Հրատարակութիւն

PDF

Կենտրոնական Վարչութիւն

Սեպտեմբերի 3-ին, Հ.Մ.Ա.Կ.-ի կենտրոնական վարչութեան նախագահ ընկ. Հենրիկ Խալոյեանը հարցազրոյց է տւել «Ալիք» օրաթերթին:
Հարցազրոյցը վարել է «Ալիք»-ի բազմամեայ լրագրող, լուսանկարիչ, Ադիս Իսաղուլեանը:
Հարցազրոյցի ընթացքում նա անդրադարձ է կատարել Հ.Մ.Ա.Կ.-ի ապագայ գործունէութեանը, ուր կան հետաքրքրաշարժ նորութիւններ:
Հարցազրոյցի ամբողջական տեքստը շուտով կը հրապարակւի «Ալիք» օրաթերթում:

Երէկ օգոստոսի 31-ին, Հ.Մ.Ա.Կ.-ի կենտրոնական վարչութիւնը իր հերթական նիստի ընթացքում հիւրընկալեց Իսլ. խորհրդարանում Թեհրանի եւ հիւսիսային իրանահայութեան պատգամաւոր Պրն. Արա Շահվերդեանին։

Սկզբում, Կենտրոնական վարչութեան նախագահ ընկ. Հենրիկ Խալոյեանը կազմի անունից ողջունեց պատգամաւորին, շնորհակալութիւն յայտնեց հրաւէրն ընդառաջելու համար՝ զեկուցելով նորըտիր կենտ. վարչութեան եւ ենթակայ մարմինների վերաբերեալ:

Պատգամաւորի հետ հանդիպման ընթացքում քննարկւեց հիմնականում վերջին մէկ տարում կորոնավիրուսի հետեւանքով հասարակական եւ միութենական կեանքի դադարեցումը, պատճառած լուրջ վնասները:

Տեղի ունեցաւ մտքերի փոխանակում, հնարաւորինս ճիշտ քայլերով միութենական ու համայնքային կեանքն ու աշխատանքները վերաշխուժացման անհրաժեշտութեան վերաբերեալ, որը նորընտիր վարչութեան հիմնական աշխատանքային նպատակադրումներից է:

Նաեւ քննարկւեց մազաւանի պահպանման, զարգացման եւ մասնաւորապէս, կոմունալ ջրի բարեկարգման ու դրա վճարումների կրճատման հնարաւոր միջոցները։

Իսկ նոր նիւթական ռեսուրսների գոյացման, ժողովրդի հետ սահուն եւ ամուր կապի ապահովման, կորոնավիրուսի դէմ պայքարի միջոցառումներին առնչւող հարցերը երկուստեք կարեւորւեցին։

Կենտրոնական վարչութեան անդամները կարեւորեցին պատգամաւորի հետ սերտ կապերի պահպանումը ու նշեցին, որ անհրաժեշտ է առաջ շարժւել՝ մարտահրաւէրներին դիմակայելու մեծ կամքով՝ ցուցաբերելով ճկունութիւն պահանջող լուծումներ:

Հ.Մ.Ա.Կ.

Ընկեր Հենրիկ Խալոյեանը նաև հանդիպել է դասախօս, պարուսոյց ՀՀ մշակոյթի վաստակաւոր գործիչ՝ Գագիկ Կարապետեանի հետ,ով ժամանակին Թեհրանում  աշխատել է Արարատ պարի  դպրոցի աշակերտների հետ: Մտերմիկ հանդիպման ընթացքին խորհրդակցութիւններ են  եղել ապագայ համագործակցութեան ծիրում:

Միւս հանդիպումը եղել է Հայաստանի Համահայկական խաղերի համաշխարհային կոմիտէի գործընկեր Ռոլանդ Շարոյեանի հետ, ով,  որպէս ՀՀ ռադիօ- Հեռուստատեսութեան յանձնաժողովի պատւիրակութեան անդամ մօտ  օրերս ներկայ են լինելու Թեհրանում և նաև այցելութեան շրջանակում լինելու են Արարատ  մարզաւանում:

Միւս հանդիպումը տեղի է ունեցել «Համազգային» հայ կրթական և մշակութային միութեան  Երևանի գրասենեակում ընկերների և գրասենեակի տնօրէն ՝ Ռուզան Առաքելեանի հետ, որտեղ խօսւել է  իրենց  գեղեցիկ նախաձեռնութեան՝ Արարատի հիմնադիր անդամ արձակագիր Յակոբ Կարապենցին նւիրւած միջազգային գիտաժողովի օրակարգով և ինչու չէ համագործակցութեան մտորումներով:

Հ.Մ.«Արարատ»Կ.-ի Կենտրոնական վարչութեան նախագահ՝ ընկեր Հենրիկ Խալոյեանը Երևան ժամանած օրերին, հանդիպումներ է ունեցել ՀՄԸՄ-ՀԱՍԿ կենտրոնական վարչութեան հետ, միմեանց Սկաուտական աշխատանքների համագործակցութեան ուղղութեամբ:
Քննարկման առիթ է դարձել նաև Մարզական և Սկաուտական միութիւնների, առհասարակ պատանի –երիտասարդութեան մօտ ազգային և հասարակական գործունէութեան ծրագրերի մշակումը, որի շուրջ եղել են երկուստեք մտքերի փոխանակում:
Հոգեհարազատ վայրում խոնարհաբար յիշւել են բոլորի սիրելի ընկեր Գառնիկ Մկրտչեանը և Արցախի դաժան պատերազմում նահատակւած հերոս երիտասարդ եղբայրները:

Հ.Մ.«Արարատ»Կազմակերպութեան 29-րդ Պատգամաւորական ժողովի բացման հանդիսութիւն

 

Չորեքշաբթի 16 յունիսի 2021 թ.-ի երեկոյեան ժամի 18:30-ին «Արարատ»մարզաւանում տեղի ունեցաւ 29-րդ Պատգամաւորական ժողովի բացման հանդիսութիւնը:
Ներկայ էին ԹՀ.Թ բարեխնամ առաջնորդ սրբազան հայրը, ազգային իշխանութեան և քոյր միութիւնների ներկայացուցիչները և միութիւններից ու մարմիններից ընտրւած պատգամաւորները:
Հանդիսութեան բացումը կատարւեց Սկաուտական միութեան դրօշակագարդի և թմբկահարների մուտքով ու ծածանւեց դրօշը կազմակերպութեան հիմներգով ապա Կենտրոնական Վարչութեան նախագահ՝ ընկեր Հարմիկ Զովելեանը ներկաներին հրաւիրեց մէկ րոպէ ոտնկայս լռութեամբ յարգելու կազմակերպութիւնից առյաւէտ հեռացած ընկերների յիշատակը, սոյն բաժնի համար պատրաստւած էր համապատասխան տեսաերիզ:
Այնուհետև նախագահը շարունակելով իր խօսքը ողջունեց բոլորին ներկայութեան համար և ամփոփ ներկայացրեց 45-րդ շրջանի զեկոյցը, այնուհետև համահունչ զեկոյցին ցուցադրւեց Արարատի երկամեայ գործունէութիւնից տեսաերիզ:
Ապա ցրւեց Համազգային Հայ Կրթական և Մշակութային միութեան կենտրոնական վարչութեան նախագահ՝ Մկրտիչ Մկրտչեանի տեսաերիզ ուղերձը
Օրւայ հաղորդավար Սիւնէ Ֆարմանեանը ընթերցեց Գերաշնորհ Տ.Գրիգոր Արքեպիսկոպոս Չիֆթճեան Առաջնորդ Ատրպատականի հայոց Թեմի և ժամանակի նախագահ՝ ընկեր Վարուժան Առաքելեանի ուղերձները։
Այնուհետև օրւայ առիթով արտայայտւեց ԻԻԽ Թեհրանի և հիւսիսային Իրանահայութեան պատգամաւոր՝պրն.Արա Շահվերդեանը, Ալիք օրաթերթի գլխաւոր խմբագիր պրն.Դերենիկ Մելիքեանը և աւարտին, իր հայրական խօսքը յղեց Սրբազան հայրը:Կենտրոնական վարչութեան նախագահը նրանց յանձնեց կազմակերպութեան հիմնադրման 75 ամեակի առիթով տպագրւած նամակադրոշմը:
Արտայայտւողները իրենց խօսքերի առանցքում նշեցին, որ ժողովի պատգամաւորներից ակնկալւում է անաչառ քննարկումներ, օբյեկտիւ գնահատումներ, յառաջիկայ գործունէութեան իրատեսական որոշումներ և մի խօսքով մաղթեցին արդիւնաւէտ ժողով:
Ապա տեղի ունեցաւ համեստ ընդունելութիւն:
Անդրանիկ նիստի բացումը կատարւեց նոյն օրը ժամի 21:00-ին Ամառային ընթրիքների շրջափակում յատկացւած վայրում:
Կատարւեց ժամանակաւոր դիւանի ընտրութիւնը, ըստ աւանդութեան ընտրւեցին երիցագոյն ընկերը՝ Համիկ Խալոյեանը և կրտսերագոյն ընկերը՝ Շաղիկ Գէորգեանը, ուր և ստուգւեց պատգամաւորների մանդատները:
Ժողովի շարունակութիւնը տեղի ունեցաւ հինգշաբթի առաւօտեան, օրակարգի կէտերի հիման վրայ, քննարկւեց կազմակերպութեան բարոյական և նիւթական գործունէութիւնը:
Ժողովի որոշման համաձայն երեք հիմնական թեմաներով բոլոր ժողովականներից կազմւեց յանձնախմբեր, որոնց քննարկման արդիւնքը ներկայացւելու է երեք շաբաթից:
Միւս օրը՝ուրբաթ պատգամաւորները ունեցան իրենց նախասիրած յանձնախմբերի հանդիպումները, աշխատանքը աւարտւեց ժամը 19:00-ին:
Ժողովի յաջորդ նիստի զեկոյցը կը տեղեկացւի կայանալուց յետոյ:

Աւարտւեց Հ.Մ.Ա.Կ.- ի 29-րդ Պատգամաւորական ժողովը, աւարտւեց Կենտրոնական վարչութեան 45-րդ նստաշրջանի գործունէութիւնը։
Բացւեց նոր էջ Կազմակերպութեան կեանքում, որի ընթացքին ու երթին մասնակից են բոլոր միութենականները, ինչու չէ նաև համայնքը:
Երէցների,սկաուտների, արւեստասէրների ու մարզիկների համատեղ աշխատանքով պիտի քայլել ու շարունակել 77-ամեայ Արարատի կանաչ ճանապարհը մինչև սպասւած ապագայի կերտումը:
Կոռոնահամավարակով պայմանաւորւած իրավիճակը, համաշխարհային տնտեսական ճգնաժամը, կազմակերպութեանը դէմ հանդիման է կանգնեցրել դժւար պահերի առջև:
Կազմակերպութեան հերթական բարդրութիւնները , որոնք յաղթահարւել են նոյն կազմակերպութեան օրւայ ղեկավարութեան խելամտութեամբ ու ի գործ դրւած հնարքներով և ինչու չէ անդամների անվերապահ աշխատանքներով, ծառայել ու ծառայելու է մի նպատակի համար այն է՝ հայապահպանումն ու հայակերտումն ու նոր սերունդի հայեցի դաստիարակութիւնը յանուն ազգին ու հայրենիքին։
Համոզւած լինելով, որ մեր հայրենակիցները սերտ կապի մէջ են Արարատի հետ մենք միշտ մեր աշխատանքների կողքին ու թիկունքին ենք զգում համայնքի ամենօրեայ ներկայութիւնն ու օժանդակութիւնը, որոնց հետ կիսում ենք կազմակերպութեան վերելքներն ու վայրէջքները ինչու չէ մարզամշակութային ոլորտների պանծալի յաղթանակները և այսպէս՝ 29-րդ Պատգամաւորական երկարաշունչ ժողովների բովում միասնաբար դասեր սերտելով, որպէս պատգամաւորներ ու միութիւնների, մասնաճիւղերի ու մարմինների մի մի դեսպաններ խօստացել ենք ապագան աւելի փայլուն կերտել,դարձեալ իրականացնել նւաճումները բարձունքների... ու սիրելի ընթերցող, այս բարձունքները նւաճելու ենք միասին:
Ճամբան լեցուն է փոխադարձ սիրոյ և ընկերասիրութեան կակաչներով իսկ երկնքում վառ կանթեղն է առկայծում, որպէսզի թևեր առնեն մեր մտքերը ...
Եւ մենք կառչած մնալով
ՍԻՐԵՆՔ ԻՐԱՐ լոզունգին
Բարձր ձայնով կը կանչենք
ՔԱՅԼ ԱՌԱՋ ՕՆ ՔԱՆԶԻ ԱՐԱՐԱՏԸ ՄԵԶ Է ՍՊԱՍՈՒՄ։

2021 թ.֊ի յուլիսի 3֊ին Արարատ մարզաւանում տեղի ունեցաւ
Թ.Հ.Կ.Բարեգործական ընկերութեան վարչութեան միջոցով կազմակերպւած ճաշկերոյթ՝ Սուրբ Գէորգ ծերանոցի և Սօսէ մայրիկ հանգստեան տան՝ սիրելի
Տատիկ-պապիկների համար։Բարի ու սրտցաւ մարդիկ ինչպէս միշտ փորձում են ժպիտ և ուրախութիւն բերել տարեցների մօտ։
միջոցառմանը Ներկայ էին պատասխանատուներն ու անձնակազմերը։
խնջոյքը ընթացաւ ջերմ ու հարազատ մթնոլորտում և հաճելի դարձաւ շրջպարերով և խաղերով։