Յաջողակ ընկեր
Այս անգամ Հանրութեան հետ կապի հիւրն էր 12-ամեայ միութենական՝ Մինէ Մարտիրոսեանը, որի մարզական ձեռքբերման մասին ասուլիս ունեցանք իր հետ:
Մինէ Մարտիրոսեանս Մարտիրոս, ծնւել է 2003 թւականի օգոստոսի 18-ին Թեհրանում: Նա յաճախում է Մարիամ հաստատութիւն և 7-րդ դասարանցի է: Մինէն Կազմակերպութեան Արւեստից միութեան «Արարատ» պարախմբի անդամ է 2008 թւականից:
Թենիսը սկսել է 9 տարեկան հասակից, սկզբից փորձերը սկսել է «Արարատ» մարզաւանում, սկզբում միայն ամռան սեզոնում էր կատարում իր փորձերը իսկ ժամանակի ընթացքում աւելի յաճախականութեամբ մասնակցեց փորձերին:
2015 թւի Մայիս ամսում մասնակցեց Թեհրան նահանգի դպրոցների մրցութիւններին և 10-13 տարեկանից վար نیمه پیشرفته) ) խաղերում գրաւեց առաջին տեղը: Մինէյի սկզբնական շրջանի մարզիչներն են եղել պարոնայք՝ Արբի Զոհրաբեանը, Էրիկ Քամարզարեանը և Գառնի Խեչումեանը, իսկ վերջին տարիներում փորձերը շարունակել է ու մինչ այժմ շարունակւում է պրն.Բորղէիի և պրն.Գառնի Խեչումեանի հետ:
Սեպտեմբերի վերջին, թենիսի ֆեդերացիան հրաւիրեց Մինէյին՝ Երկրի ախոյեանական մրցումներին՝ Արդաքան Եազդում, որին մասնակցում էին 8 մարզիկներ Թեհրան նահանգից , Չորս հոգանոց թիմը որի մէջ էր Մինէն պարտւեցին մէկ ութերորդ աղիւսակում և այս մրցաշարում Մինէյի երկրի ախոյեանական ռանքինգը որոշւեց 46-րդ նա իր համատարիք մարզիկների մէջ Ասիայում 329-րդ հոգին նշանակւեց ու մինչև 2015 թւականի վերջը կը մնայ այս ռանքինգում, իսկ հիմա իր մասնակցութիւնը պիտի շարունակի Ասիայի 2016 թ. խաղերին, որը 4 անգամ կայանալու է Պարսկաստանում, նաև ուրիշ երկրներում օրինակ՝ Կատարում և Թայլանդում:
Սեպտեմբերին Մինէն հրաւիրւեց մասնակցելու Իսպահանում կայանալիք պատրաստական բանակումին, որտեղ մարզիչ էր աշխատում Թայլանդի 14-ից վար, Ասիայի աւագ մարզիչը: Բանակումի աւագ ղեկավարն էր պրն. Բորղէին: 9-օրեայ տքնաջան աշխատանքը ծառայեց փորձառութեան և հմտութեան բարձացման: Մինէն անմիջապէս մասնակցեց 14-տարեկանից վար Ասիայի 4-րդ մրցաշարին Իսպահանում և գրաւեց 16-րդ տեղը :
Մինէն իր մասնակցութեամբ և յաջողութիւններ նւաճելով պիտի նւազեցնի իր ռանքինգը:
Հարկ է նշել որ ներկայում նրա՝ երկրի ախոյեանական ռանքինգը 46 է:
Մինէյ ի հետ ասուլիս է ունեցել նաև خانواده ամսաթերթը:
Մինէն յայտնեց, որ իր հայրիկի քաջալերութեամբ է նախընտրել թենիսը և նաև իր ընտանիքի աջակցութեամբ շարունակում է մարզանքը :
Մինէն և ծնողները շնորհակալութիւն յայտնեցին «Արարատ»-ից որը հնարաւորութիւն է ստեղծել ձմռանը փակօթեայ դահլիճում շատ յարմարաւէտ պայմանում թենիսի փորձերը շարունակել:
Ծնողները յայտնեցին իրենց խորին շնորհակալութիւնները նախ Արարատի մարզիչներից ապա կազմակերպիչներից:
Վերջում շնորհակալութիւն յայտնեցին Հանրութեան հետ կապին մտերմիկ հարցազրոյցի համար: