Թւականիս Օգոստոսի 14-ին կենտրոնական վարչութեան ընկերները ներկայ գտնւեցին 32-րդ միջմասնաճիւղային բացման արարողութեանը՝  Թաւրիզի մասնաճիւղում

   Թւականիս օգոստոսի 14-ին տեղի ունեցաւ Հ.Մ.«Արարատ»Կ.-ի 32-րդ միջմասնաճիւղային խաղերի բացումը Թաւրիզի մասնաճիւղի հիւրընկալութեամբ: Այս տարի խաղերին հիւրնկալեց Ուրմիոյ, Գեարդաբադ և Թեհրանից «Արարատ» կազմակերպութեան մարզիկ-մարզիկուհիներին:

  Բացման արարողութեան և ծրագրից յետոյ, ուշ երեկոյ Կենտրոնական վարչութեան ընկերները Ատրպատականի Սրբազան հօր, պատգմաւորական ժողովի ներկայացուցիչների, Թեմական խորհրդի ու մասնաճիւղերի նախագաների ու անդամների հետ  հիւրնկալւեցին Թաւրիզի Կետրոնականի բակում: Արտայայտւեցին Սրբազան հայրը, մասնաճիւղի նախագահ՝ ընկ. Նժդիկ Աբրահամեանը և պատգամաւորական ժողովի ատենադպիր Տկն. Արմինէ Վահրամեանիը , ի նպաստ կազմակերպութեան և մասնաճիւղի այս երկար տարիների գործունէութեան: Պատգամաւոր դոկ. Կարէն Խանլարեանը եւս կարևորեց հայապահպանման իրականութը Ատրպատականի շրջաններում:

     Այնուհետև կազմակերպութեան նախագահ՝ ընկ. Համլետ Խալոյեանը իր գնահատանքի և շնորհակալական խօսքը ուղղեց Սրբազան հօրը, Ատրպատականի պատգամաւորական ու թեմական խորհրդի անդամ-անդամուհիներին, որ ամեն կերպ սատար են հանդիսանում մասնաճիւղին: Նա փոխանցեց մի շարք տեղեկութիւններ կազմակերպութեան և  70-ամեակին նւիրւած ծրագրերեից  ու ցեղասպանութեան 100-ամեակին նւիրած 2015 թւականի նպատակադրւած  աշխատանքների ուղղութեամբ:

    Օգոստոսի 15-ի առաւօտեան Կենտրոնական վարչութեան ընկերները հանդիպում ունեցան Թաւրիզի մասնաճիւղի վարչական ընկերների հետ: Հանդիպման ընթացքին Ընկ. Համլետ խալոյեանը և միւս ընկերները փոխանցեցին իրենց բնագաւառում տարւող աշխտանքերը, մէկ անգամ ևս կարևորելով կազմակերպութեան 70-ամեակին նւիրւած ծրագրերեից ու ցեղասպանութեան 100-ամեակին նւիրւած տեսլականով  ծրագրաւորումներ ունենլաու, այնուհետև առիթ տրւեց մասնաճիւղի բոլոր վարչական անդամներին լսելու իրենց դժւարութիւնները ու առաջարկները:

Հ.Մ.«Արարատ»Կ.

     Օգոստոսի 12–ին երեքշաբթի երեկոյեան Կենտրոնական վարչութեան նիստին,  ներկայ գտնւեց Հոմենթմենի Կենտրոնական Վարչութեան անդամ՝ եղբայր Վիգէն Դաւթեանը , նիստին ներկայ էր նաև սկաուտապետ ընկ. Նայիրի Յարութիւնեանը:

    Սկզբում ընկ. Համլետ Խալոյեանը ողջունեց եղբայր Վիգէնի ներկայութիւնը կենտրոնական վարչութեան նիստում, նա գնահատեց այն իրողութիւնը որ սերտ   համագործակցութիւն գոյութիւն ունի երկու մարմինների միջև, և յուսաց որ այս յարաբերութիւնը, որը եկել է անցեալից կը յարատևի ու էլ աւելի կը ամրապնդւի: Ապա առիթը տրւեց եղբորը արտայայտւելու:

   Եղբայր Վիգէնը շնորհակալութիւն յայտնեց առիթի համար, ու իր բարձր գնահատանքի խօսքը ուղղեց  Հոմենթմենի Կենտրոնական Վարչութեան և մեծ ընտանքիքի անունից  Հայ մշակութային «Արարատ» Կազմակերպութեանը, հաւատացած լինելով, որ՝  ուր  գոյութիւն ունի  Արարատական ընեկերների ներկայութիւնը, այնտեղ կա բարձր  միութեանական գիտակցութիւն:

   Նա աւելացրեց՝  Արարատ  կազմակերպութեան յարկի տակ սնւած դաստիարակւած ու հասակ նետած հայորդիները  օժդւած են բարձր  միութենական, կազմակերպչական դաստիարակութեան  ու համագործակցութեան մօտեցումով, ու դա արդիւնքն է միութենական ճիշտ դաստիարակութեան: Մեծ պատիւ է  Հոմենթմենի մեծ ընեանիքի համար, որ  վայելում է այս իրականութիւնը իր բոլոր աշխատանքներում:

    Ամենա տպաւորիչ ու շօշափելի փաստն էր որ,  բոլորս ականատեսը  եղանք վերջին օրերիս,  Հայաստանի բիւրականում կազմակերպւած ցեղասպանութեան 100-ամեակին նւիրւած  համահոմենթմենական բանակումի ընթացքին : Որտեղ ներկայ էին  Արարատ կազմակերպութեան պատւիրակութիւնը և իրանի քոյր միութիւններից  «Սիփան», «Նայիրի» և Նորջուղային «Արարատ» միութեան սկաուտները:

     Մի անսպասելի դէպքի ընթացքին «Արարատ» կազմակերպութեան սկաուտ ընկերները իրենց բարձր միութենական ու բարի մօտեցմամբ  վայել սկաուտի դաւանանքի,  դէպքի ժամանակ անմիջապէս օգտակար  հանդիսացան, Հունաստանի քոյր և եղբայրներին: Արարատի  սկաուտ ընկերների  այդ բարձր գիտակից մօտեցումը, դարձաւ բանակումի կարգախօսը միւս մասնակցող ընկերների և վարչականների մօտ, նման օրինակ մօտեցումները գալիս է  ճիշտ դաստիտակութեան ու միութենական ոգով տոգորւած արդիւնքի, ու նրանք ովքեր աշխատում են այս ուղղութեամբ  արժանի են բարձր գնահատանքի:

    Եղբայր Վիգէնը  առիթը պատեհ համարելով Հոմենթմենի անունից գրաւոր պաշտօնական նամակով և թէ բանաւոր մէկ անգամ ևս ի սրտէ  շնորհաւորեց Կազմակերպութեան 70-ամեայ գործունէութիւնը, մաղթեց նորանոր յաջողութիւններ  և  նւաճումեր «Արարատ» կազմակերպութեան բոլոր վարչական ու միութեանական ընկերների ու ինչու չէ նաև Արարատի մօտ կանգնած բարեկամների համար :

   Վերջում նա որպէս յիշատակ նւիրեց Հոմենթմենի գերբը, ու  մէկ անգամ ևս յաջողութիւն մաղթեց  «Արարատ» կազմակերպութեանը իր բոլոր աշխատանքներում, սերտ ու աշխոյժ յարաբերութեան տեսլականով:

Հ.Մ.«Արարատ»Կ.

Վերափոխման ընթացքի մէջ է Մարզաւանի հիւսիսային արհեստական ֆուտբոլի մարգագետինը:  

Մանրամասնութիւնները շուտով:

«Վետերան ընկերները հիւրընկալւեցին Կենտրոնական Վարչութեան նիստում»

       Կենտրոնական վարչութիւնը իր երեքշաբթի 10-յունիսի նիստում հիւրընկալեց կազմակերպութեանս 31 և 32-րդ շրջանների Կ.Վ.-ի հերթականաբար փոխ նախագահ և նախագահ ընկ.՝ Վանիկ Պետրոյեանին, որին ընկերակցում էր համաշխարհային Համահայկական խաղերի կոմիտէի և Հայաստանի թեթև ատլետի ֆեդերացիայի պատւոյ անդամ  ընկ.՝ Ալֆրէդ Հաւանը: Ընկ.՝ Վանիկը իր ուրախութիւնը յայտնեց , որ դարձեալ առիթ է ունեցել, գտնւելու այս հոգեհարազատ վայրում, որը որպէս երկրորդ տուն է հանդիսանում իր համար: Այնուհետև կազմակերպութեանս նախագահ ընկ.՝ Համլետ Խալոյեանը ողջունեց երկու ընկերներին և մեծ պատիւ համարեց նրանց ներկայութիւնը սոյն նիստին: Նա տեղեկացրեց միութիւնների, մասնաճիւղերի յանձնախմբերի աշխատանքները և 70-ամեակին նւիրւած միջոցառումները: Վերջում ջերմ մթնոլորտում մտքերի փոխանակում տեղի ունեցաւ:

Այսու տեղեկացնում ենք,

որ «Արարատ» մարզաւանի լողաւազանների շրջափակի

բացօթեայ ընթրիքների մատակարարումը սկսւելու է

սոյն թւականի Հինգշաբթի Մայիսի 22-ից (Խորդադ 1)

                                                                երեկոյեան ժամը 7:30-ից մինչև 11:00-ը

ՈՐևԷ ՍՆՈՒՆԴ ԿԱՄ ԽՄԻՉՔ ՆԵՐՄՈՒԾԵԼԸ ԽՍՏԻՒ ԱՐԳԵԼՒԱԾ Է 

ՀԱՅԱՍՏԱՆԻ ՀԱՆՐԱՊԵՏՈՒԹԻՒՆ

ՄԱՄՈՒԼԻ ԵՒ ՀԱՍԱՐԱԿԱՅՆՈՒԹԵԱՆ ՀԵՏ ԿԱՊԵՐԻ ՎԱՐՉՈՒԹԻՒՆ

0010,Երեւան Վազգէն Սարգսեան 26/1,5-րդ յարկ

Հեռ: (+374.10)58-56-01, ներքին 108, հեռապատճէն (ֆաքս) (+37410) 58-91-57

Էլ.փոստ Այս էլ. փոստի հասցեն պաշտպանված է սպամ-բոթերից: Այն տեսնելու համար անհրաժեշտ է միացնել JavaScript

90-14.05.2014 թ.

Լոուելի Մէջ, Մասաչուսէթսի Քաղաքապետարանին Մօտ Կանգնեցուած Է Հայոց Ցեղասպանութեան Զոհերու Յիշատակը Յաւերժացնող Յուշարձան

Յուշարձանի նախագիծը հայ համայնքի անդամներու եւ քաղաքապետ Ճէյմս Միլինաձոյի օգնութեամբ սկսաւ իրագործուիլ 2011թ.-ին: Յետագային անոնց միացան Մերիմակ Վալիի Հայոց ցեղասպանութեան յուշարձանի յանձնախումբի անդամները:

Պրոնզէ եւ Կրանիտէ պատրաստուած յուշարձանի նախագիծի հեղինակը Դանիէլ Վարուժան Հեճինեանն է: Հեղինակը կը նշէ. «Քարն ու պրոնզը կը խորհրդանշեն մարմինի եւ  հոգիի միասնութիւնը»:

Յուշարձանի վերի հատուածին մէջ կան հիւսող եռաչափ ձեռքեր: Մեծ խաչը տեղակայուած է ձեռքերու ներքեւի մասը: Գործուածքի մէկ մասը, որ կախուած է խաչի վրայ, կը խորհրդանշէ հայկականութեան ուժն ու գեղեցկութիւնը:

Խաչի ներքեւը մակագրութիւն կայ. «Հանգոյց առ հանգոյց անոր ձեռքերը կը հիւսեն հայ ժողովուրդի պատմութիւնը: Չնայած ցեղասպանութեան ցաւին եւ սարսափին` հայ ժողովուրդը հանգոյց առ հանգոյց կը վերականգնէ իր յոյսերը եւ երազանքները, քանի որ մենք կը ծաղկին ու կը բարգաւաճինք»:

Յուշարձանի մէջտեղը անգլերէնով եւ հայերէնով գրուած է «Ի յիշատակ»:

Համայնքիսքոյրմիութիւններիվարչութիւններիհանդիպում՝

«Արարատ»մարզաւանում

Երկուշաբթի սոյն թւականի 12 մայիսին, «Արարատ» մարզաւանի լողաւազանների շրջափակում տեղի ունեցաւ արդէն աւանդոյթ դարձած համայնքիս քոյր միութիւնների վարչութիւնների հետ հանդիպումը£ Հանդիպմանը ներկայ էին՝ Հայ Ուս. Չհարմահալ, Հայ Մշակութային «Սիփան», «Նայիրի» և «Սարդարապատ» միութիւնների վարչութիւնները, նաև  Հայ Դատի Յանձնախումբը :

Ողջոյնի խօսքը փոխանցեց Կազմակերպութեան նախագահ՝ ընկեր Համլետ Խալոյեանը, որը հակիրճ ներկայացրեց Կազմակերպութեանս միութիւնների և 70-ամեակի սեմին կատարւող աշխատանքներն ու ծրագրերը, ապա առիթ տւեց միութիւնների վարչութիւններին ներկայացնելու իրենց աշխատանքները:

Նման հանդիպումներ հնարաւորութիւն է ընձեռնում ազգային նոյն նպատակին ծառայող համայնքիս միութիւններին, ծանօթանալով եւ իրազեկ դառնալով միմեանց դժւարութիւններին ու խնդիրներին, միասնաբար ելքեր փնտրել եւ յաղթահարել ցանկացած խոչընդոտ, որը թերեւս կարող է առնչւի իւրաքանչիւր միութեան,  նաեւ նպաստում է  աշխատանքները առաւել սահուն ընթանալու գործում և դա անշուշտ ողջունելի է թէ Կազմակերպութեանս եւ թէ անկասկած միւս միութիւնների վարչութիւնների կողմից:

Յուսանք այս հանդիպումները շարունակական դառնալով, հարթ ուղով կընթանան հայապահպանման եւ սերունդների հայեցի դաստիարակութեան միութիւններիս աշխատանքների ի նպաստ:

Վերջում տեղի ունեցաւ համեստ հիւրասիրութիւն եւ ներկաները ընկերական մթնոլորտում շարունակեցին մտքերի փոխանակումները:

«ԱԼԻՔ» - Հ. Մ. «Արարատ» կազմակերպութեան նախաձեռնութեամբ եւ «Ռոստոմ» Երիտասարդական միութեան համագործակցութեամբ, հինգշաբթի, մայիսի 8-ի երեկոյեան, «Արարատ» մարզաւանի Ս. Խաչ մատուռի շրջափակում տեղի ունեցաւ միջոցառում՝ նւիրւած Մեծ Եղեռնի 99-ամեակին եւ 100-ամեակին ընդառաջ:
Բացման խօսքով հանդէս եկաւ Ռուբինա Գալստեանը: Այնուհետեւ Թեհրանի Հայ Դատի յանձնախմբի նախագահ Յովսէփ Աւետեանը ներկայացրեց նախ Հայ Դատի յանձնախմբերի աշխատանքները՝ ընդհանուր առմամբ՝ դրանք դասակարգելով հինգ կէտերում, որոնք են զօրացնել Հայաստանի պետականութիւնը, օժանդակել Արցախի ինքնորոշման հարցին, արձագանգել ջաւախքահայութեան դժւարութիւններին, բարձրաձայնել Նախիջեւանի հայկական լինելու հարցը եւ չէզոքացնել Ադրբեջանի հակահայ նկրտումները, ապա խօսքը կենտրոնացնելով Թեհրանի Հայ Դատի յանձնախմբի աշխատանքների շուրջ՝ անդրադարձաւ այդ յանձնախմբի գործունէութեանը, որն է ի շարս վերը նշւած աշխատանքների Հայ Դատի մարտավարութեան քննարկումը, պարսկական շրջանակներում Հայկական Հարցի արծարծումը, «Պայման» պարբերաթերթի եւ տարբեր գրքերի հրատարակումը, կայքէջի եւ ֆէյսբուքեան էջի առկայութիւնը եւ այլն:

Այնուհետեւ արտայայտւեց Հենրիկ Խալոյեանը, որը ներկայացրեց Մեծ Եղեռնի 100-ամեակին ընդառաջ՝ այդ ուղղութեամբ կեանքի կոչւած տարբեր յանձնախմբերի աշխատանքները՝ Հայոց Ցեղասպանութեան եւ Արցախի ինքնորոշման հարցի ճանաչեցման, հողային պահանջատիրութեան, Թուրքիայում թուրք մտաւորականութեան եւ ժողովրդի շարքերում հայանպաստ հասարակական կարծիքի ձեւաւորման, կրթա-մշակութային ձեռնարկների, յուշերեկոների եւ ուխտագնացութիւնների կազմակերպման ու հակահայ տրամադրութիւնների եւ գործողութիւնների չէզոքացման բնագաւառներում:
Դասախօսը նաեւ անդրադարձաւ այդ գծով իրանական պետական մակարդակով տարւելիք աշխատանքներին, որոնցում կարող են իրենց դերակատարութիւնն ունենալ Իսլ. խորհրդարանի հայ պատգամաւորները:
Միջոցառման վերջում իրականացւեց Կոմիտասին առնչւող Ռաֆայէլ Արամեանի «Անտունի» գրւածքի հիման վրայ պատրաստւած ռադիօ-բեմադրութիւն՝ Անահիտ Աբադի ղեկավարութեամբ եւ «Ռոստոմ» Երիտասարդական միութեան անդամների մասնակցութեամբ, որի ընթացքում ջութակով հնչեցւում էին կոմիտասեան մեղեդիներ:

alikonline.ir -ից

Հանդիպում Կազմակերպութեան նախկին անդամ Նշան Փիրումեանի հետ

Կազմակերպութեան նախկին շրջանների գործունեայ եւ հաւատարիմ անդամ, Կենտրոնական վարչութեան երբեմնի շրջանների նախագահ՝ ընկեր Նշան Փիրումեանը, իր իսկ ցանկութեամբ, երէկ 29 ապրիլին ներկայ գտնւեց Կենտրոնական վարչութեան նիստին: Ըստ ընկերոջ՝ ինքը չէր կարող Թեհրան ժամանելու երկրոդ օրը չայցելել իր սիրելի ու հարազատ երկրորդ օջախ՝ Արարատ:

Մեր երէց ընկերը, որը մեծ ներդրում է ունեցել «Արարատ» մարզաւանի շինարարական աշխատանքում, բարձր գնահատեց Կազմակերպութեան աշխատանքները, յատկապէս մարզաւանի գոյութիւնը, որը ամենօրեայ հարազատ հիւրընկալն է լինում հազարաւոր հայորդիների եւ յոյս յայտնեց այս փառահեղ կառոյցը մնայ միշտ կանգուն եւ օր ըստ օրէ ծաղկի ու բարգաւաճի:

Անշուշտ մեր սիրելի ընկերոջ հետ ծանօթ Արարատկանների համար եւս, պատեհ առիթներ կը ստեղծւի  հանդիպելու եւ հաղորդւելու հետ: