Հրատարակութիւն

PDF

Կենտրոնական Վարչութիւն

Երկուշաբթի, 2021թ.-ի սեպտեմբերի 13-ին Թեմիս առաջնորդ Տ. Սեպուհ արք. Սարգսեանը Ազգային առաջնորդարանի դահլիճում ընդունեց Հ.Մ."Արարատ" Կազմակերպութեան նորընտիր վարչութեանը։
Սրբազան հայրը ողջունեց կազմին և օրհնեց ընկերներին ստանձնած առաքելութիւնը յաջող կատարելու գործում։
Կազմի նախագահ ընկեր Հենրիկ Խալոյեանը փոխանցեց իր շնորհակալութիւնները սրբազան հօր հովանաւորութիւնը միշտ ունենալու համար ապա բացատրեց յառաջիկայում գործադրւելիք աշխատանքները։
Սրբազան հայրը բարձր գնահատեց Արարատ կազմակերպութեան նպատակն ու առաքելութիւնը հայեցի դաստիարակութեան ոլորտում և դերը իրանահայութեան կեանքում։
Յաջողութեան մաղթանքներով աւարտւեց հանդիպումը։

Կազմակերպութեան նախագահ ընկ. Հենրիկ Խալոյեանը հանդիպել է Ատրպատականի հայոց թեմի առաջնորդ Գերշ. Տէր Գրիգոր արք. Չիֆթճեանի հետ

Սեպտեմբերի 16-ին, Հ.Մ.Ա.Կ.-ի Կենտրոնական վարչութեան նախագահ ընկ Հենրիկ Խալոյեանը Թաւրիզ կատարած իր այցի ընթացքում հանդիպել է Ատրպատականի հայոց թեմի առաջնորդ Գերշ. Տէր Գրիգոր արք. Չիֆթճեանի հետ:
Սրբազան հօր հետ հանդիպմանը կազմակերպութեան նախագահին ընկերակցել է Թաւրիզի մասնաճիւղի նախագահ ընկ. Նժդիկ Աբրահամեանը, ինչպէս նաեւ՝ Ատրպատականի հայոց թեմի թեմական խորհրդի ատենապետ Գագիկ Ջորջեանը:
Առաջնորդ Սրբազանը ողջունել է Հ.Մ.Ա.Կ.-ի կենտրոնական վարչութեան նախագահի ներկայութիւնը Ատրպատականի հայոց թեմում՝ շեշտելով իրանահայութեան մէկ ամբողջութիւն լինելը. «Ճիշտ է, աշխարհագրականօրէն հեռու ենք իրարից, պատմականօրէն երեք թեմերի ենք բաժանւել, սակայն իրանահայութիւնը մէկ ամբողջութիւն է այս երկրում, հայ եկեղեցու եւ Մեծի Տանն Կիլիկիոյ Կաթողիկոսութեան հովանաւորութեան ներքեւ: Դարերից ի վեր մեր ներկայութիւնը Իրանում, հովանաւորութեամբ երկրի հոգեւոր եւ պետական կառոյցներին, առիթ է ընձեռել մեզ, ազատութեամբ զարգացնելու մեր ազգային մշակոյթի տարբեր ոլորտները: «Արարատ»-ը այն կարեւոր յարկերից մէկն է մեր կեանքում, որտեղ յատկապէս մեր երիտասարդ սերունդը հնարաւորութիւնն ունի արտայայտելու իր ազգային ստեղծագործ ուժը»,- նշել է սրբազան հայրը:
Ըստ Ատրպատականի հայոց թեմի առաջնորդի՝ «Արարատ» կազմակերպութիւնը տասնամեակներ ի վեր զբաղւել է հայութեանը հետաքրքող հարցերով եւ հայկական մշակոյթի զարգացման գործով:
Հանդիպման ընթացքում անդրադարձ է կատարւել թաւրիզահայութեանը յուզող հարցերին, Կազմակերպութեան Թաւրիզի մասնաճիւղին վերաբերող թեմային:
Ընկ. Հենրիկ Խալոյեանը իր խօսքերում պատրաստակամութիւն է յայտնել ամենատարբեր միջոցներով օժանդակել թաւրիզահայութեան հասարակական կեանքի բարելաւմանը, ինչպէս նաեւ՝ նպաստելու Կազմակերպութեան Թաւրիզի մասնաճիւղի աշխատանքների զարգացմանը:
Կազմակերպութեան նախագահն իր ելոյթի ընթացքում նաեւ անդրադարձել է համահայկական խաղերի կայացմանը՝ նշելով, որ թաւրիզահայերը սպասւած հիւրեր են Իրանի 52-րդ համահայկական խաղերին:
Նոյն գիշեր, տեղի է ունեցել ջերմ ընդունելութիւն, որի ընթացքում Կազմակերպութեան նախագահ ընկ. Հենրիկ Խալոյեանը, սրբազան հօր եւ կազմապերպութեան Թաւրիզի վարչութեան ընկերների հետ քննարկել է Կազմակերպութեան աշխատանքների, ինչպէս նաեւ թեմի երիտասարդական կեանքը վերաշխուժացնելու ծրագրերը:

Հ. Մ. «Արարատ» Կ.-ի Արարատ մարզաւանի նախագծգի հեղինակ, իրանահայ ճարտարապետ, քանդակագործ, նկարիչ, Ռոստոմ Ոսկանեանի պատւին է անւանակոչւել կազմակերպութեան յարակից պողոտան, նախկին «Աֆթաբ»-ը:
Անւանակոչման, ողջունելի այս նախաձեռնութեան հետ կապւած գաղափարը ձեւաւորւել է նախորդ շրջանի ընթացքում՝ 2020 թւականի դեկտ.29֊ին Թեհրանի երրորդ բաժնի քաղաքապետի, Թեհրանի քաղխորհրդի պետի, յարակից մարմինների և քաղխորհրդի օժանդակող մարմնի ներկայացուցչի մարզաւան կատարած այցի շրջանակում, ուր նախորդ կենտրոնական վարչութեան ընկերները պետական իշխանութիւններին ներկայացրել են Ռոստոմ Ոսկանեանի հեղինակած՝ Ս. Խաչ մատուռը, ինչպէս նաեւ նրա անկրկնելի աւանդը Իրանի ճարտարապետութեան զարգացման ուղղութեամբ:
Իսկ քաղաքապետի այն հարցին թէ, անւանի այրերից ու՞մ կառաջարկէք թեհրանի տարածքում՝ պողոտայի անւանակոչման համար, կենտրոնական վարչութիւնը անյապաղ առաջարկել է՝ Աֆթաբ պողոտան անւանակոչել "Ռոստոմ Ոսկանեան"֊ի անւամբ։ Այժմ էլ ուրախ ենք յայտնելու, որ առաջարկը քաղխորհրդի օժանդակող մարմնի հետևողական աշխատանքի շնորհիւ վաւերացւել է Թեհրան նահանգի քաղխորհրդի միջոցով։
Ռոստոմ Ոսկանեանը լայն մտահորիզոնի տէր ճարտարապետ էր, բազմաշնորհ վարպետ, պրպտող մտքի եւ յուզական խառնւածքի տէր ստեղծագործող անհատականութիւն, որը փայլուն տիրապետելով հայկական ճարտարապետական ժառանգութեանը, արւեստի սկզբունքներին, ժամանակակից ճարտարապետութեան ուղղութիւններին՝ ստեղծեց իր ուրոյն աշխարհը՝ ժառանգութիւնը, թողնելով մնայուն արժէքներ:
Ռոստոմ Ոսկանեանի նախագծած շինութիւնները բազմաթիւ են՝ հասարակական ու բնակարանային շէնքեր, այդ թւում՝ «Արարատ» մարզաւանը, Հայ ակումբը, ՀՕՄ-ի Ծերունի Գասպարեանի անւան մանկապարտէզը՝ Թաւրիզի առաջնորդարանի կենտրոնական այգու շրջափակում եւ այլ կառոյցներ:

Իրանի 52-րդ Համահայկական խաղեր
ի նպաստ համայնքի աշխուժացման

Երէկ՝ ուրբաթ 2021թ.-ի սեպտեմբերի 10-ի առաւօտեան Հ.Մ."Արարատ" Կ.-ի Կենտրոնական վարչութեան հրաւէրով մարզաւանում ներկայ գտնւեցին Իրանահայ բոլոր մարզամշակութային միութիւնների վարչութիւնների և մարզական բաժինների ներկայացուցիչները այդ շարքում՝
Հ.Մ.Մ "Նայիրի" միութիւն, Հ.Մ."Սիփան" միութիւն, Հ.Մ."Սարդարապատ" միութիւն, Հ.Ուս. "Չհարմահալ" միութիւն, Հ.Մ.Մ."Րաֆֆի" համալիր, Հ."Բարեգործական" Ընդ.միութիւն
Արարատի "Գեարդաբադի" մասնաճիւղ
և հեռավար միացումով մասնակից էին՝ Նոր Ջուղայի Հայ Մ. Մ. "Արարատ" միութիւնը, Արարատի "Թաւրիզի" և "Ուրմիոյ" մասնաճիւղերը։

Հանդիպման օրակարգն էր՝
Իրանի 52-րդ Համահայկական խաղերի կայացումը, որի մասին արդեն տեղեկացւել է սիրելի համայնքը Ալիք օրաթերթով և կազմակերպութեան պաշտօնական կայքերով։

Կենտրոնական վարչութեան նախագահ՝ ընկեր Հենրիկ Խալոյեանը ողջունելով, բացւած համարեց հանդիպումը, յիշեց վերջին շրջանում աշխարհի, հայ իրականութեան, հայրենիքի և համավարակի ծիրում ապրած բարդ ու դառնաղէտ օրերը և հրաւիրեց մէկ րոպէ ոտնկայս յարգել հայրենիքում զոհւած նւիրեալների ու նաև միութիւններում համավարակի պատճառով մեզանից առյաւէտ հեռացած ընկերների յիշատակը։

Ապա բոլոր ընկերները ծանօթացրին իրենց, որի ընթաքում հնչեց շնորհակալութեան և դրւատանքի խօսքեր մտայղացման և հրաւէրի կապակցութեամբ։
Կենտ. վարչութեան նախագահը պատիւ համարեց հրաւէրը արձագանգելու ու բարձր տրամադրութեամբ ներկայանալու համար և կարևորելով այս շատ սիրւած ու սպասւած միջոցառումը, որի իրագործումը պահանջում է՝ միասնական կամքով ու ներդրումով մարտահրաւէրներին դէմ հանդիման դուրս գալու ճիգը՝ յանուն համայնքի ու երիտասարդութեան աշխուժացման, ներգրաւելու մեծաթիւ անհատ և միութենական մարզիկներ, մարզիչներ ու իրաւարարներ, անհատական և խմբային մասնակցութիւններ ապահովելու։
նաև նշեց, որ յոյժ կարևոր է մրցաշարը աշխուժացնելու համար մշակել նոր ձևեր, ցանկի վրայ աւելացնել նոր մարզաձևեր, երկար ու ոչ աշխատանքային դադարից յետոյ հաւաքագրել և թարմացնել անհատ ու միութենական մարզիկների վիճակագրութիւնները, որպէսզի աւելի լայն շրջանակի մասնակցութիւնը հնարաւոր լինի ապահովել։

Մարզական միութեան նախագահ ընկեր՝ Արբի Սարգսեանը ևս հանգամանօրէն ցեկուցեց այն բոլորը, ինչի մասին Գործադիր յանձնախումբը ցանկանում է խորհրդակցել միութիւնների հետ ստանալով էական առաջարներ ու եզրակացնել ծրագրի ընթացքը այդ շրջանակում ՝
բացման հանդիսութեան նոր ձևաչափը, նոր մարզաճիւղերը, առցանց մրցումներ կազմակերպելու գործադրական միջոցները, հարկ եղած ֆէդերացիաների հետ հանդիպումները բիւդջէթային հարցերը և բազում այլ կէտեր, որոնք անշուշտ միասնաբար յղկելուց յետոյ հանրութեան սեփականութիւնը կը դարձւի։

Բոլորի խօսքերի առանցքում կարևորւեց համավարակի դէմ հիգիենական օրէնքների հակահամաճարակային միջոցների խստիւ պահպանումը, անսալով երկրում տիրող համապատասխան հրահանգներին ու օրէնքներին ստեղծելով ապահով միջավայր։

Հանդիպման ջերմ մթնոլորտում հնչեցին զանազան մտքեր ու առաջարկներ հիմնւելով միասնական կամքին ու դրական լիցքերին, դարձեալ նշելով այս շատ սիրելի՝ համայնքում աւանդութիւն դարձած, աշխոյժ ու հաճելի մրցաշարերի իրագործման ի խնդիր։
Վերջում Կենտրոնական վարչութեան նախագահը յաջողութիւն մաղթեց բոլոր միութիւններին ցանկանալով միասնաբար գործի լծւել ու ամրագրել համայնքի մակարդակում յաջող աշխատանք։

Նիստի աւարտին միութիւնների նախագահները հանդիպեցին Ի Իսլ. խորհրդարանում Թեհրանի և հիւսիսային իրանահայութեան պատգամաւոր պրն. Արա Շահվերդեանի հետ, որտեղ երկուստեք մտքերի փոխանակումների ընթացքին մատնանշւել են՝ միութիւնների առջև ծագած դժւարութիւնները, համայնքի աշխուժացման ի խնդիր անհրաժեշտ դրական փոփոխութիւնների կիրառումը, միջմիութենական համագործակցութեան ծաւալման անհրաժեշտութիւնը և ընդհանրապէս հայ հասարակական կեանքի յառաջխաղացքի ոլորտում մտքեր յղկելու ու միջոցներ կիրառելու կարևորութիւնը։

Երէկ սեպտեմբերի 7-ին, Հ.Մ.Ա.Կ.-ի Կենտրոնական վարչութիւնն իր հերթական նիստի ընթացքում հիւրընկալել է Մարզական միութեան վարչութեան անդամներին:
Օրակարգում ընդգրկւած էր Իրանի 52-րդ Համահայկական խաղերի կայացման հարցը:
Նիստի ընթացքում Կենտրոնական վարչութեան նախագահ՝ ընկ. Հենրիկ Խալոյեանը ողջունել եւ կարևորել է իրանի համահայկական խաղերի կայացման գաղափարը ու նշել, որ անհրաժեշտ է համապատասխան քայլեր ձեռնարկել մարզիկների ներգրաւման, համայնքային, մարզական եւ հասարակական կեանքին նոր թափ հաղորդման եւ համայնքը աշխուժացման ծրագրերն անթերի իրականացման ուղղութեամբ:
Այնուհետև Մարզական միութեան վարչութեան նախագահ՝ ընկ. Արբի Սարգսեանը եւ վարչութեան միւս անդամները, Կենտրոնական վարչութեանն են ներկայացրել իրենց մտածումները օրւայ համաճարակային պայմաններում՝ նոր ձևաչափով մարզախաղերն իրագործելու առնչութեամբ, որոնք պէտք է քննաարկւեն ուրբաթ սեպտեմբերի 10-ին հրաւիրւած մարզամշակութային միութիւնների նախագահական հանդիպմանը, այս ուղղութեամբ ընթացել է բազմաբովանդակ քննարկումներ:

 

Ուրախութեամբ տեղեկացանք, որ պարաօլիմպիական խաղերում, բասկետբոլի մրցավարական կազմում, առաջին անգամ Իրանը ներկայացրել է իրանահայ Գեղարդ Թահմասեանը:

 

Գեղարդ Թահմասեանը ծնւել է Նոր Ջուղայում: Աւարտել է «Ալամէ Թաբաթաբայի» համալսարանը՝ ստանալով մագիստրոսի աստիճան: Նա բասկետբոլի միջազգային կարգի մրցավար է:

 

Պարաօլիմպիական խաղերին հրաւիրւել է 2 տարի առաջ, անւասայլակով բասկետբոլի միջազգային ֆեդերացիայի յատուկ հրաւէրով՝ որպէս միջազգային կարգի մրցավար:

 

Գեղարդ Թահմասեանը տարիներ մասնակցել է Իրանի համահայկական խաղերի մրցավարական կազմում:

 

Այս առիթով, Հ.Մ. «Արարատ» Կազմակերպութեան անունից շնորհաւորում ենք սիրելի Գեղարդ Թահմասեանին՝ մաղթելով, նորանոր յաջողութիւններ՝ մասնագիտական եւ անձնական կեանքում:

 

Նշենք, որ Պարաօլիմպիական խաղերն այս տարի անցկացւել էր առանց հանդիսատեսի ներկայութեան: Խաղերը պէտք է տեղի ունենար 2020 թւականի օգոստոսին, սակայն կորոնավիրուսի համավարակի պատճառով այն յետաձգւել էր եւ անցկացւել՝ 2021 թւականի օգոստոսի 24-ից սեպտեմբերի 5-ը՝ Տոկիոյում:

 

Հ.Մ.Ա.Կ.

 Սեպտեմբերի 4-ին, Հ.Մ.Ա.Կ.-ի Կենտրոնական վարչութիւնն իր հերթական նիստի ընթացքում հիւրընկալել է Կենտրոնական վարչութեան նախկին անդամ, Հ.Մ.Ա.Կ.-ի հանրութեան հետ կապերի գրասենեակի տարիների պատասխանատու ընկ. Անահիտ Աբրահամեանին:
Նիստի ընթացքում քննարկւել է հանրութեան հետ կապերի ոլորտին առնչւող հարցեր: Կազմակերպութեան եւ հասարակութեան միջեւ արդիւնաւէտ հաղորդակցութեան ամրապնդման, միութիւնների աշխատանքների արտացոլման, այդ ուղղութեամբ՝ նոր նախագծեր իրականացման, եւ հանրութեան հետ կապերի գրասենեակի հետագայ գործունէութեան վերաբերեալ հարցեր:

Սիրելի հայրենակիցներ,

Այսու հարկ ենք համարում տեղեկացնել «Արարատ» մարազաւանի ոռոգման ջրի մատակարարման շուրջ առաջացած դժւարութեան մասին:
Պատկերում՝ վերջին երկու ամիսների անդորրագրերն են. երկու ամիս առաջ վճարւել է 220 միլիոն ռիալ իսկ վերջին երկուսը 480 միլիոն ռիալ և 420 միլիոն ռիալ որոնց ընդհանուր գումարը կազմում է 900 միլիոն ռիալ ու չեն վճարւել:
Յաճախ ենք մեր կայքերում և Ալիք օրաթերթի միջոցով իրազեկել հարցի տարբեր կողմերի և կիրառած հանգուցալուծումների մասին՝ այդ թւում ջրի կորստի և աւելի օպտիմալ օգտագործման ձևերի շուրջ, նաև մասնագէտների հետ վարած մեր խորհրդատւութիւնների զեկուցները:
Այնուամենայնիւ հարցի հիմնական լուծումը կախւած է նիւթական մեծ ներդրումներից ու պետական համապատասխան օժանդկութիւններից:
Պարզ է ժամանակի Կենտրոնական վարչութիւնները և Վարիչ մարմինները ջրամատակարարման հարցերին վերաբերւել են լուրջ և այն համարել մարզաւանի 7.5 հեկտարանոց կանաչապատման գոյատևման առաջնահերթութիւնը, որի արդիւնքում մինչ օրս համայնքը և միութենականները վայելել են ծաղկուն մարզաւանը, բայց ոչ միշտ է հերիքում միջոցները և ցաւօք նոյն ջրի և դրա գնի բարձրացման պատճառը արդէն պարտադրեց մեզ ֆուտբոլի գետնի օղակաձև մարգագետինը փոխարինել ծառաթմբերով, ջրային ծախսերի օպտիմանացման նպատակով:
Բոլորիս արդէն յայտնի է Կազմակերպութեան միշտ համեստ, բայց ներկայիս նիւթական բարդ իրավիճակը իսկ անկախ դրանից, անդորրագրերի վճարման պարտադրանքը մնում է հարթակում, որի չգոյացնելու դէպքում մարզաւանը ջրազրկւելու է համապատասխան պետական կառոյցի կողմից:
Հարկ է աւելացնել, որ Կենտրոնական վարչութիւնը սոյն մտահոգութիւնը կիսել է ԻԻԽ պատգամաւորների հետ և վերջիններս կապ են հաստատել պետական կառոյցներին, սակայն ցաւօք առայժմ չենք ստացել լուծման դրական պատասխան:
Լիայոյս ենք յաղթահարելով դժւարութիւնը կը շարունակենք ծաղկուն և հովասուն մարզաւանի վայելումը, որը նաև շատ կարևոր է քաղաքի այդ հատւածի համար այդու ցանկալի է ստանալ պետական համարժէք օժանդակութիւն այս կապակցութեամբ:

Հ.Մ.Ա.Կ.-ի Կենտրոնական վարչութիւնը օգոստոսի 30-ի նիստի ընթացքում, հիւրընկալեց Արարատ Կենտրոնատեղիի վարիչ մարմնի նորանշանակ անդամներ, ընկերներ Լուդւիգ Նազարեանին եւ Վաչիկ Սարխոշեանին, բացակայ էր Արմէն Զարգարեանը:

Հանդիպման ընթացքում քննարկւեց Կենտրոնատեղիի ներկայ իրավիճակի, ճարտարապետական եւ տեխնիկական ուսումնասիրութեան կատարման հարցը: Քննարկում կատարւեց մեր պատմական կենտրոնատեղիի շէնքի եւ սրահ-դահլիճի պահպանման նպատակով հրատապ ու անհրաժեշտ վերանորոգումների բիւդջէի մշակման ուղղութեամբ: Նաև որոշւեց կատարել գոյքերի ամբողջական վերագոյքագրման աշխատանքը:

Հ.Մ.Ա.Կ.-ի կենտրոնական վարչութեան անդամները միասնական  ընթրիք-հանդիպում են ունեցել մարզաւանի ընթրիքների բաժնում:
Մտերմիկ հանդիպման ընթացքում ընկերները մտքերի փոխանակում են կատարել կազմակերպութեան առաջադիմութեան, նոր սերնդի ներգրաււածութեան ապահովման, նոր գաղափարների ձեւաւորման, միասնական եւ մեծ եռանդով արդիւնաւէտ աշխատանքներ իրականացնելու վերաբերեալ: