Հիւրերին դիմաւորեցին «Սայփա» մարզամշակութային համալիրի գործադիր տնօրէն պրն. Ռեզային և Վարչական կազմի անդամները:
Ողջոյնի խօսքից յետոյ Արարատ կազմակերպութեան ներկայացուցիչները այցելեցին ակումբի տարբեր մասեր , մասնավորապես Ֆուտբոլի դաշտ, ծանօթացան ակումբի ընդհանուր հնարաւորութիւնների հետ նաեւ հանդիպեցին Սայփա ֆուտբոլի խմբի գլխաւոր մարզիչ՝ պրն Ջալալիին:
Իր զրոյցում «Սայփա»-ի ֆուտբոլի գլխաւոր մարզիչ ՝ պրն. Ջալալին բարձր գնահատեց «Արարատ» կազմակերպութեան ֆուտբոլային գործունէութիւնը, յաջողութիւն մաղթելով Արարատի վերստեղծւած ֆուտբոլայի թիմին: Պրն՛ Ջալալին իր բարձր հովանաւորութիւնն առաջարկեց «Արարատ» կազմակերպութեան ֆուտբոլի թիմին՝ ցանկացած հարցով աջակցելու համար:
Ակումբի տարբեր վայրեր այցելութիւնից յետոյ տեղի ունեցաւ պաշտօնական նիստը, որտեղ ներկայ էին Սպորտի նախարարի նախկին օգնական՝ պրն Սաջադին և «Սայփա» ակումբի վարչական կազմի անդամ ՝ Պրն Մօինեանը:
Նիստի ընթացքին պրն. Ռեզային ներկայացրեց ակումբի ստեղծման պատմութիւնը, ներկայ իրավիճակի նկարագրութիւնը և հետագայ ծրագրերի իրականացման համար մշակւած քայլերը:
Ընկեր Գէորգ Վարդանը՝ որպէս «Արարատ» կազմակերպութեան նախագահ շնորհակալութիւն յայտնելով հրաւէրի համար, զեկուցեց կազմակերպութեան ընդհանուր իրավիճակը, մասնաւորապէս Ֆուտբոլի կազմում առկայ դժւարութիւններն ու խնդիրները: Ուշագրավ է , որ «Սայփա» ակումբի տնօրինութիւնը լաւածանօթ էր նման խնդիրներին, նշելով , որ հէնց դրանք են հիմնականում հսկայ ակումբների կարևորագոյն խնդիրները: Խօսքի ընթացքում պրն. Սաջադին լաւածանօթ լինելով նախարարութեան և ընդհանուր առմամբ սպորտի թէ՛ նիւթական և թէ՛ կազմակերպչական հարցերին առաջարկեց բաւականին յարմար լուծումներ:
Պրն. Գէորգ Վարդանը յաւելեց՝ «Արարատ» կազմակերպութեան 71-ամեայ ակտիւ գործունէութիւնը և կարևորեց դրա շարունակելու փաստը:
Ընթացքում խօսւեց նաև երկկողմ համագործակցութեան մասին: Մասնաւորապէս խօսքը վերաբերում է «Սայփա» ֆուտբոլի ակումբի մարզական խմբերի փորձերը Արարատում իրականացնելու՝ ինչպես նաև փորձառութիւններին, մարզական հմտութիւններին և զանազան ծրագրերի շահաւէտ փոխհամագործակցութեանը:
Հանդիպման աւարտին տեղի ունեցաւ հիւրասիրութիւն:
