Հրատարակութիւն

PDF

Կենտրոնական Վարչութիւն

2023թ.-ի յունիսի 12-ին, Թեմի առաջնորդ Տ. Սեպուհ արք. Սարգսեանը  Ազգային առաջնորդարանի դահլիճում ընդունեց Հ.Մ."Արարատ" Կազմակերպութեան նորընտիր Կենտրոնական վարչութեանը։
Սրբազան հայրն ողջունեց և օրհնեց կազմին  ստանձնած առաքելութիւնը յաջող  կատարելու գործում։
Կազմի նախագահ՝ ընկեր Սոֆի Ջաղարբէգեանը փոխանցեց իր շնորհակալութիւնները սրբազան հօր հովանաւորութիւնը  ունենալու համար ապա զեկուցեց Կազմակերպութեան յառաջիկայ աշխատանքներից։
Սրբազան հայրը բարձր գնահատեց Արարատ  Կազմակերպութեան  առաքելութիւնն ի մասնաւորի սերնդի հայեցի դաստիարակութեան հարցում և Կազմակերպութեան  դերը իրանահայութեան կեանքում։
Սրբազան հայրը վերելքներ և յաջողութիւններ  մաղթեց կազմին յառաջիկայ շրջանում։

 


Երէկ՝ մայիսի 26-ին, ԹՀԹ Թեմական խորհրդի կողմից կեանքի կոչւած յանձնախմբի և ՀՄԱԿ-ի Երէցների միութեան և Իրանի հայ արհեստաւորների միութեան նախաձեռնութեամբ՝ տեղի ունեցաւ
«ՏՕՆԵՐԻ ՏՕՆ ՄԱՅԻՍ 28-ի» Դաշտահանդէս միջոցառումը յագեցած գեղարւեստական ծրագրով՝ «Արարատ» երգչախմբի, «Արարատ» պարախմբի և «Մանկապատանեկան Երաժշտաթատերական խմբի» ելոյթներով։
Հիւրաբար Հայաստանից ժամանած երկու մեներգիչներ՝ Եւա Եգանեանն ու Մաւր Մկրտչեանը հանդէս եկան մենահամերգներով։
Օրւայ հաղորդավարն էր ընկեր Անի Զաքարեանը, ով բացման և օրւայ առիթով խօսքերը ընթերցեց։

Ցուցադրւեց կենտրոնական յանձնախմբի միջոցով պատրաստւած տեսաերիզը։

Միջոցառմանը ներկայ էին ԻԻԽ Թեհրանի և հիւսիսային Իրանում իրանահայութեան պատգամաւոր Արա Շահվերդեանը,
ԻԻՀ Հայաստանի Հանրապետութեան դեսպանատան անձնակազմը,
ԹՀԹ Թեմական խորհրդի ներկայացուցիչները,
Կրթական խորհրդի ներկայացուցիչը,
ՀՅԴ Բիւրոյի ներկայացուցիչը,
Ալիք հաստատութեան ներկայացուցիչը,
Քոյր միութիւնների ներկայացուցիչները,
Հայաստանի Հանրապետութեան ազգային ժողովի «Հայաստան» խմբակցութեան պատգամաւոր՝ Քրիստինէ Վարդանեան։

Վերջում ժողովրդի կողմից ինքնաբուխ միասնական պարերով աւարտւեց գեղարւեստական բաժինը։
Դաշտահանդէսում երեխաներին զբաղեցնելու բաժինը յանձն էր առել Արարատի Սկաուտական միութիւնը։
Ուրախ մթնոլորտում միջոցառումը շարունակւեց մինչև ուշ գիշեր։

 

Այսու տեղեկացնում ենք, որ Հ.Մ.Ա.Կ.-ի 30-րդ Պատգամաւորական Ժողովից ընտրւեց 47-րդ նստաշրջանի Կենտրոնական վարչութեան անձնակազմը եւ նախագահութեան հրաւէրով 20 մայիսի 2023 թ.-ին տեղի ունեցաւ նորընտիր կազմի անդրանիկ նիստը, ուր եւ կատարւեց դիւանի ընտրութիւն, ըստ հետեւեալի՝

Ընկեր Սոֆի Ջաղարբէգեան` Նախագահ
Ընկեր Արմանդ Դրոր` Փոխ Նախագահ
Ընկեր Նայիրի Յարութիւնեան` Քարտուղարութեան պատ.
Ընկեր Անի Խուրշիդեան` Նիւթականի պատ.
Ընկեր Ժանեթ Թարվերդեան՝ Խորհրդատու
Ընկեր Թալին Դարասեան` ,,
Ընկեր Հարմիկ Սարգսեան` ,,
Ընկեր Ժորժ Աղայեան՝ ,,
Ընկեր Արտոյտ Զոհրաբեան` ,,

30-րդ Պատգամաւորական ժողով
(Մայիսի 17, 2023թ․)

2023 թ.-ի մայիսի 15-ի երեկոյեան, Արարատ մարզաւանի "Վաչիկ Ղարաբէգեան" սրահում մեկնարկեց 30-րդ Պատգամաւորական ժողովի դռնբաց հանդիսաւոր բացումը։

Ներկայ էին Թեհրանի հայոց թեմի առաջնորդ Տէր Սեպուհ արք Սարգսեանը, Իրանի Իսլ խորհրդարանում Թեհրանի և հիւսիսային իրանահայութեան պատգամաւոր պրն. Արա Շահվերդեանը,
Համազգային հայ կրթական և մշակութային միութեան ատենապետ՝ ընկեր Զաքար Քէշիշեանը,
Մեծի Տանն Կիլիկիոյ կաթողիկոսութեան ազգային կենտրոնական վարչութեան քաղաքական ժողովի անդամ պրն. Յովսէփ Աւետեանը,
Ալիք հաստատութեան և օրաթերթի ներկայացուցիչները
Քոյր միութիւնների ներկայացուցիչները, Ներկայացուցչական և Բարձրագոյն ժողովներից ընտրւած պատգամաւերներն ու միութենականներ։
Սկաուտական միութեան թմբկահարների մուտքով  ու դրօշակագարդի ձեռամբ ծածանւեց Կազմակերպութեան դրօշը ապա Արարատ երգչախումբը խմբավարութեամբ Արփի Սիմրոջեանի՝ կատարեց Արարատի հիմնը և Յառաջ նահատակ երգը։
Բացման խօսքով հանդէս եկաւ Կենտրոնական վարչութեան նախագահ ընկեր Հենրիկ Խալոյեանը, որը ներկաներին հրաւիրեց  մէկ րոպէ ոտնկայս՝ յարգել շրջանի ընթացքին մեզնից  առյաւետ բաժանւած ընկերների և յանուն հայրենիքի զոհւածների յիշատակը։
Ըստ օրակարգի հրաւիրւեցին երիցագոյն և կրտսերագոյն ձայնի իրաւունքով պատգամաւորներն որպէս ժամանակաւոր դիւան, կատարելու մանդատների ստուգման կարգը։

Այնուհետև ցուցադրւեց Կազմակերպութեան երկամեայ կեանքն ու աշխատանքները ներկայացնող՝ տեսաերիզ, պատրաստւած ընկ Կարէն Մնացականեանի։
այնուհետև Նախագահ Հենրիկ Խալոյեանը ներկայացրեց 46-րդ շրջանի գործունէութեան ամփոփ զեկոյցը պատկան վիճակագրական տեսաերիզով։

Արտայայտւեցին
պատգամաւոր պրն. Արա Շահվերդեանը,
Ալիք օրաթերթի գլխաւոր խմբագիր պրն. Արամ Շահնազարեանը,
Համազգայինի ատենապետ՝ ընկեր Զաքար Քէշիշեանը, որի աւարտին երկուստեք փոխանակւեցին Կենտրոնի և Կազմակերպութեան գերբերի պատկերով յուշանւէրներ։

Աւարտին հայրական օրհնանքով նիստը ամփոփեց Սրբազան հայրը։
Արտայայտւողներն իրենց  խօսքերում դրւատանքով դիմեցին շրջանաւարտ Կենտրոնական  վարչութեանը լայնածաւալ ազգանպաստ գործունէութեան համար։

Աւարտւելով նիստը տեղի ունեցաւ համեստ հիւրընկալութիւն
մտերմիկ մթնոլորտում։

30-րդ Պատգամաւորական ժողովի անդրանիկ նիստը տեղի է ունենալու այսօր՝ երեքշաբթի մայիսի 16-ին։

Մայիսի 8-ին «Արարատ» մարզաւան են այցելել Թեհրանի քաղխորհրդի հասարակական եւ մշակութային յանձնաժողովի ղեկավար դոկտ. Նարգէս Մադանիփուրը, Թեհրանի քաղաքապետարանի 3-րդ շրջանի մշակութային հասարակական հարցերով տեղակալ Մահմուդ Աֆրախթէն եւ ուղեկցող պատւիրակութիւնը:
Պետական պաշտօնեաներին հիւրընկալել են Հ.Մ. «Արարատ» Կազմակերպութեան Կենտրոնական վարչութեան նախագահ ընկ. Հենրիկ Խալոյեանը, փոխնախագահ ընկ. Արա Գալստեանը եւ Կենտրոնական վարչութեան անդամ ընկ. Հարմիկ Սարգսեանը, որոնք Թեհրանի քաղխորհրդի եւ քաղաքապետարանի ներկայացուցիչներին ծանօթացրել են մարզաւանի հնարաւորութիւններին, մասնաւորապէս՝ վերանորոգման եւ վերակառուցման անհրաժեշտութեան բաժիններին, ինչպէս նաեւ կազմակերպութեան դժւարութիւններին, պահպանման խնդիրներին:
Այցելելով Ս. Խաչ Մատուռ կազմակերպութեան կենտրոնական վարչութեան անդամները հիւրերին ներկայացրել են մատուռի նախագծման պատմութիւնը եւ Ռոստոմ Ոսկանեանի աւանդի մասին տւեալներ: Այնուհետեւ, այցելել են Խաժակ Արզումանեան ցուցասրահ, եւ Նորայր Պահլաւունիի անւան արխիւային գրասենեակ, որտեղ նրանց ընդունել է ընկ. Արա Ծատուրեանը՝ ներկայացնելով կազմակերպութեան բազմաբովանդակ արխիւային նիւթերը:
Այցելութեան աւարտին պետական պաշտօնեաները հիւընկալւել են, որից յետոյ նրանց նւիրւել է յուշանւէրներ:

2023 թւականի ուրբաթ, մայիսի 5-ի առաւօտեան Հայ Մշակութային Արարատ Կազմակերպութեան Կենտրոնական վարչութեան հրաւէրով Արարատ մարզաւանի Տնակում կազմակերպւել էր համեստ հիւրընկալութիւն Արարատի նւիրատու- բարերարների պատւին, ովքեր մէկ շաբաթւայ ընթացքին կազմակերպւած նւիրահաւաքին իրենց լուման ներդրեցին և իհարկէ դեռ շարունակում են մասնակցել բոլորիս երկրորդ ընտանիք՝ Արարատին՝ թև ու թիկունք լինելու մեծ գործին։
Սկզբում ցուցադրւեց շրջանի գործունէութեան տեսաերիզը, որը պարունակում էր բոլոր միութիւնների, մարմինների և մասնաճիւղերի աշխատանքներն, այնուհետև
Բազման խօսքը ընթերցեց Կենտրոնական վարչութեան անդամ ընկեր Սիւնէ Ֆարմանեանը։
Ապա Կենտրոնական Վարչութեան նախագահ՝ ընկեր Հենրիկ Խալոյեանը էկրանի վրայ ցուցադրւող վիճակագրական տեսաերիզին համահունչ, հանգամանօրէն զեկուցեց "Արարատ" կազմակերպութեան 46-րդ նստաշրջանի նիւթական գործունէութիւնը։
Ընթացքին նւիրատւութեանը  յատկացւած  սեղանին էին մօտենում ևս նւիրատուներ։
Սրահի անկիւնում ի ցոյց էր դրւած շրջանի ընթացքին հրատարակւած ու տպագրւածները, գաւաթներն ու յուշանւէրները։
Վերջում տեղի ունեցաւ վիճակահանութիւն, խորհրդանշական՝ կրծքին փակցւող Արարատի երկու ոսկէ գերբերի, որոնք յանձնւեցին շահողներին։
Ջերմ մթնոլորտում անցաւ ցերեկոյթը ու մի անգամ ևս հնչեց՝
-"Երախտապարտ ենք, որ ձեր սէրը և ազգային ու հաւաքական կեանքին նւիրաբերելու բերկրանքը, որպէս կեանքի նուրբ արւեստ և Արարատի մեծ ընտանիքի մի մասնիկ՝ կիսում էք մեզ հետ, որը մեզ համար հպարտանք է և միաժամանակ պարտաւորեցնող։
Միջոցառումը աւարտւելուց յետոյ ներկաները միասնաբար շրջայց կատարեցին մարզաւանում տեղի ունեցող զանազան բաժիններ ընդորում շինարարական ենթակայ վայրեր։

Կիրակի, ապրիլի 30-ի առաւօտեան ՀՀ Համահայկական խաղերի Օլիմպիական կոմիտէում Իրանի ներկայացուցիչ, Կազմակերպութեան Կենտրոնական վարչութեան նախագահ Հենրիկ Խալոյեանը Հայաստանի Համահայկական խաղերի Համաշխարհային կոմիտէի նախագահ Իշխան Զաքարեանը, գործկոմի անդամ Վրէժ Շարոյանն (Սիրիայի ներկայացուցիչ) կոմիտէի լրատւական ծառայութեան ղեկավար Աննա Վարդանեանն այցելել են Իրանի Օլիմպիական կոմիտէ եւ հանդիպել նոյն կոմիտէի ղեկավարի առաջին տեղակալ դոկտ. Մահին Ֆարհադիզադէին:

Հանդիպման ընթացքում քննարկւել է համագործակցութիւնների ընդլայնման ուղիները, ինչպէս նաեւ մարզական կապերի խորացմանն առնչւող հարցեր:

Ապրիլի՝ 30-ին Համահայկական խաղերի համաշխարհային կոմիտէի պատւիրակութիւնն, որոնք այս օրերին գտնւում են Թեհրանում՝ կոմիտէի Իրանի ներկայացուցիչ եւ Հ.Մ.Ա.Կ.-ի Կենտրոնական վարչութեան նախագահ Հենրիկ Խալոյեանի ուղեկցութեամբ այցելել են ԹՀԹ Թեմակալ առաջնորդ Տ. Սեպուհ արք. Սարգսեանին:

Հանդիպման ընթացքին սրբազան հայրը բարձր է գնահատել համահայկական նշանակութեան խաղերի անցկացման գաղափարը եւ կարեւորել է Հայաստան-Արցախ-Սփիւռք կապն ամրապնդելու մարզական մտայղացումը եւ այն խթանելուն միտւած քայլերի կատարման անհրաժեշտութիւնը:

Համահայկական խաղերի համաշխարհային կոմիտէի պատւիրակութեան անդամները շնորհակալութիւն են յայտնել սրբազան հօրը եւ կարեւորել են թեմի բարձր մակարդակի մասնակցութիւնը:

Պատւիրակութեան կազմում եղել են՝ կոմիտէի ղեկավար Իշխան Զաքարեանը, Իրանի ներկայացուցիչ Հենրիկ Խալոյեանը, գործկոմի անդամ Վրէժ Շարոյեանը ինչպէս նաեւ  կոմիտէի լրատւական ծառայութեան ղեկավար Աննա Վարդանեանը:

Ապրիլի 30-ին, Համահայկական խաղերի համաշխարհային կոմիտէի Իրանի ներկայացուցիչ, Հ.Մ.Ա.Կ.-ի կենտրոնական վարչութեան նախագահ Հենրիկ Խալոյեանը, կոմիտէի ղեկավար Իշխան Զաքարեանը, Սիրիայի ներկայացուցիչ Վրէժ Շարոյանն ու կոմիտէի լրատւական ծառայութեան ղեկավար Աննա Վարդանեանը հանդիպում ունեցան ԹՀԹ Թեմական խորհրդի ատենապետ Նորայր Արամեանի, փոխատենապետ Վահէ Թարոյեանի եւ նոյն խորհրդի ձեւաւորած համահայկական խաղերի յանձնախմբի անդամների ու մարզա-մշակութային միութիւնների ներկայացուցիչների հետ:

Համատեղ նիստի ընթացքում քննարկւել է համահայկական խաղերի հնարաւորութիւնները, մարզաձեւերը, խաղերի անցկացման կարգը եւ սփիւռքի մասնակցութիւնը, մասնաւորապէս իրանահայութեան ներկայութիւնը խթանելու առնչութեամբ հարցեր: Կարեւորւել է Արցախի պատւիրակութեանը ներգրաււելու անհրաժեշտութիւնը: