն առաջարկը Թեհրանի 3-րդ շրջանի առաջին բաժնի Քաղաքապետի փոփոխութեան պատճառով երկարաձգւել է և նախքին քաղաքապետի օրօք վերջնականացւած էր: Նկատի ունենալով մարզաւանի մեծ տարածքը մեր կողմից առաջարկւել է, որ տանկերը տեղադրել հէնց մարզաւանում, որը դեռ չի յստակեցւել և բանակցութիւններ է գնում տեղադրւելու յարմարագոյն վայրի առումով: Առաջարկը հաստատւելու պարագային անհրաժեշտ նկատւեց Մարզաւանի Վարիչ մարմնի միջոցով շուտափոյթ կերպով մասնագիտական ուսումնասիրութիւններ կատարել աշխատանքին ատակ անձնաւորութիւններից կազմւած կազմի միջոցով: Ողջունելի նկատւեց միւս բազմաթիւ առաջարկներով հադներձ, որոնց մէջ տեղ էին գտնում Ազգային Օլիմպիական Կոմիտէի և միւս հաստատութիւնների կողմից ներկայացւած մեծամասնաբար անաշխատունակ և անձնուրացների համար մարզանքի և տարբեր յարմարութիւնների կառուցումը, սոյն առաջարկին բիւդջէի հաստատումը:
Շաբաթ, օգոստոսի 15֊ի 2020 թ.-ին ԻԻՀ Խորհրդարանում հիւսիսային Իրանահայութեան պատգամաւոր՝ պրն.Արա Շահվերդեանը իր գրասենեակում ընդունեց Հ.Մ.Ա.Կ.-ի Կենտրոնական վարչութեան կազմին։
Այցելութեան ընթացքին խօսւեց ու խորհրդակցութիւններ եղաւ ընթացիկ և ապագայ աշխատանքների վերաբերեալ։
Պատգամաւորը ողջունելով կազմին շեշտեց Արարատ Կազմակերպութեան համայնքային դերի կարևորութիւնը և մաղթեց ազգանպաստ վերելքներ,
Նաև յայտնեց իր պատրաստակամութիւնը, հնարաւորութիւնների սահմաններում օժանդակել դժւարութիւնների հարթման ի խնդիր։
Չորեքշաբթի, 2020 թւականի օգոստոսի 12-ին, Թեհրանի քաղաքապետ պրն. Հանաչին քաղաքապետարանում ընդունեց Ի Իսլ.խորհրդարանում Թեհրանի և հիւսիսային իրանահայութեան պատգամաւոր պրն. Արա Շավերդեանին և Հ.Մ."Արարատ" Կ.-ի նախագահ ընկեր Հարմիկ Զովելեանին։
Այցի ընթացքին բացատրութիւններ է տրւել Մարզաւանին վերաբերող մի շարք հարցերի ու դժւարութիւնների վերաբերեալ նաև առօրեայ հարցերի շուրջ փոխանակւել է մտքեր ու առաջարկութիւններ։
Ուրախութեամբ տեղեկացանք, որ Հ.Մ.Ա.Կ.-ի Մարզական միութեան լող մարզաձևի անդամ Մելանի Աղանեանսը մասնակցելով միջազգային ազատարարների ֆեդերացիայի կազմակերպած ազատարարման մասնագիտական դասընթացներին ստացել է «International Pool Lifeguard»-ի վկայագիր։
Շնորհաւորում ենք սիրելի Մելանիին և մաղթում նորանոր վերելքներ։
Չորեքշաբթի 2020 թւականի մայիսի 6-ին, Հ.Մ.«Արարատ» Կազմակերպութեան Կենտրոնական վարչութեան նախաձեռնութեամբ տեղի ունեցաւ առցանց հանդիպում՝ Հ.Մ.«Սիփան» Մ., Հ.Մ.Մ.«Նայիրի» Մ., Հ.Մ.«Սարդարապատ» Մ., Հայ Ուս. «Չհարմահալ» Մ. և Իրանի Հայ Արհեստաւորների Միութեան նախագահների միջև: Հանդիպմանը թեքնիք պատճառով բացակայեց Հայ Հասարակական Միութեան (Հայ Ակումբ)-ի նախագահը:
Սոյն Հանդիպման նպատակն էր՝ նկատի ունենալով համաճարակի հետևանքով ստեղծւած սահմանափակումները, քննարկել միութիւններում տիրող իրավիճակը, ու նաև միատեղ բարդութիւնները դիմագրաւելու հաւանական տարբերակները, որտեղ նախ հպանցիկ զեկոյցներ փոխանցեցին միութիւնների նախագահները, ապա եղան մտքերի փոխանակում:
Առիթը պատեհ համարելով որոշում կայացւեց Մայիս 28-ը մեծարող Կենտրոնկան յանձնախմբին առընթեր և համադրաբար ունենալ միասնական առցանց ձեռնարկ:
2020 թ. երեքշաբթի յունւարի 21-ին «Արարատ»մարզաւանի Վարիչ մարմնի հրաւէրով կազմակերպւել էր մտերմիկ ընթրիք - երեկոյ մարզաւանի «Տնակ »ում:
Երեկոյին ներկայ էին վարչականները և պաշտօնեաները:
Ողջոյնի և գնահատանքի խօսք արտայայտեց մարզաւանի Վարիչ մարմնի նախագահ՝ ընկեր Գէորգ Ադամ Մկրտչեանը ապա հրաւիրւեց Կազմակերպութեան նախագահ՝ ընկեր Հարմիկ Զովելեանը օրւայ առիթով արտայայտւելու , ով նաև ողջունեց և գնահատեց «Արարատ»կազմակերպութեան բոլոր պաշտօնեաներին :
Ընթրիք երեկոն մտերմիկ մթնոլորտում երաժշտոթեան ներքոյ շարունակւեց մինչև ուշ գիշեր:
Իրանի իսլ.Ողեմպիկի ազգային կոմիտէի 47֊րդ ընդհանուր ժողովը կայացաւ 2020֊ի յունւարի 20֊ին Օսթադ ֆարսի դահլիճում,ներկայութեամբ՝ Մարզանքի և Երիտասարդութեան նախարար՝ դկտ.Սոլթանի ֆարի, Կոմիտէի պետ դկտ. Սալէհի Ամիրիի, ժողովի անդամների,
բոլոր ֆէդերացիաների վարիչների ու ի շարս այլ մարզակումբների ներկայացուցիչների,հրաւիրւած էր Հ.Մ.Ա.Կ.֊ի նախագահ ընկեր Հարմիկ Զովելեանը։
Այս ժողովում հիմնականում քննարկւել է 2020թ.֊ի Օլիմպիկի մասնակիցների հարցերը,տրւել են զեկուցումներ անցեալ տարեշրջանի գործունէութեան ու առաջադրանքներ յառաջիկայ աշխատանքների կապակցութեամբ։
Յունւար 8-ի 2020 թ.-ի առաւօտեան «Արարատ» մարզաւան այցելեցին Թեհրանի քաղաքապետարանի ընդհանուր պետ՝ պրն. Քազէմին, Թեհրանի երրորդ մասի քաղաքապետ՝ պրն. Սալիմին, Թեհրանի շրջանի քաղաքապետ՝ պրն. Խանալին և իրենց պատւիրակութիւնը, նոր տարւայ և Սուրբ Ծնունդի տօները շնորհաւորելու առիթով: Հիւրերին դիմաւորեցին Կենտրոնական վարչութեան նախագահ՝ Ընկեր Հարմիկ Զովելեանը և Արարատ թաղամասի քաղխորհրդի ներկայացուցիչները: Մարզաւանը շրջագայելուց յետոյ հիւրընկալւել են Կ. վարչութեան գրասենեակում, եղել են մտքերի և առաջարկութիւնների փոխանակում:
