Հրատարակութիւն

PDF

Կենտրոնական Վարչութիւն

Թանկագի՛ն կանայք,

Ջերմօրէն շնորհաւորում ենք Ձեզ Մարտի 8-ի՝ Կանանց միջազգային օրւայ առթիւ:
Մաղթում ենք Ձեզ գարնանային ջերմութիւն եւ յարատեւ յաջողութիւններ: Ցանկանում ենք, որ մշտապէս վայելէք ու տարածէք Ձեզ շրջապատող բոլոր մարդկանց սէրը, հոգատարութիւնն ու նւիրւածութիւնը, եւ ոչ միայն այս օրը, այլ տարւայ բոլոր օրերին:
Մաղթում ենք, որ լինէք երջանիկ եւ սիրով լի, ունենաք աւելի մեծ դերակատարութիւն ազգային, հասարակական, միութենական եւ այլ ոլորտներում:
Առանձնայատուկ յարգանքի խօսքեր ենք յղում մեր հայ ազգի այն կանանց, որոնք պայքարեցին Արցախեան պատերազմում, ցուցաբերեցին հայրենիքի պաշտպանութեան գործում անկրկնելի նւիրում, որոնց սիրելիներն ընկան հերոսաբար:
Սիրելի կանայք՝ մայրեր, քոյրեր, դուստրեր,
Մարտի 8-ը մեզ համար եւս մէկ առիթ է՝ արտայայտելու մեր երախտագիտութիւնը Ձեզ եւ վերահաստատելու մեր պատրաստակամութիւնը՝ անելու աւելին յանուն Ձեր իրաւունքների պաշտպանութեան:
Եւս մէկ անգամ շնորհաւորում ենք բոլորիդ այս գեղեցիկ տօնի առիթով՝ մաղթելով բարձր տրամադրութիւն, ստեղծագործ կեանք, յարատեւ գեղեցկութիւն, յանուն իրաւունքի, մասնագիտական, եւ համընդհանուր յաջողութիւնների անկոտրում կամք եւ նորանոր նախաձեռնութիւններ:


Սիրով՝ Հ.Մ.«Արարատ» Կ.-ի Կենտրոնական Վարչութիւն

 

Իրանի իսլ. յեղափոխութեան յաղթանակի 43-րդ տարեդարձին կապւած ծրագրերի շարանում,
Թեհրանի 3-րդ քաղաքամասի քաղաքապետարանի առաջարկով և նախաձեռնութեամբ՝ երէկ, փետրւարի 9-ի առաւօտեան, կայացաւ ՋԱՄ ՖԱՋՐ ֆուտսալի քառակողմ մրցումները, Արարատ մարզաւանի Սասունցի Դաւիթ սրահում, որտեղ ներկայ էին քաղաքապետ դկտ. Ջաւանին, առաջին բաժնի պետ՝ դկտ. Միրզափուրը և այլ բաժիններից պաշտօնական այրեր։
Ներկայ էին Կենտրանական վարչութեան ընկերները,
ոլորտի անւանի մի շարք մարզիկներ, որոնց շարքին հայ անւանի ֆուտբոլիստներ՝
Մայիս Մինասեանը, Էդմոնդ Բէզիկը և Էդմոնդ Ախտարը։

Սկզբում ներկաները ոտնկայս ունկնդրեցին երկրի հիմնը պրն. Հարմիկ Մովսիսեանի երգեցողութեամբ, ապա օրւայ հաղորդավարը ողջունեց առիթը, ներկաներին և Արարատ կազմակերպութեանը, որ 74 տարիներ կազմակերպւած ջանացել է մարզիկ և մարզական խմբեր դաստիարակելու գործում ու արդիւնքում յաջողել է անւանի մարզիկներ փոխանցել հաւաքականներին, որի համար երկրի մարզական ոլորտը շնորհակալ է։

Ապա հրաւիրեց Կենտրոնական վարչութեան փոխ նախագահ՝ ընկեր Արա Գալստեանին օրւայ առիթով արտայայտւելու։ (նիւթը տեսնել վերջում) ای ایران
երգից յետոյ հրաւիրւեց՝ 3-րդ քաղաքամասի նորանշանակ քաղաքապետ՝ դկտ.Ջաւանին, ով իր խօսքերում շնորհակալութիւն յայտնեց Արարատին օրւայ մասնակցութեան և համագործակցութեան և անթերի կազմակերպման համար, յոյս յայտնեց քաղաքամասում զարգացնել և աշխուժացնել մարզական կեանքը և մաղթեց ընդլայնել Արարատ կազմակերպութեան հետ համագործակցութիւնները նա բարեմաղթանքներով աւարտեց խօսքը։

Այնուհետև 4 խմբերն ընկերական պահերը յաւերժացրին լուսանկարւելով ու վետերան երէց մարզիկների ողջոյնները ստանալով սկսեցին մրցումը։

Չորս խմբերն էին՝
تیم ملی جام جهانی ۹۸
تیم رسانه
تیم منتخب شهرداری منطقه ۳
تیم آرارات
Արդիւնքում, եզրափակիչ փուլում են գտնւում՝
Արարատն ու ۹۸تیم ملی-ը
Եզրափակիչ մրցումը կայանալու է երկուշաբթի փետրւարի 14-ին։
Մրցումները անցան ջերմ և ընկերական մթնոլորտում։

Փետրւարի 3-ին، Հ.Մ. «Արարատ» Կ.-ի "Վաչիկ Ղարաբէգեան" սրահում, տեղի ունեցաւ
«Նոր միտք» խմբի դիսկուրս- հաւաքը:
Օրւայ բանախօսն էր բժիշկ, կորոանվիրուսային համավարակի դէմ պայքարի ուղղութեամբ նշանակալի աւանդ ունեցած, կազմակերպութեան անդամ եւ նախկին սկաուտապետ դոկտ. Սեւակ Հաթամեանը:
Միջոցառման բացումը կատարեց ընկ. Արա Ջահանեանը, նա անդրադարձաւ «Նոր միտք» խմբի ձեւաւորման գաղափարին, կարեւորեց հասարակութեան ներգրաւմանը միտւած քայլերը, մասնաւորապէս՝ երիտասարդութեան զարգացման համար տարբեր ծրագրերի իրականացումը, ընդգծեց օրւայ թեմայի՝ կորոնավիրուսը եւ ապագայի ընտրութեան պատճառները եւ կարեւորեց ծրագրի արդիւնքում կառուցողական եւ դրական դիսկուրսի կայացումը:
Դոկտ. Սեւակ Հաթամեանն անդրադարձ կատարեց կորոնավիրուսային համավարակի ծագումնաբանութեանը, զարգացմանը եւ համավարակային իրավիճակի սպասւող ապագային:
Ծրագրի ընթացքում լսարանի եւ բանախօսի միջեւ ձեւաւորւեց կառուցողական դիսկուրս: Ներկաները իրենց մտքերը կիսեցին բանախօսի հետ, անդրադարձան հասարակութեան լայն շրջակաների մօտ ձեւաւորւած կարծրատիպերին եւ տաբուներին՝ կորոնավիրուսի համավարակի վերաբերեալ:
Դոկտ. Հաթամեանը գիտական հիմնաւորումներ ներկայացրեց եւ որոշ դէպքերում հերքեց ժողովրդի մօտ ձեւաւորւած միֆերը՝ համավարակի վերաբերեալ:
Ծրագրի ընթացքում հետաքրքիր եւ անմիջական զրոյց քննարկում ստացւեց լսարանի, բանախօսի՝ երկկողմ եւ բազմակողմ ձեւաչափերով: