Հ.Մ.Ա.Կ.-ի դահուկավազքի խմբի ձեռքբերումները Ծաղկաձորի ձմեռային համահայկական օլիմպիդայում

Երկուշաբթի սոյն թւականի 24 փետրւարին, Սնոբորդի հսկայ ոլորավայրէջք (Giant Slalom) մրցութիւնների արդիւնքում 25 մասնակիցների մէջ 14-րդ և 17-րդ տեղերն են գրաււել Գրիգորեան Էռիկը և Մանասեան Արաբօն:

Երեքշաբթի սոյն թւականի 25 փետրւարին լեռնադահուկի (Alpine) հսկայ ոլորավայրէջք աղջկանց մրցութիւնների արդիւնքում 12-րդ տեղն է զբաղեցրել օր. Մաթիլդա Մարտիրոսեանը, իսկ տղայոց բաժնում, որը կատարւեց համաշխարհային FIS Code ունեցող և ոչ FIS Code ունեցող խմբերի միջև, առաջին բաժնում Հայաստանի, Վրաստանի և Կիպրոսի հաւաքականի ախոյեանների և 2014 թ. Սոչի Օլիմպիայի մասնակից՝ Արման Սերեբրակեանի մասնակցութեամբ, 13-րդ, 14-րդ, 17-րդ և 19-րդ տեղերն են զբաղեցրել ՝ Ալֆրէդ Կարապետեանը, Պատրիկ Մնացականեանը, Արամ Մարտիրոսեանը և Արմէն Նազարեանը և ոչ FIS Code ունեցող 45 մասնակիցների միջև՝ 15-րդ տէղն է զբաղեցրել Ալէքս Լազարը:

Չորեքշաբթի  սոյն թւականի 26 փետրւարին կատարւեց լեռնադահուկի յատուկ ոլորավայրէջքի (Slalom) մրցութիւնները, որի արդիւնքում աղջկանց բաժնում 10-րդ տեղն է զբաղեցրել Մաթիլդա Մարտիրոսեանը, իսկ տղայոց բաժնում 60 մասնակիցների մէջ՝ 22-րդ, 25-րդ և 26-րդ տեղերն են զբաղեցրել ՝ Ալֆրէդ  Կարապետեանը, Արամ Մարտիրոսեանը և Արմէն Նազարեանը:

Հինգշաբթի  սոյն թւականի 27 փետրւարին կատարւեց սնոբորդի յատուկ ոլորավայրէջքի մրցութիւնները, որի ընթացքում 27 մասնակիցների մէջ՝ 8-րդ, և 20-րդ տեղերն են գրաււել Էռիկ Գրիգորեանը և Արաբօ Մանասեանը:  

մանրամասնութիւնը շուտով ...